ري ري
ليه كل هالياس؟؟ليه كل هالحزن الي يسمعك يقول البنت خساره القدامها والي وراها
لما شفت العنوان وانتي الي كاتبته(من ردودك في مواضيع ثانيه عرفت انك مغتربه)
قلت هذي مصيبتها ....... ماني قايله اخاف يضيق صدرك اكثر بس ربي لايوريك مكروه ابد

الغربه محد يقدر ينكر انها صعبه خصوصا الي عايش بنارها
ادري انك مشتاقه موت لاهلك وقعدتك بينهم وسوالفك معاهم حتى الاشياء الي كانت تنرفزك باخواتك تتمنينها
وادري ان قلبك وده بجمعاتك مع صاحباتك سوالفكم وضحككم كل شوي يجي ببالك
حتى للشوارع مشتاقه لها

بس حبيبتي هذا مو حالك لوحدك كثير زيك وانا منهم
بعيدين عن اهلنا والي يدفي حضننا والي يحط الصدى لضحكاتنا
بس اكيد اذا تجرئتي شوي وبديتي تختلطين بالناس بتلقين الي يفهم عليك ويشاركك هم غربتك
انتي بنفسك قلتي فيه سعوديات .. ادري انهم لاهين بالعيال بس معقوله 24 ساعه مو فاضين؟؟؟
مايجتمعون بنادي سعودي ؟؟ مايجتمعون بحلقات تحفيظ قران؟؟
تعرفت على وحده الله يذكرها بالخير كانت تقولي ان عمارتها فيها سعوديات وخليجيات مسوين جدول للجمعات
وجدول لحلقات ذكر وتحفيظ قران
موبس للي في العماره لا كل ماتعرفوا على احد حتى لوهي ساكنه بعيد

انا ماتعرفت على احد
لان النادي السعودي مررررررررررررررررره بعيد عن بيتي يبغالي بالسياره ساعه اذا مو اكثر
وزوجي وقت اجتماعهم مشغول ولاودي اول مره اروح الحالي واذا بروح الحالي ما اقدر اركب مع تكسي كل هالمسافه
مع اني اشوفهم دايما بالاسواق والمطاعم بس تكون مع زوجها فما اقدر اجي اتعرف عليها
اذا انتي ظروفك زي ظروفي وماقدرتي تتعرفين لاي سبب من الاسباب
ادخلي معهد مولازم لغه اذا ماتبين تدرسين(ومعاهد اللغه اكبر فرصه تتعرفين فيها على بنات سعوديات وخليجات وكمان اجانب)
فيه اشياء حلوه زي عمل الشوكولا او الرسم

اسئلي عن المساجد الي حولك وروحي هناك بتلقين ناس تتعرفين عليهم

لاتخلين مجال للشيطان يوسوسلك ويضيق صدرك
زوجك يمر بازمه كبيره لدرجت انها اثرت بصحته
تجين انتي الله يهديك وتزيدين البلا عليه؟؟؟
حاولي على الاقل قدامه تبتسمين وتهتمين فيه ولاتجيبين له طاري الهم والبكا
ادري والله العظيم انها صعبه لاني امر بحالات زي كذا كثير
وزوجي مشغوول ومايجي البيت الا وهو هلكان مايشوف قدامه والله انه مر على ايام موبس ابكي مدري وش اقولك ادخل الحمام وافتح الدش علشان مايسمع
مو علشان شي .. بس لاني ادري انه موناقص(هم غربه واختبارات)
كيف زوجك
على الاقل بهالوقت الي هو فيه ازمه اصبري شوي وهونيها عليه خليه اذا خفت وراحت مايتذكر الا ابتسامتك ووقفته معاك
وعندها اجلسي عاتبيه وطلعلي كل الي بقلبك واذا تقرين تنزلين للسعوديه تغيرين جو بس بعد ماتمر ازمته
لاتخلينه بوسط همومه ترا ماله الا انتي بالغربه لاتقولين اصحاب ولا زملاء صدقيني ماله الا انتي في الغربه
علشان بكره انشالله اذا شيبتو يناديك يقولك ياريري اعطيني عصاتي وترد عليه بنت يابابا احنا وعيالنا مالين المجلس امرنا وخلي ماما ترتاح
يرد عليها ويقول هذي سندي وعزوتي بالدنيا وانا قلتلها ابي العصا بس علشان تجي جنبي اشتقت لها

بعيدن سؤال
ليه ما اشوفك معانا في قسم ملتقى المغتربات؟؟
http://forum.hawaaworld.com/forumdisplay.php?f=117
شوفينا مجتمعين هناك والحين بدينا ننشط شوي بالصيف كانوا نايمين

كلنا بنفس حالك تعالي اشكيلنا ونشكيلك وتوسعيد صدورنا ونسولف لك
مشالله البنات مره خفيفات دم وحبوبات واي مساعده تبينها ماراح يقصرون معاك
لا ويحمسونك على السوق هههههههههه حتى لو ماتشترين بس تتفرجين وكذا تصيرين تطلعين وتتمشين

الا ماقلتينا انتي وين مغتربه فيه؟؟
اذا انتي بمونتريال ابشري انسيك الغربه وكل همومها انا زوجي يطلع من الضحى ولايرجع الا باخر الليل مابيني وبينه الا سلام وعليكم السلام
يلا بالويك اند اقدر التم عليه شوي والحين مر ويك اندين ماشفته زي العالم مره عنده اختبار وتسليم بحث
والويك اند هذا جاي صديقه من مدينه ثانيه يعيد معاهم شفتي القهر مايكفي اني مو معيده مع اهلي لا والحالي مره حتى زوجي موموجود

الف شكر على ردودكم افرحتوا قلبي والله انا صبورة ومريت باشياء كثير صعبه لواحكيكم تشيبوا حتى زوجي يقولي مافي زيك في صبرك بس مريت بظروف تموت وانا باقيلي بالغربه 10 او15 سنه يعني زمن ونفسي اطلع واروح واجي بس تجيني دوخه واطيح بالشارع مااقدر اطلع بدونه والناس هنا كل مااكلمهم يتعذروا ومافي غير مسجد واحد وبعيد جدا انا في بلد صغيره جدا باستراليا ماعندي عيال ولي قريب سنه
والله اني صبورة ودايما اجي على نفسي بس الشيطان شاطر ماادري كتبت الي كتبته في ساعه غضب والحين اقراها مفجوعه
جزاكم الله خير وانا في انتظار ردودكم

الله يعنيك حبيبتي ..

مابقى غير 10هونيها وتهون

اجل وش اقول لك انا خالتي .. من طلعت عالدنيا وهي كله مسافره مع زوجها امريكا ..

ومره فرحنا خلاص بتجلس بالسعوديه .. ماجلست حوالي الا 9 شهور بالسعوديه من تزوجت .. وبعدها راحت لدبي .. والحين عمري 21 سنه .. وهي لحد الان في دبي .. تجي تزور السعوديه .. عشان اهلها .. تصوري من طلعت عالدنيا لحد الان وهي بغربه .. وراح تكون للابد بالغربه .. والحين هي صارت جده .. يعني من شبابها لحد ماصارت جده وهي كله غربه ×غربه ..

يعني انتي تقدري تسيطري عالوضع عشان تتأقلمي معه .. وعشان ترتاحي نفسيا ..وماتتكدري وتعيشي حياتك طبيعيه ..

والله يبسطك دوووم .. وترجعي لارض الوطن سالمه يارب,,,