السلام عليكم ورحمة الله وبركاته .... اتمنى ان تكونو بخير وبصحة جيده انا عضوه جديده كنت دائما ادخل المنتدى واقرا قصصكم افرح لفرحكم واحزن لحزنكم .... اليكم قصتي اللتي اريد ان افضفض لكم وتشاركوني معاناتي لانني اثق في ارائكم ولانكم بني جنسي سوف تحسون بي وتخففون عني فانا مثلكم كلي احاسيس ومشاعري فياضه ... فقدت اشياء كثير في حياتي من طفولتي وحرمت حنان والدي عشت مع والدتي اللتي صبرت على تربيتنا انا واخوتي العشره سنوات طويله اطال الله في عمرها ...... ابدء قصتي تقدم لخطبتي شخص متزوج عمره 40 وانا 28 ووافقت والحمدلله ...... انا الحمدلله على قدر من الجمال وطيبه جدا ودلوعه حيل وهاديه احب الناس كثيرا لا احب ان امدح نفسي ولكن قصتي تستوجب مني ذكر صفاتي ... تحدثت معه في ايام الملكه سالته ان كانت زوجته تعلم ولكنه قال لي اني اخبرتها لكن لم تصدقني .. تم زواجي والحمدلله عندي في نفس مدينتي لانه من مدينه وانا من مدينه ثانيه وهو مو من جماعتنا وعندما تقدم لي قال دلونا عليكم ناس سال عنه اخوي والحمدلله الكل كان يمدحه هو غني جدا عنده زوجه ام لبنته و3 من الاولاد من طليقته الاولى زوجته هي التي ربت الاولاد عاشت معه ست سنوات حتى اني سالته ليش تتزوج عليها وهي اللي ربت اولادك وماقصرت قال اريد الراحه النفسيه وانه ينقصه اشياء .. ماكان يحب يتكلم عنها ابدا واحببت هذا الشي فيه لاينقل عنها شي عندي ولا ينقل شي عني لها وايضا هذا كان كلامه .... بحكم بعد مدينته عن مدينتي لم يحضر زواجنا الا رجال من طرفه وبحكم ان والدته كبيره بالسن وتتعب من السفر وماعنده اخوات قريبين منه .... تزوجنا كان زوجنا مختصر عائلي لكن افراد عائلتي ماشاء الله تبارك الله كثير كان في قاعه والزواج كان عليه وهو طلب مساعدة اخي في حجز القاعه والعشاء بحكم انه لايعرف شي في مدينتنا واخوي من باب النخوه والشهامه ولييسر الزواج عليه ساعده هو ارسل الفلوس واخوي حجز القاعه والعشاء جا كانه ضيف ... تزوجنا وتمشينا اسبوع ورجعنا لمدينته وسكنت بشقه مفروشه طبعا هو ايام الملكه قالي انه عنده شقه بس ماجرها لخويه اول مايسلمها له ياثثها ونسكنها خيرني يجهزها هو ولا انا بعد الزواج واختار الاثاث بنفسي اخترت ااثثها انا ....... سكنت بشقه مفروشه زوجته وعياله كانو عند اهله سافر جابهم ورجع طبعا ماقالها اول ماجات بعدين سالته ها قلت لها قال خلاص بقولها طبعا اول ماجات تركني 3 ايام لانها باقي ماتدري اللي حصل انه قالها وجاني وعلمني ونام عندي وهي ماقالت له شي وراحت لاهلها هو يفكر انها ماراح تترك البيت .... اليوم الثاني راح للبيت وسال عياله قالو ماهي موجوده والعيال جلسو في البيت مع الشغاله .. بعدها حسيت انه متوتر وحتى انا في اليوم اللي هو عندي مااشوفه الا الساعه 11 بالليل كنت لحالي طول الوقت وتعبت نفسيتي قلت بتحمل الين ربي يفرجها صار يجيب عياله فترة العصر علشان اذاكر لهم وادرسهم وكانو مبسوطين معي كنت احبهم حيل لاني احب الاطفال وكنت دايما اقوله رجع زوجتك حرام عليك ومن هالكلام كان يقول زي ماطلعت ترجع وصارت تطلب الطلاق وهو يقول ماني مطلق وربي العالم بنيتي كنت اقوله تكفى روح لها كيف هي ترجع من نفسها انت غلطت لانك ماقلت لها ...... مر شهر على زواجنا اخجل منه وماعرفت طبعه ابد مانجلس مع بعض لاني مااشوفه كنت اعاني بشده ولا اخرج ولا شي المهم على نهاية الشهر قالي ترى بروح لاهلك استغربت اهلي في مدينه ثانيه قلت ليه قال انا بسافر عندي شغل اسبوعين برى المملكه وبرجع وماقدر اخليك بالشقه المفروشه ماراح ارتاح قلت خلاص جا معي عند اهلي وودعته وراح ... اتصلت فيه اليوم الثاني ورد علي عادي .. هو مايتصل فيني ابد انا اللي اتصل فيه واتصلت اليوم اللي بعده وكان مشغول قال بكلمك بعدين وحتى رفع صوته علي انا مشغول وقلت طيب اسفه وسكرت على طول وصرت ارسله رسايل بس شوق وحب وكذا ... المهم بعد مامر اربعه ايام اتصلت عليه في الليل لانه ماراح يكون عنده شغل ومايرد وخفت عليه وصرت اتصل الى الساعه 11 لاني اعرفه بعد 11 ينام وصرت ارسله تكفى طمني انت فيك شي واخيرا ارسل انا بخير وماعندي رصيد الحين وباقي خارج السعوديه ....... اليوم اللي بعده اتصل في في الصباح وكنت نايمه مارديت اتصلت فيه في العصر مقفل جواله الى الليل انا هنا انجنيت ووسوس لي الشيطان قلت اكيد انه في المستشفى ومايباني اخاف عليه ولا ينشغل بالي .... صرت اتصل وارسل رسايل بالهبل ولا رد من العصر الى الليل وماجاني نوم اتصل في الصباح رديت عليه قال كيفك قلت بخير كيف الاهل قلت كلهم بخير وربي كانت دموعي في عيني من الفرحه يوم سمعت صوته قال وش هالرسايل وراك ازعجتيني سكت قال ردي قلت ابي اتطمن عليك شوي رفع صوته بقوه وصار يهاوشني انتي ماريحتيني وانا مارتحت ومن هالكلام وقال انتي طالق ............ وورقتك بتوصلك انا انهرت وقتها ورحت للمستشفى عرف اخوي اتصل فيه قال مابينا توفيق واختك ماحصل منها شي اخوي هنا بغى ينجن ....... اتصل فيه الى يومكم هذا مايرد ابد وارسله بس ارسل لي رسالتين قال شنطك بتجيك وورقتك لاني مااخذت اغراضي كلها يوم جيت هنا .... ورساله ثانيه قالي فيها انا ماكرهتك بس مابينا حياه ........ بنات طولت عليكم بس انا احبه حيل واموت فيه مااقدر ابتعد عنه تعبت بشكل ماتتخيلونه الحين صار عندي التهاب في راسي ومدري وش اسوي ابيه يرجع لي يابنات ......... اكيد حسيتو في معاناتي ادعولي قلبي يتقطع عليه تو مالي الا شهر وكنا تمام مع بعض ...... ارجوكم ادعولي ربي يسخره لي ويرجع لي لو بعد سنين مابي غيره احد. صحيح اني حسيت اني ظلمت نفسي يوم تزوجته لانه لايبادلني الحب ولايهتم بمشاعري بحكم فارق السن وهو انسان مشغول مااشوفه ابد بس كان فيه صفات تعجبني واعرف انه يحبني من خلالها وتعلقت فيه حيل لاني انا فقدت والدي من زمان واخواني لاهين في حياتهم ومن شهر كنت بنت والحين اصير مطلقه وكلام الناس مايرحم كلكم عارفين مالي الا شهر
وحسيت انه راح يعوضني عن كل شي فقدته وكان بالنسبه لي الزوج والاب وكل شي ارجوكم ساعدوني انا اكتب لكم وحالتي لايعلم بها الا ربي ...
احساس مايفهمونه 28 @ahsas_mayfhmonh_28
عضوة جديدة
يلزم عليك تسجيل الدخول أولًا لكتابة تعليق.
حسيت بمعنااتج
طيب ليش سوى كذا بدون سبب
وش الي خلاه اجل يتزوجك وفي شهر بس يطلقك
الله يهديه بس ويصلحه
وان شالله تنحل الاموور بينكم
طيب ليش سوى كذا بدون سبب
وش الي خلاه اجل يتزوجك وفي شهر بس يطلقك
الله يهديه بس ويصلحه
وان شالله تنحل الاموور بينكم
حسبي الله ونعم الوكيل فيمن يلعب ببنات الناس حبيبتي من باعك بسهوله بيعيه وادعي ربي يعوضك عنه باحسن منه
حاولي تنسينه وتتناسيين ليه بهالسهوله يطلق ليكون كان ماخذك بس لتاديب زوجته
حراااام عليه ماقول الا الله يعوووضك حبيبتي وحاولي تشغلين نفسك باي شي ثاني غير التفكير فيه اشتغلي بالبيت اتفرجي تلفزيون اقراي قران كتب وحاولي تنسينه ليه كذا يبيع بسهوله ويطلق بعد شهر بس لكن ماقول الا الله يكتب لك اللي فيه الخير
حاولي تنسينه وتتناسيين ليه بهالسهوله يطلق ليكون كان ماخذك بس لتاديب زوجته
حراااام عليه ماقول الا الله يعوووضك حبيبتي وحاولي تشغلين نفسك باي شي ثاني غير التفكير فيه اشتغلي بالبيت اتفرجي تلفزيون اقراي قران كتب وحاولي تنسينه ليه كذا يبيع بسهوله ويطلق بعد شهر بس لكن ماقول الا الله يكتب لك اللي فيه الخير
الصفحة الأخيرة
ويكتب لك اللي فيه الخييييير