حياتي بعد زواجي ، فيه احد نفسي ،

،انا متزوجه لي سنه ومن زواجي للحين وانا دائم ابكي احيانا اخنق عبرتي وأحيانا تطلع دموعي غصبا عني مدري وش فيني.. زوجي حنون حيل وطيب وما يقصر علي بشي لكن ماعنده رومانسيه ومايعرف يسولف معي وغير اجتماعي ومافي احد نسير عليه اذا قلت ابي اسير على احد يقول اهلي عندك روحي الهم وليه انتي ماتبين اهلي ووووو ياكثر كلامه ويتعقد لساني أختي بالحسره اجيها وكل ماقلت شي قال اهلي اهلي بيتي نفس بيت أهله بس اعطوني وحده من غرفهم وكملوا عليها صاله ومطبخ وحمام والحوش واحد وغداي عشاي وفطوري هم يجيبونه لي زهقت ابي اطبخ اتفنن اسوي حركات مافيه حتى هو وقت العصر يروح لأهله وقت العشاء اذا قلت ابي اسوي لك عشاء يقول اتعشاء. عند اهلي واذا قعد عند أهله انا اقعد عند البنات وهو عند ابوه واخوانه وامه واذا جيت وقعدت معاهم يقعدون شوي وعقبه العيال يروحون لصاله وشوي شوي لما يتفرقون او يجتمعون لحالهم وابقى انا والبنات ولا يكلمني ولا يسولف معي عند أهله كأني غريبه عليه مدري وش السالفه واذا ركبنا السياره نبي نطلع كل العيله تقول لنا وين وين واذا جيت تحقيق أمه وين رحتوا صار مايطلعني الا اذا بكيت
وما احس بحبه لي بس اذا جاء وقت النوم قام يحبب عشان يبي ينام اما طول النهار ما يقول شي صامتين كأننا بعزاء . لما اسمع سوالف خوياتي وازواجهم أحزن علي نفسي ، مايحب احد يسير علينا ولا يبي احد ومايعرف يسولف ابدا ،، صرت دائم دمعتي بعيني حتي عند النوم دموعي تطلع وكل الوقت حزينه اليوم شافني وقال وش السالفة اربع وعشرين ساعه تبكين ترا ماصارت وش تبين انتي زهقتي منين تبين اهلك ولا تبكين عشان ماحملتي ولا وش سالفة هال نوع الي اربع وعشرين ساعه انتي مو طبيعية ،، عجزت احبس دموعي حتي صابني هالحين القالون وأحس من معدتي وبطني ناااااار. وغاب عني يوم واحد تصدقون اني تشافيت وتحسنت حالتي مع انه طيب وحنون بس مافي سوالف ساكتين كل الوقت حتي اني تغيرت قبل زواجي مرحه ودائم اضحك وأعلق وراعية جو وهالحين احس اني تعقدت حزينه كل الوقت،، وهو مو متوظف مقابلني كل الوقت واذا طلع لمكان أهله يطقون الباب لما افتح تعالي تقهوي وغصب لازم أجي ومافي جو زين عندهم قهوه تلوع الكبد ولا حلى ولا اي شي وكل الوقت يحشون باقاربهم زهقت من سوالفهم ممله وقليل احد يجيهم، أتمنى احمل ابي طفل يسليني ،، هذي حياتي من زواجي سنه ونص . فضفضه كاتمتها ماقد قلتها لأي احد واحتاج نصيحه 😢