ما شاء الله الأخوات ما قصروا واضافه

أنت تمثلين جانب الخير وهن البنات يمثلن جانب الشر فاجتهدى :26:

المواجهه لا تنفع حاليا ولكن بعد فتره عليك بالتلميح والنصح وذكر قصص من غير ما يحس أن

الكلام موجه له كما ذكرت الأخت توليب ونصيحه قبل كل خطوه تخطيها صلى الاستخاره وبعدها استشيرى

ثم ابدأى بخطوه وبكل شجاعه لا تترددى ولا تنسى الدعاء ثم الدعاء .

واذا استمر ما ترك واجهيه بعد الاستخاره لا تنسى الاستخاره المواجهه تكون بهدوء ومؤثره بنفسيته

الله معاك حبيبتى مع السلامه:24: حافظى على زوجك

السلام عليكم
البنات ما قصروا
بس حبيت احكي حكايتي مع الجوال
عندي جوال وهو كذلك
عندما يعود للبيت يغلقه
او ينساه في السيارة
او يلغي المكالمات الاخيرة
طبعا انا تضايقت
ولكن ما الحل
تجاهلته بعض الشيء لم اعد انتظره معظم الايام في المساء وكنت الغي المكالمات الاخيرة لجوالي عندما يريد استعماله
وايضا كنت اتكلم وعندما اراه اغلق الجوال
وعندما فاتحني بعد شهر او اكثر
قلت له هل يعقل ان تشك في
اذا انت شككت بي اذا سمحت لي ان اشك بك
انا لا اعمل شيء انت لا تعمله قبلي
والحل
اتفقنا ان نلغي كلانا الخلويات
انا لست سعيدة بهذا الحل
ولكنني اوصلت له ما اشعر به
ارجو لك التوفيق

شكرا على الردود كلكم حبيباتي

بس هالموبايل قصته صارت لها الحين سنتين ونص وهو على هالحاله وتهاوشنا بس مافيه فايدة جيته بالطيب برضو مافيه فايدة

مايتفاهم ويقول انا بديت اكرهك من كثرة الشك الي انتي فيها وفهمته انو هو السبب وانو لولا حبه ماشكيت بس مافيه فايدة قهرني وزعل ولاكلمني

يعمني التفاهم معاه مايفيد ابدا وش رايكم ؟؟ مع العلم اني مااصارخ ولاارفع صوتي ولاني عنيدة وقلت له هالشي انا ماني عنيدة فقال ادري انتي مش عنيدة بس شكاكه وهذا شي يطفشني ويخليني اكرهك واكرة البيت

وانا محتارة ان سكت انقهرت وان تفاهمت معه زعل والحي الورقه الورقههي سلاحي اشهرها في وجهه اخاف الدعوى تكبر لان تونا امس متصالحين

ياناس احبة وشكي كان على اساس مش على باطل بس ايش الحل

باقي شي مهم ماقلت لكم عليه

هو ماعندة اسلوب بالكلام ابدا يعني مايعرف يقول كلمتين على بعض حتى لو يقول شي عن احد ولا شي مايعرف ينسق الكلام ولايعرف يرتبه يعني كلمة وكلمة هذا الشي الوحيد الي مطمني انه مايعطيهم ريق حلو

بس انه غني ثري يعني ماديا يمكن البنات الي يكلمهم درو بهالشي عن طريق اصدقائه الي يكلمونهم وحبو يتلزقون فيه علشان الهدايا والفلوس

شوفي حبيبتي

هذي معركه صج لالا تخترعين جاهدي للمحافظه على بيتج

شوفي خلي سالفه الموبايل الحين لان شكله بياخذها حجه عليج

انا بقولج شي حولي انتباها يعني غيريه خليه يشوف شي ثاني اشتري له هدايا انتي كشخي وخليكي انيييقه جدا لفتي نظرة بس....................................زلا تحاولين تنتظرين منه نظرة او ردة فعل يا حبيبتي خليكي شاطره اخذي قلبه بالزين والسنع ...........................زوفي شي بعد اخذي قلب اهله وروحي معاه حق اهله .......... ارتبطي فيه اكثر طلعي معاه ووصي احد يتصل عليكي وانتي معاه بس خليها تكون طلعه خاصه يعني مطعم او شي واذا اتصلوا قولي انا مع زوجي ومشغوله يعني حسيسه ان ما تبين التليفون يشغلك عنه وانتي معاه .......................






بقولك نصيحه هي غريبة بس تجيب فائده باذن الله ...زدخلي له من المكان اللي يحبه يعني


قولي له شرايك تغير نقالك الجهاز بس مو الرقم يعني في اشياء جديده طلعت (لا تخافين بس جذيه علشان يشركج في كل شي ) لا تخافين خليكي كوووووول معاه بس لا تحترين جدامه انا ما ابيكي تضايقينه كوني صديقته والله هذي نصيحه حلوه لا تكوني زوجه غيورة وبس كوني حبيبته


ويارب الله يرزقج بالذرية الصالحه اللي تفرح قلبج
ويهدي لج زوجكي يارب

أختــي الغــالية..((أم الغـــايب))...

فــرَج اللـــه كربتك وأزاح همـــك...

مــا شــاء اللــه الأخــوات كفــوا ووفـــوا..

بس حبيــت أأكد على الكــلام اللي قالوه..

-المــواجهة: لا تــواجهيــنه بأي شي خصــوصاً هذي الفتــرة وحسسيــه

إنج تثقيــن فيــه ثقــة عميـــاء حتى لو اللي تحسيــن به غير هالشــيء..

وإنج مــا تشكيــن فيه أبــداً.. مع الوقــت بيحس بتــأنيب الضميــر (إن

شـــــاء اللـــه) وما بيكون عنــده عذر يردد ســالفة إنه يكرهج ويكره جلســة

البيت...والورقــة لا ترميــنها.. حطيــها في مكــان بحيث ما يدلهــا وما

تكــون في مكان تشوفينه دايمــاً عشــان ما تتضايقين كل ما تشوفينها...

حــاولي تلقـيـن لج شــي تطلعيـــن فيه قهرج غيــر عنه هو.. ريــاضة.. هوايــة..

ومثــل ما قالوا الأخـــوات اهتمي بنفســـج واكــشخي وجددي نفســج كثر ما تقدرين..

ومن الأفضـــل إنج تأجليــن شوي ســالفة إنج ترويــن مشكلتكــم

على أســاس إنها مشــكلــة صديــقتج..لأنــه ممكــن يفهم

بسهــولة إنه هــو المقصــود..

وأهـــــم شــي الدعـــــــاء له بالهدايـــة وأن يســـخره اللـــه لك..

ويــؤلف بين قلــوبكم.. وأن يرزقــكما اللـــه بالذريـــة الصـــالحة..

اللـــــــــه يهديه إن شـــاء اللـــه ويســخره لج

ويرزقكم بالذرية الصـــالحة في القريــب العـــاجل...