شكرا لك يقلبي على الكلام بس انا صبرت كثير وجربت طرق كثيره واني اشغل نفسي واتفائل واكون ايجابيه بس مع الوقت تعبت ومليت مو انا ابي اسوي كذا لاني اشوف ناس او شيء انا بنفسي حاسه اني مخنوقه لاني م اقدر اطلع ابدا ومحتاجه اقابل ناس جدد واسوي شيء جديد بحياتي وماعندي طاقه لشيء لاني مستسلمه من وضعي ونفسيتي زفت ولا م خليت شيء بالحياه ما سويته كل شيء صار بدون طعم احتاج اغير نمط حياتي كلها احتاج اتنفس

اللي يقولون السبب الجوال تقولكم ماعندها ترفيه ابدا الا الجوال وطفشت منه والملل اللي فيها مو عشان تطالع ف حياة الناس لاتصيرون عاد مثاليين بزياده
انا اقدر اقولها اشغلي نفسك بهوايه قراءه اي شي تحبينه بس واضح من كلامها يائسه سوت كل شي وانا حاسه فيك والله وربي حاااااسه لاني مريت باللي انتي فيه لكن بظروف مختلفه ممكن لاني البنت الوحيده💔 ف ياقلبي لاتضايقين نفسك ان شاء الله بيجي نصيبك وتروحين للمدن لكن برضو بقولك حاولي ترضي ف الامر الواقع وحبي حياتك عشان تتقبلين اي شي تسوينه ك هوايه او مشروع بسيط مثلا تصاميم وغيره ودايما خلي ف بالك انو الله مخبي لك اشياء حلوه وخليك متفائله جدا ..

ي روحي حاسة فيك مريت فذي الحالة الي كرهت فيها كل شي بسبب الجلسة فلبيت🥺

أهلين ي عسسسل، أول شي خذي قاعددة وثبتيها في مخك زين مافي شي كامل ولافيه حياه كاملة زي مانبي لازم يعتريها النقص لاكن شوفي يالغالية الرسول صلى الله عليه وسلم قال في معنى الحديث أنه من أصبح منكم آمنا في سربه معافى في جسدة عنده قوت يومه فكأنما حيزت له الدنيا بحذافيرها  ، وأنا اعتقد من كلامك كان واضح أن هذي المقومات كانت كلها عندك هذا كلام رسول الله اصدق البشريه ، صحيح ودنا ودنا بأشياء كثيرة بس صديقيني تأملي في حياتك عندك مأوى عندك أكل برضو أهل تشوفينهم حواليك  أمك ابوك خواتك خوانك ومع ذلك عندك جوال وطفشتي أنا معك ١٠٠% ان الجوال يطفش ولايغني عن البشر والتواصل معهم على ارض الواقع لاكن يضل مسلي ومفيد إذا أنتي عرفتي كيف تستخدمينه ممكن أنتي طول الوقت عليه فخلاص اكيد بتحسين بالملل مثلا لو تخصصين له وقت صدقيني بسير روتينك ممتع وفيهة حياه لان الحياه مع الجوال ٢٤ ساعه مملة لابعد حد وبما إنكم فيه قرية تقدرين تشغلين نفسك بالزرع أزرعي وإهمتي بالمحصول جدا جميله تجربة الزراعة تملئ وقتك أيضا ممكن تهتمي بنفسك وتبدأين بخلطات وممكن تشغلين وقتك بقراءة القران صدقيني بيشرح الله صدرك وبيسر الله أمرك ، الحياه عندكم بالقرية جميلة جدا أنا ماادري وش تبغين بالمدينة وإزعاجها يكفيك أنك تنامين ببساطة وهدوء، شوفي ي أختي أنا معك انو إنك ودك تغيرين جو شوي للمدينة وتجين لاكن ترا القناعة كنز لايفنى إقنعي بما عندك وبما أعطاك الله وفي نفس اللحظة مافي مانع مثلا لو جهزتو رحلة للمدينة يومين ثلاثة وجيتو لاكن لايكون شغلك الشاغل إنه خلاص الا اشوف المدينة ولابطفش بالعكس إرضي وإقنعي وبجي اليوم الي بتطفشين فيه من المدينه وتقولين ياليتني كنت بالقرية، وأما الصدقات كلنا هنا صديقاتك واولهم انا.. لاتنسني من دعواتك اتمنى كلامي اقنعك🌸👌

ربي يعينك
تقدري تشتغلي اونلاين
في اي شغله
مثلا تفتحي متجر ..او اسر منتجه
لساتك صغيرة.. خذي دورات
لو تسوين بحوث او تقديم في حافز و غيره
نعمه انه عندك جوال ونت 👍👍