حياتي بدون شغالة أفضل

مثل مو مكتوب بالعنوان أنا كنت ابي شغالة ابي أجيبها بأي ثمن لان راح أولد فبيتي سبحان الله ويجيني فجائه تبلد
خلاص ماعدا ابي شغاله ماعاد افتح الموضوع مع زوجي وهو طبعا استانس😒
المهم واشوف ذاك المقطع الي قلب تسبدي علي 😷😷😷
مقطع المره الي تحلمت ان في مطبخها حريقه وفزت وراحت لمطبخها والا تشوف شغالتها منقعه وسخها بقدر وتبي تشربهم 😩😩😩
انا عند هالمقطع خلااااااص شلت فكرة الشغاله نهائي <<<هذا كله مقدمه😬
نجي للجد انا بقولكم على طريقه للتنظيم
اول شي نصيحه عدلي نومك راح تتعدل حياتك يعني اول شي وقتي جوالك على صلاة الفجر واذا قمتي قومي ابوكم يصلي بالمسجد
وبعدين قومي عيالك لمدارسهم وجهزيهم وقبل مايتوكلون على مدارسهم اقري عليهم واستودعيهم الله
عاد نجي لابو الشباب جهزي قهوته وفطوره وصحيه على دوامه واذا خلص وطلع لدوامه استودعيه الله وان مايشوف غيرك😬
عاد الحين فضيتي لنفسك قبل تبدين باعمال البيت ادهني شعرك ومو لازم كل يوم يوم ايه ويوم لا
بعدين ادهني كل جسمك باي كريم اوخلطه انتي معتمدتها ولاتنسين اقدامك والبسي شراب وخلي عندك قميص او بجامه لوقت التنظيف فقط ثم ادخلي المطبخ طلعي دجاجتك او لحمتك حقت الغدا بعدين ابدي تنظيف غسلي مواعينك و امسحي الارضيه وامسحي الفرن وعقبي على الثلاجه المنتهي او الخربان ارميه عشان ماياكلونه اطفالك
بعدين اطلعي للصاله واكنسيها وامسحي الارضيه والطاولات ومرري المنشفه على الجدار
بعدين ادخلي غرفة عيالك ورتبيها وطلعي كل الملابس الوسخه واذا معك وقت اقعدي سفطي الملابس وادخلي على غرفتك رتبيها واكنسيها وعدلي السرير وعطريها وسكري الباب
وعاد المجالس عقبي عليها بالمكنسه لانها اغلب الوقت نظيفه وامسحي الغبار عن الاثاث وغسلي الحمامات وانتي بكرامه
واذا خلصتي وبقى وقت سوي رياضة لشد البطن <عقدتي😩😩
اقعدي على النت او ارجعي على قهوتكم وتقهوي او كلمي وتطمني على اهلك واحبابك وتفرجي ببرامج الصباحيه <<عشقي البرامج الصباحيه 😊
واذا اذن الظهر سوي غداك واستقبلي اولادك
بعده ادخلي سنفري جسمك وافركي رجولك بالحصاه وتروشي وانتظري ابوكم يجي من الدوام
عاد بعد الغدا ودك تاخذين قيلوله او ودك تسوين حلا لقهوة المغرب على راحتك اهم شي خلي ابو الشباب ياخذ قيلوله مريحه ثم قوميه على صلاة العصر عاد العصر احلا شي تسوينه فيه انك تروحين السوق <<ماحب السوق باليل
او تسيرين على اهلك او اهل زوجك او جيرانك واحسن شي خصصي العصر لمذاكرة اولادك والزيارات خليها جمعه وسبت
المغرب خليه روتينك اليومي لازم قهوه مع ابو الشباب سواء بالبيت او بكوفي
العشاء بالمثل ودك بالبيت سويله تجهيز مسبق ونصيييحه ادخلي اليوتيوب على منال العالم واخذي منها افكار للعشاء عشان ترتاحين ويعجبني فيها كمان ان اطباقها سهله وماتكلف
وعاد بعد العشاء نومي اطفالك وجهزي ملابسهم للمدرسه
و اسهري بعد العشاء ساعه او ساعتين مع زوجك وعقبه نامي نوم العوافي يارب
وموضوعي الثاني راح اتكلم فيه ان شاءالله عن طريقة تنظيم للموظفات وان شاءالله افيدهم