حياتي بتنهار بحاجه لمساعده

السلام عليكم ورحمة الله وبركاته
خواتي انا بحاجه لمساعدتكو مش عارفه كيف اتعامل مع زوجي لان حياتنا لا تطاق
زوجي من النوع المتحكم لازم كل كلامو يمشي مش مهم شو بدي متزوجين من ٩ سنين مشاكلنا نفسها ما عندي صديقات لانو منعني اول الزواج اتواصل معهن ما في جارات او سلفات اي شي بدي اياه يا برفضو او بأجلو اشهر فش اهتمام كتوم جدا جدا عاخبارو واخبار غيرو وباخر فتره صارت بينا كثير مشاكل لدرجة انو ضربني وتجاهلتو لمدة شهر عايشين بنفس البيت من دون كلام وحاليا النا اسبوع منحكيش مع بعض بمرض مستحيل يطمن علي مش عارفه شو الحل المشكله منو ولا انا حساسه زياده عندي اطفال بس حاسه حالي مخنوقه ما بعرف اذا بتصنف ضمن صفة الكريم بعطيني فلوس بس لازم يعرف لشو بحتاجها واذا الاشي مهم او لا