حياتي بدون خادمة

أنا موظفة وعندي ثلاثة أطفال. شغالتي سافرت من شهرين بعد ماقضت عندنا ست سنوات كانت ممتازة جدا فيها وماعانيت من أي مشاكل معاها. يومي كله جري بين الدوام وشغل البيت وطلبات الأطفال. في بعض الأحيان يساعدوني ويرتبون معاي لكن شغل الأطفال مايريح ويزيد الطين بلة في بعض الأحيان ومايزيد التعب علي إني حامل في الشهر الثالث وأتعب من شغل البيت بسرعه مع الغثيان والدوخه الي أحس فيها. تجي علي لحظات أنهار من التعب وحوسة الأطفال وأجلس أبكي من القهر والتعب الي أحس فيه. حاولت كثيرا إني أتأقلم مع حوسة الأطفال الي ماتنتهي وأقنع نفسي أنهم أطفال وبيجي يوم يكبرون وتنهي حوستهم وشقاوتهم. لكني ما أقدر أتحمل وأنهار في النهاية وأحس في الذنب بعض الأحيان إني ما أقدر أتحمل الحياة بدون شغالة. أنا في دوامة ماتنتهي.وطبعي في حب النظافة والترتيب الدائم يتعبني ويحسسني أني مهما أشتغلت في البيت أحسه ماينظف ومايترتب وكأني أحفر في البحر. شورو عليّ كيف أرضى بواقعي وأتعايش مع الفوضى وعدم النظافة الدائمة.