:39:السلام عليكم ورحمة الله وبركاته :39:
بنات مثل ماستفدت منكم كثير حبيت افيدكم في الي حصلي من مشاكل
وشلون انحلت ووالله العضيم ان كتابتي مافيها شي من الخيال كلها واقع وحصلي >>هذا للي بيكذبني:mad:
كنت سعيده بحياتي وزوجي مدللني اخر دلال والشي هذا واضح لاهلي واهله مع الايام زوجي كثرت ديونه وبدت تتعكر نفسيته احيانا
وبديت احسها طعنات لاني باختصار ماشفت دلال عند اهلي وبعد ماحسيت اني اعيش سعيده بدت حياتي تتغير
حبيت ابين لزوجي حبي له علشان يتمسك فيني اعطيته ذهبي كله قلت سدد ديونك فيها طبعا بعد مارفض الكل مساعدته من اصدقائه واهله
الحمدلله رجعت حياتي نوعا ما وحملت ببنوتتي الاولى رجعت ميزانية زوجي تتدهور وصحتي زفت كل يوم في الامستشفى ترقيد او مراجعات
ووحم قاسي بدا يتململ ويخليني عند اهلي اسبوع وياخذني اسبوع تقريبا مو دائما
وبعد ماجبت البنوته طالعه قمر وللهالحمد مع اني انا عاديه بس بيضا الكل استكثرها علي يقولون وشلون جبتيها مزيونه اكيد ابوها مزيون !!!!!
بدت معاناتي مع النفاس الجرح مو راضي يتخيط وبديت رحلت علاج والام وبكى كل ليله لين ربي فرجها وتعدلت الامور وطلعت من النفاس بعد شهرين وبنتي فيها حساسية صدر جهاز البخاردايم معي
اول يومين الامور تمام وطلعنا عزيمه اهله في استراحه كل اقاربهم حاضرين انبسطنا وبنتي الكل صورها وحطها بجواله والرجال يوم شافو صورتها طلبوها جلست عندهمباقي الوقت لين خلص وقت العشا جابوها لي بعد ماخلصت العزيمه بدت معناه ثانيه بنتي طول الطريق تصيح وزوجي يدعي علي اول مره يسويها بدت دموعي تحت نقابي تمشي قهر
دخلنا الشقه ولبست قال زوجي ليش وجهك كذا قلت ايش فيه قال صايره شينه وكانك مغيوله من القهر لقيه وراي ونمتيوم صار من بكرا رحت الامي عطتني ماي مقري قالتعطيه من غير يدري فعلا تحسنت شوي وصارت ايامنا يوم ويوم حلو ومر
مرت الايام حملت بولدي زادت المعناة زوجي طردني منالبيت مرتين منغيرمااسويله شي يقول باخذ راحتي طعنات ما انساها
جبت الولد احلى من اخته و الميزانيه تدهورت وصارت حياتي كئيبه حاولت اطلع منها بشي يغير علي جو دخلت الجامعه وفعلا اوسع صدري قوه بعيد عن اطفال وزوج بس زادت مسؤليتي واشغالي ودراسه ولبس وعطور وانا ميزانية زوجي زفت والمصروف يادوب يكفي الاساسيات حتى لبس عيالي احاول اوفر من مصروفي علشان اشتريلهم ماركه مايصيرو اقل من غيرهم بس انا انحرج في الكليه من لبسي واغراضي صحيح حلوه بس ودي براقي بس الميزانيه زفت وزادت تعبي النفسي صرت مهمله بنفسي من التفكير حتى فكرت اتطلق مافيه شي حلو بحياتي زوج عصبي اطفالي فيهم ربو دايم تعبانين الدنيا كلها مو حلوه
صار فيني فقر دم ودوخه سوء تغذيه وقل نوم مع الاختبارات زادت الطين بله وصار عندي هبوط ضغط تعبت نفسيا صرت ماابغا احدوبس صراخ على عيالي وضغط وماني طايقه احد
جاني بودكاست عاالبيبي عن فضل الصدقه قلت لييش ما اجربها بنات لي شهر احاول لو اعطي عاملات النظافه لو ريال اواوزع اي شي انويه صدقه يوميا تاثيرها عجيب كلشياتحسن بدرجه ماتتصورونها من جميع النواحي
ادعو لي ربي يتمم علي والله ماكتبتها الا ابغا لكم الفائده ولا ابغى وحده تمر بالي انا مريت فيه
الحل احيانا يكون سهل بس حنا لهتنا الدنيا
فوانيس الامل @foanys_alaml
عضوة جديدة
يلزم عليك تسجيل الدخول أولًا لكتابة تعليق.
زهرة اللوتس5
•
الله يجزاك خير ويسعدك
سالورانا :
جزاك الله كل خير الله يخليلك اعيالك ويسخرلك زوجك اللهم امينجزاك الله كل خير الله يخليلك اعيالك ويسخرلك زوجك اللهم امين
الصفحة الأخيرة