كيفكم يالسنعات
هالمره جبت افكار تنظيم وترتيب للموظفات يساعدهم ويخفف عنهم ضغط شغل البيت
اولا تعديل النوم وحبذا من الساعه 11وانتي وعيالك نايمين
ثانيا لازم تفرزنين عشان يسهل عليك الطبخ وخلي سنعك بالطبخ يطلع بالويكند
ندخل في التفاصيل
خصصي يومين جمعه وسبت للي بقوله الحين
فرزني غداك <<سوي كشنه كامله بقدر كبير بدون ملح وبهار واتركيها لين تبرد بعدين علبيها بعلب نظيفه لكل يوم علبه تكفي لغداكم
وجيبي كرتون دجاج اتركيه يذوب بعدين قصصيه وحطيه باكياس اللحم وبالفرير مع علب الكشنه
وجيبي خضار تكفي اسبوع من الاحد الى الاربعاء وقصصيها وحطيها باكياس لكل يوم كيسه اذا كنتم من محبي الايدام مع الرز
وعاد انتي وشطارتك بالفرزنه👌🏻
نجي للبيت اقسمي شغل البيت على يومين الجمعه والسبت
يوم الجمعه نظفي غرف النوم تنظيف عميق مع ترتيب وتسفيط الملابس وتنظيف المجالس وتنظيف المطبخ من الى
والسبت اولا ادهني شعرك وادهني جسمك بخلطتك المعتمده ولاتنسين الاقدام والبسي بجامه قديمه ولفي شعرك بالنايلون حق الاكل
ثانيا اغسلي الحمامات مع غسيل الملابس وغسيل الحوش ومسح سراميك البيت <<وافضل شي غسله
ومسح الجدران
وثالثا روشي عيالك استعدادا للمدارس وعاد جا وقت دلع نفسك☺ ادخلي الحمام تروشي ولاتنسين السنفره للجسم كامل وغسل الاقدام وبعد ماتطلعين تعطري وتبخري تطلعين مززززه 👌🏻😍
ورابعا وقتي جوالك على الساعه 4 الفجر قومي قبل الصلاه جهزي الفطور صحي عيالك للمدارس وصحي ابوهم يتجهز للصلاه
فطري عيالك ولبسيهم واجهزي انتي وتوكلي على الله ولاتنسين وردك واستودعي نفسك وعيالك وزوجك وبيتك الله
وبعد ماتجين من الدوام طلعي قدر الغدا حطي فيه ماء مغلي <<اسرع شي الغلايه
وفكي علبة الكشنه و مع كيس دجاج مقطع ولاتنسين الملح والبهار لان طبعا الكشنه مو مملحه ولابهره
وبهالوقت نقعي الرز بمويه حاره واقل من الساعه والغدا جاهز
وبعد الغدا اغسلي مواعينك وامسحي الفرن والارضيه
واخذي قيلوله واحسن شي ماتنامين عشان مايحتاس نومك بالليل بس ريحي سوي شاي نعناع وروقي بعد الغدا ذاكري لعيالك حظري دروسك اذا كنتي مدرسه اقري جزء من القران ريحي على سريرك تصفحي النت
اذا اذن العصر قومي صلي واقري ورد المساء سوي قهوتك العصر<< لاتفكرين تقهوين بعد المغرب لان مثل ماقلنا نومك من11
او روحي لكوفي او اخذي قهوتك ومفرحاتك واطلعو لحديقه او للبر بهالجو الشتوي 😌 او خصصي العصريه للمذاكره لعيالك
وبعد المغرب جهزي عشاك عشان تتعشون بعد صلاة العشاء وبعد العشاء معك ساعه ساعه ونص تروحين للسوق اذا ناقصك شي او ناقص عيالك وارجعي بسرعه نومي عيالك وجهزي ملابسك وملابسهم وصلي ركعتين وادعي الله ييسر كل امورك ونامي ياجعله نوم العوافي😌
اتمنى اني افدتكم
بنات يمكن فيه بنات يصعب عليهم هالروتين بس اتمنى اني قدمت افكار تساعد الموظفات
ومابي الا الدعوه الحلوه
Y_a_r_j5 @y_a_r_j5
عضوة جديدة
يلزم عليك تسجيل الدخول أولًا لكتابة تعليق.
الصفحة الأخيرة