حياتي انقلبت 💔

مساء الخير
كيفكم حبيباتي جميعاً ان شاء الله تكونون بخير 💕
بنات انا مدري كيف ابدا معاناتي لكن لي ٨ شهور وانا في معاناة وعالم غير عالم الناس الطبيعية بدت معاي الحاله بين يوم وليلة فجأه حسيت نفسي مخنوقه شيء واقف بحلقي غصه ملازمتني ركضت عالمستشفى قال الدكتور احتمال غده واحتمال حموضه طلبت سونار قال مو لازم! تركته ورحت لدكتور ثاني كشف على حلقي سوا سونار قال مافي غده اللي فيك ارتجاع بالمريء عطاني علاج اسبوعين ماتغير ولا شيء العذاب نفسه 💔 قلت اجل مو ارتجاع اكيد غده رحت دكتور ثاني عام فحص حلقي بيدينه قال مافي غده قلت ابي تحاليل سويتها طلع النتيجه سليمه بعدها اقتنعت وقلت بعالج طبيعي بالعسل والاعشاب ٣ شهور بدون جدوى بعدها استسلمت ورحت استشاري هضمي سوا منظار قال لي ارتجاع مريء والتهابات معده ومريء و علاجات ٤ شهور وحميه ،، والله يابنات التزمت بالكلام بحذافيره حتى الحميه سويت حميه قاسيه اكثر من كلامه صرت هيكل نقصت ٩ كيلو!! والتعب ماراح 💔 يخف شوي ويرجع بعدها رجعت له قال في تحسن و عطاني علاج ثاني ٣ شهور وقال لازم تزيدين وزنك كذا غلط ، تعبت يابنات تعبت ماقدر اوصف لكم المعاناة مشاكل الحلق هي اكثر شي تعبني حتى الطرحة ماقدر الفها على حلقي تضايقني و ملابسي ابعدها عنه احس حول رقبتي طوق نار لدرجة صرت اشك انه مب ارتجاع ايش الارتجاع اللي يعور بالحلق وبس! من الشك رحت استشاري حنجره سوا لي منظار حلق قال حلقك نظيف اللي عندك ارتجاع واه منه 💔💔 ماعاد اقدر اكل ولا انام زي الناس لازم مخده مرتفعه بعد الاكل لازم اجلس ٣ ساعات بعدها انام ماقدر اشرب واكل مع بعض اشياء كثييييره تعبتني 💔💔💔 اول مره اجرب مشاكل المعده قبل كنت اكل اللي ابي و اشرب اللي ابي بين يوم وليله تبدل الحال واكثر شي تعب نفسيتي بالدوام البنات طلبات و قهاوي واشياء وانا ماقدر حتى اكل حبه شيبس
انا مستعده اتحمل لكن ابي امل ان هالوضع بينتهي اكثر شي يكسر ظهري اذا سمعت ناس من ٣ و ٥ و ٧ سنوات يعانون هنا فعلا اموت كيف بقعد طول عمري كذا خاصة اني توني ببدايه العشرين هذا غير وزني اللي راح والتعليقات على نحفي تجرح
فيه نقطه مهمه يابنات قبل تبدا المعاناة كنت امر بظرف خارجي و كنت مهمومه و فيني قلق وخوف ووسواس وهلع شهرين كامله بسبب هالظرف نفسيتي كانت صفر وقلق فضيع وبعد هالشيء بدت المعاناة مرات اقول ممكن ان القلق لعب بمعدتي وهو سبب كل ذا لكن القلق اختفى من من زمان لما انتهى الظرف والمشكلة ما راحت
بنات اللي لها تجربه او عندها علاج او تعرف احد تعالج تعطيني امل ادري كثرت كلام وهذرت لكن التعب والهم خلاني افضفض اعتذر منكم وفي اتمنى تشاركوني لو بكلمة ❤️