حياتي تدمرت بسبب الرهاب الاجتماعي

بنات أنا حياتي توقفت ومستقبلي قاعد يضيع بسبب الرهاب الاجتماعي عجزت أسيطر على نفسي.
أنا طالبة بالكلية وإذا سألت الدكتورة أعجز أجاوب أخاف يصير غلط وإذا جاوبت تتسارع دقات قلبي ونفسي يصير سريع
ومستحيل أقدر أقرأ سطر واحد بدون ماينقطع نفسي
الله يفرج همومكم اللي مرت بنفس حالتي تقول كيف أتخلص منه 💔 😭
وأنا صغيرة ماكنت أجتمع مع أحد نهائيا حتى المدرسة تركتها بسن صغير مرة طبعا بسبب أبوي مايبين نختلط بأحد أنا وخواتي، وبعدها تزوجت عمري ١٩ سنة وصرت أجتمع مع أهل زوجي بس عددهم قليل يعني مرة فترة وتعودت عليهم، أم زوجي وزوجة أخوه فقط ما عنده خوات فقط اخ واحد.
الحين أنا ماأتكلم بالمحاضرة مع اني أعرف الإجابة وأحيانا الدكتورة تقول نفس الإجابة اللي ببالي
تعبت والله العظيم مستقبلي قاعد يضيع قدامي
في بنات ماشاء الله مو مرة متفوقات بس جرئتهم خلتهم معروفين عند الدكتورات
أنا والكرسي واحد
مع ان طبعي فرفوشه واحب السوالف وقرقه ماأسكت والحمدلله اخواني وخواتي ينبسطون بالسوالف معي
وكثيييرة الاطلاع يعني عندي معلومات وسوالف بس للأسف الرهاب الاجتماعي دمر حياتي.
تقدمت بدراستي بالكلية ب مستويات متقدمة ومازلت على وضعي حتى والتعليم عن بعد لم ينكسر حاجز الخوف والقلق والتوتر، يديني ترجف إذا جيت برد على الدكتورة
حتى إذا خلصت المحاضرة أجلس ساعات وقلبي يدق بسرعة وأحس بالتوتر، اذا فكرت افتح المايك واجاوب أو بس ضغطت على زر رفع اليد بدأ قلبي يدق وحالتي حاله ولو ناقشني الدكتورة أو الدكتور أسكت أعجز أرد مع اني أعرف كللل شي بس التوتر يخلين انسى اسمي


انصحوني ولكم دعوة بظهر الغيب من أختكم💔