حياتي الكئيبة .... ساعدوني

بنات انا نفسيتي سيئة مرة رغم انا في عيد واجازة

يعني المفروض الكل يكون مبسوط

والله يابنات اني اكتب لكم واحس الدموع في عيوني

انا مااحس بطعم العيد رغم اني اجهز له عشان انبسط بس

دايما يصير العكس انا عايشة في غربة بعيدة عن اهلي وزوجي

مايعوضني ابدا عنهم احس اني عايشة وحدي في دنيا مافيها غيري

انا كل يوم يمر على مااصدق يجي الليل عشان انااااااااام وهذه هي

حياتي كم سنة وانا على هالحال

زوجي بعيد عني مايحس فيني ابكي وانحرق ومايدري عني

ولما اجلس معه واصارحه احس انه يحبني طيب ليه يعاملني

كذا كل يوم يمر مانجلس مع بعض مانسولف الا عن المصاريف ودايما مانسولف

الناس طلعات وتمشيات ومطاعم وانا في البيت عايشة ومو عايشة

وهو مبسوط مع اهله وناسه وانا بين الدموع على هالحياه استغفرالله العظيم

بنات لاتلوموني والله العظيم من الحالة اللي في انا صار لي اللحين ستة سنوات

على هالحالة كل يوم ادعي على نفسي بالموت اختار اوقات استجابة الدعاء وادعي وانا ابكي بس

والله من اللي فيني نفسي القى انسان افضفض له احس نفسي مخنوقة ستة سنوات ومو لاقيه اللي

يفهمني

معليش طولت عليكم بسسسسسسسسس والله قلت اكتب هنا امكن البنات يخففو على شوي

واحس ان في الدنيا احد معاي