حياتي الغريبة

بسم الله الرحمن الرحيم
السلام عليكم ورحمة الله وبركاته
انا يا بنات في هم و غم مايعلمه الا الله
وما جيتكم الا لما نفذ صبري وكرهت عيشتي
وادري ان فيكم الخير والبركة وتكفون ساعدوني ابي كل وحده تعتبرني اختها وتنصحني وتعلمني وتدعيلي
انا حياتي جدا جدا جدا ملخبطة ومع ذلك احاول اعدلها بس عيت تزين معي
باتكلم عن نفسي
عمري ٢٥ متزوجه من سنه ونص وعندي بنت الحمدلله
جامعية واحب العلم بشكل عام
حالتي اللي متعبتني
اولا تاركة للصلاة يابناااااات على كبر الهم والحزن اللي بقلبي اني مقصره في الصلاة بس ماني قادره مرررره كل ما ابدا اصلي صلاة صلاتين بعدين يجيني خمووول وكسل وفيه شي يردني لا اصلي
امنيتي امنيييتي احافظ على اداء الصلاة في وقتها
طول عمري وانا احاول احاول احاول لكن بدون فايده
طول الوقت حزينه ومهمومه بدون سبب
اختلق المشاكل مع زوجي لاسباب تافهه
احب اتزاعل معاه
وهو احيان يراضيني واحيان يخليني
ازعل على شي تافه واجلس يوم او يومين زعلانه
غيوره بشكل مجنون
غيرتي دمرتني نفسيا وخلتني مو واثقه بنفسي
اروح المكتبه اشتري كتب لان نفسي اقرا لكن اركنها في البيت وماقرا شي
اشوف القران نفسي اقراه كل يوم
بس اقرا يوم بعدين خلاص مافكر اقراه
اغلب وقتي عالنت وعالتلفزيون
ما اطلع كثير
بس لاهلي واحيان انام عندهم لما دوام زوجي يكون بالليل
احب الطبخ واحب اتفنن فيه وزوجي يمدح طبخي حيل يمكن الطبخ هو الشي الوحيد اللي احبه واسويه
نفسي اترك الاغاني المسلسلات ابي احافظ على صلاتي ابي احافظ على اذكاري ابي احافظ على سورة الملك قبل النوم
نفسي احفظ اجزاء من القران نفسي اتستر في عبايتي مع ان عبايتي ساترة بس نفسي البس عباية راس
يابنات من بعد ماتزوجت صرت البس العبايه واتكحل والبس عدسات ومناكير
كله عشان اخلي زوجي يفهم ان انا اعرف اسوي زي البنات اللي في المولات
مابيه يشوفني بعبايه ساده يحسبني مو كشخه
فهمتو كيف تفكيري
انا متنرفزه من تفكيري عشان كذا متشتته وضايعه وبس عالتلفزيون والنت
بيتي مو قادر يصير نظيف مع اني اشتغل فيه وانظفه بس بسرعه يحوس مادري ليه تتتتعععبببت
ماحب الشغالات ابد عشان ماتقولون جيبي شغاله
ابغى مخي يصير صااافي مافكر بشي ابي ارتب حياتي
كل ماكتبت جدول ما امشي عليه
كل مافكرت بنفسي اننننقققهر بس ماسوي شي
اصلي وبعدها اترك الصلاة ايام كثيره
خايفه ياخذني الموت ويكون مصيري النار
مابي اتكلم مع احد بهالكلام غيركم ابي اتغير ابي اكون وحده منظمه مثقفه متدينه
ابي انشغل بنفسي ابي ارجع ثقتي بنفسي
ابي اكون قويه ومحافظة عالصلاة وهذا اهم شي
سامحوني طولت عليكم لكن من حر مافيني
ادعوولي تكفو