الله يعينك..
لازم انتي تساعدين نفسك وتمسكين لسانك..

حبيبتي الغالية انا كنت مثلك
ومع الاياام قسى قلبي لان انجرحت كثير كنت طيبه بالحيل وعلى نياتي
واراعي الناس مثلك
لكن بعد ما انفصلت (تطلقت ) لاني كنت مملكة بس ما ادخل علي الحمدلله
تخيلي
قعدو اهلي يعايروني بالمطلقة ليل ونهار ويقولون لي اصلا لو فيك خير ما طلقك
ووصلت الدرجة لقدام الناس يعايروني ,,,,,,,,,,يعني لو اني قوية وماني طيبة بالحيل ماقالو هالكلام لكن الطيبة شوفي وصلتني لوين؟




ومن بعدها كرهت كل شئ ..
وكرهتهم ايه نعم كرهتهم ..
وقعدت ابكي واصلي وادعي ربي ان الله يفرجها علي ..
ومع الوقت صرت اسمع كلامهم مثل النكتة اللى تضحك
ومااااااااااااات احسااسي ومشااعري
صرت اشووفهم وحوش مو اهل
وطنشتهم اخر طناش وصرت اجلس معهم وسااكته مع اني كنت اول اسوولف واضحك واقوول كل اللى بخاطري وكل اللى يصير معي في حياتي وهم اهلي
بس صرت حذره من بعد ما قعدو يعايروني
حتي الجيران وبناتهم يطالعوني بشفقة ورحمة لما اهلي يعايروني قدامهم
كرهت نفسي ذاك اليوم ومشيت الوضع عادي وفوق كل هذا قاعده ابتسم وسااكته ولا كن همني شئ وهم قااعدين يسولوفون ويطالعون فيني ينتظرون رده فعل مني وانا اسوى نفسي مندمجة مع سوالفهم الحمدلله هذا من ربي اللى ربط على قلبي بذاك الموقف والمواقف الثانيه اللى اقوى منها ..وما طلعو من هنا اللى انا داخله غرفتي ابكي ليل ونهار ليل ونهار ظليت سنه تقريبا وانا ابكي يوميا
من الاهانات والسب ليييييييين صار ماحد يهمني غير نفسي وكيف اريح نفسي

آآآآآآآآه والف آآآآآه مرت اياام كانها جبل وعمري 19 سنه ودخلت 20 سنه وانا للحين يعايروني
وابوى نفس الحالة قااعد كل ما شافني عايرني وذا عصب مني قال ايه مالومه طلقك ولد الناس
يعني مدري من وين القاها ولا من وين ؟
تعبت نفسيتي وصرت كله مضاايقة وكله عصبيه لدرجه خواتي يقولون لي انتي مريضة نفسيا
ما كفاهم المعايرة اني مطلقة لقو كلمة ثانيه اني مريضه نفسيا
والمشكله انهم عارفين انها بسببهم صرت كذا
صرت اجاملهم وكله ساكته ماكلم احد اللى اذا احد سالني يعني يا دوب الجواب على قد السوال وكله قاعده لحالي بالغرفة
وصرت حذره منهم ومن كل الناس لانهم لما شافوني ساكته صارو يرسلون علي بنات الجيران يبون يعرفون وش وراي
ولله الحمد مالقو شئ فيني ولا بردت خاطرهم بكلمة
ومن هذيك الاياام صحيح كانت قااسيه ولكن كانت درس قوى خلاني اكبر 20 سنه على عمري
والحين عمري 21 سنه ومتزوجة مالي 6 شهور والحمدلله ربي عوضني بزوج طيب وصالح والحمدلله والحين جارتنا كل ما شافتني تقوول لي الحمدلله شكلك مرتاحة الله عوضك خير يا بنتي انتي طيبة والله عطاك واحد طيب مثلك
حتى اهل زوجك طيبين وزواجك ما شاء الله حلو..
شفتي وش قد ربي كريم
دعيت اللى عينه ما تنام اللى رحمته وسعت كل شئ وسعتني رحمته الحمدلله يارب الحمدلله على كل حال
والحين خواتي واهلي يمدحون زوجي لان طيب وكريم
اما ازواج خواتي بالباقين اللى كانو يعايروني امي ما تحبهم لان ماعندهم اخلاق ولا ادب ولا هم محترمين وابوى متضاايق منهم لانهم مو عادين له احترام
ودايم اشكر ربي واحمده وابوى صار يغار مني لما شافني مرتاحه من دونه
يدور علي الغلطة والسبة عشاان يتكلم فيني بس ربك حامي عارفني اني على النيه وقلبي طيب
انا صحيح خرجت عن الموضووع لكن حبيت اقوولك اللى خلاني اصير قوية من عقب كنت ضعيفة ومالي حتى شخصية
ابقولك شئ ان الطيب في هالزمن ما تنفع والطيب ماله اي قيمة عندهم
وصوني لسانك وفكري بكل كلمة قبل كل شئ
لا تنتظرين احد يجرحك او يهينك او يتكلم عليك
عشاان قلبك يقسى وتعرفين تمشين حياتك من الحين اقعدي فكري وجربي على خواتك انك تظلين سااكته وتفكرين بالكلام والله يفرجها عليك
وهذي قصتي واستفيدي منها ..

خليك على سليقتك طالما ان ماتغتابن او تحشين بأحد

فعلا هذا اللي فكرت اسوية



جزاك الله خير



كلمة شغلات طفوليه هزتني والله الكملة قوية بس يمكن هي اللي بتنفعني

بتذكر هذي الكلمه كل وقتي

الله يعينك اختي

بالتعود راح تتعودين يا قلبي