حياتي تغيرت والسبب اخو زوجي اللي انسجن

السلام عليكم
خواتي تكفون ابي منكم النصيحه .متزوجه لي سبع سنين والحمدلله وعندي ثلاث اولاد .حياتي مستقرة ولله الحمد اي نعم فيه مشاكل بس صابره علييها من تقريبا اربع شهور .حياتي انقلبت زوجي تغير علي .يدخل معصب ومايكلم احد ويدخل مكتبه ومايطلع منه الا وقت الصلاه او النوم .لو تصير حرب بين عياله ماجاب خبر ولادرى عنه .الاكل ماعاد طبخت لانه مايبي واذا جلس معنا الجوال بيده والسماعات باذنه لو اكلمه او اطلب منه شي قامت القيامه بالبيت الطلعه مافيه حتى بيت اهله كل ماطلبت اروح زيارة لخالتي او خواته عصب وقال ماحد فاضي لك .الروحه لبيت اهلي بالهواش واذ بيوديني اخواني هم اللي يرجعوني .اغراض البيت مايجيبها الا بطلعه الروح ويايويلي وياسواد ليلي اذا طلبت السوق تصير سالفه ويوديني لمحل واحد ولازم اخلص كل اغراضي ولدي يدرس بالروضه صار مايهتم فيه وكل يوم يغيبه لان ماله خلق يوديه وماعاد يهتم فيه درس او ذاكر  المستوصف مايودينا الا اذ شاف ان المرض زاد وتطعيمات عيالي اخرها شهرين .انا محتاجه المستوصف ولازم اروح معه بدري علشان التحليل ومتابعه الغده .رافض واذ سئلته كلمته وحده مالي خلق.ربي كتب وبتتزوج اخته واختي قالي زواح اختي ماله داعي تحضرينه ورفضت وبالاخير قال دبري احد يوديك السوق .رحت مع اهلي ولقيت الفستان .الاكسسوار والمكياج وملابس بنتي وصيت خواتي عصب وقلبها سالفه علي ويقول ماهو لازم يروحون عيالي .طيب باقي لي جزمه الله يكرمكم  وباقي المشغل وثوب لولدي وفستاني يروح للمغسله .والاخ رافض ويقول مالي خلق .كرهت حياتي معه بس معصب ويدخل البيت على مكتبه .والجوال بيده واتصالات ومكالمات واغراضكم لاتتعدا البقاله اللي قريبه من البيت .واليوم تعبت انفجرت فيه .وبالاخير قال اخوي مسجون وبالي مشغول فيه .
طيب ياخواتي تكفون قولو لي انا وش ذنبي انا وعيالي .التفكير لعب فيني مدري كيف اتصرف معه يعني اقفل على نفسي انا وعيالي وماعاد اطلب شي  وننساه والا كيف لانه ماهو داري عنا واذ كلمته قال مالي خلقكم ياناس دبروني انصحوني عطوني حل كيف اتعامل مع زوجي من غير ماحسسه انا هم على قلبه واحتياجات البيت كيف والزواج اللي باقي عليه يومين وش السواة فيه اروح ولا اجلس او كيف 
ترى والله العظيم احس اني ضايعه