حياتي تغيرت والكئابه تمكنت مني

اهلين بنات مره متضايقه وقلت يمكن القى عندكم حل انا متزوجه وعندي اطفال والحين حامل بالشهور ا ولى من قبل مااحمل وانا نفسيتي تعبانه ومااتحمل زوجي وﻻ عيالي بس اطلع واذا ماطلعت مااتحمل بيتي ابد وبعد ماحملت زادت حالتي اكثر كارهه بيتي وزوجي مااتحمله وﻻ عيالي مره اهملتهم وحتى نفسي صايره كني عجوز ﻻ اتزين ومالي خلق شي متشائمه واكثر سواليفي شكاوي وبس العن في عيالي نفس اكون رايقه واتفنن في بيتي واتعامل مع عيالي زين والله كرهت نغسي والله ماتدري وش اسوي اشوف معي حوامل كثير ماشاءالله مره مبسوطين اﻻ انا حتى زوجي مل مني انا الحين لي اسبوع ونص عند اهلي انبسط مو مره بس اهون من بيتي وزوجي زعلان ﻻنه حاس اني ابي بيت اهلي اه بس ماادري وش اقولكم كنت مبسوطه بحياتي وبس افكر وش البس وش البس عيالي اما الحين مالي خلق شي وبس متشائمه ما اتفائل ابد وبنفس الوقت مااحب اقعد بلحالي وقت النوم اكرهه تجيني ضيقه فظيعه ونومي قلق وحتى اول مااقوم تجيني ضيقه فظيعه اه بس احيانا ودي اموت وارتاح يارب ارحمني يارب