خلاص حبيبتي انت عارفه طبع زوجك وفاهمه اساس المشكله
وحاولي انه الفتره الجايه تعملي على تغيير زوجك للافضل لاتستسلمي ولاتسمحي لليأس يتمكن منك
زوجك احتكاري ويدقق في كل شي حطي ببالك انه هالشي ماراح يدوم مع الايام راح يتغير واكلمك من واقع تجارب اللي حولي صدقيتي كان زوجها مثل زوجك واخس كمان كل شي عنده عيب وحرام وممنوع لاتخرجي مول ولاتروحي لاهلك الا معايه التماشي بالحسره واذا خرجها تمشيه يسيب كل البشر وكل المناظر وعينه عليها ليه كحيتي ليه ابتسمتي ليه التفتي ليه من الاساس خرجتي جننها وكرهت كل شي حتى بيتها ممنوع تغير فرشه صار لها عشر سنوات ليه هذا تبذير ممنوع تغير مكيف يوم يبرد وعشره مايبرد حتى انا صديقة عمرها ممنوع تزورني لكنها كانت تقولي راح اغيره وفعلا صبرت وغيرته والله الان تطلع المول مع اخواتها وهو في دوامه اخوها يمرها يوديها بيت اهلها وتسهر براحتها وقبل ياويلها وهي معاه كمان تقعد عندهم لبعد عشره كل يومين تتمشى وتسافر وانا صارت تجيني باي يوم وباي وقت بس التغيير ماجا بيوم وليله
انت جاري زوجك وتأقلمي مع وضعك الجديد وافرضي احترامك حاولي تغيري نظرته انه الزوجه مالها كلمه ولا رأي طيعيه في حدود طاقتك ورضى نفسك خليه يحبك اعرفي مفتاحه خليه يغرم فيك مو حلالك خلاص دلعي نفسك بزوجك وصدقيني بالصبر وحبه حبه ومع الوقت يتغير
واحمدي ربك انه اهله مو شرانيين وامه من النوع اللي تشيشه عليك ولاهو من النوع اللي يمد يده والا يلعن ويسب
دام نظرته انه الزوجه مالها كلمه فهي مجرد رأي تقدري بشطارتك تغيريه لاتستسلمي
حاجه اخيره حابه انبهك عليها حبيبتي
تصدقي بنية صلاح زوجك وابناءك
ادعي الله وتحري ساعات الاستجابه انه يسخر لك قلب زوجك ويحنن قلبه عليك ويلهمك الصبر والحكمه

الله يعين ويفرج لك.

اكيد يعبر عن حبه لك ان يكون حريص عليك ويخاف عليك وحلو ان الزوج يودي زوجته السوق ومشاويرها ويتحمل المسؤوليه ولا يرميها عند اهلها ويروح استراحات ولا يدري عن زوجته الحمدلله زةجك طيب وحريص عليك ومهتم فيك ويبي يحافظ على البيت بس غلطك انك وافقتي بعدم الوظيفه

زوجك غيرته طبيعية عليك وكلام الأخت لافندر بمبي جدا سليم ميه بالميه .

الصديقات مالهم داعي لأنه احيانا يسببون مشاكل اكثر من انهم ينفعون وياما وياما سمعنا مشاكل كثيرة .

فأكيد زوجك سامع مواقف من اصحابه وبعدك عن صديقاتك .

وبالنسبة لأهلك لك حق تزورينهم تفاهمي معاه . وبالنسبة لشخصية زوجك غالبية الرجال يبقى كلمته تكون مسموعة حتى ما يحس نفسه ضعيف ومعدوم الشخصية .

وبالنسبة لتدخله بشعرك ولبسك يمكن هو حاب شكلك يكون زي ماهو يبقى وهذا شيء ايجابي وممكن فقط انه يغار لكن مسأله ثقة مرة بعيدة لأنه يبقاك جنبه على طول فهذا معناته يغار عليك .

خلك انسانه طموحة ومتفائلة وكملي الأشياء اللي تبقينها وبالنسبة انك حسيتي انك عجيز غالبية البنات يعانون هالمشكلة كسري روتينك وخذي ولدك وطلعوا اتمشوا وكمان

لأنه حاجز الصراحة ما يكون متواجد يعني لو حسيتي بشء او مشكلة تفاهمي بنفس الوقت مع زوجك عليه حتى تتفادينها مستقبلا .

"بنات تخيلوا يخاف اشتغل اتغير عليه " غالبية الرجال يحس الزوجة لا توظفت تكون بعيدة عنه فتهمل بيتها ونفسها وراح تقول تبقى خدامه وضغط عليها والخ .....))

عشان كذا زوجك خايف تتغيرين عليه حاولي انك تتفاهمين وووتوصلين لحل اذا تبقين تتوظفين بحيث انك ما تهملين بيتك ووتتفقين معه وانتي ذكرتي انه يخاف لأشتغلتي تتغيرين عليه فأنتي بدورك برري له انك ما راح تتغيرين وبتظل الأمور زي ماهي .




وبالنسبة للضغوط النفسية الله ييسر لك أمورك تفائلي ولا تكرهين الحياة بسبب مواقف نفس كذا خلك متفائلة والله يفرج همك ووييسر لك أمورك

هو كان واضح معك واشترط عدم الوظيفه ووافقتي. ..


طيب انا اعتبره رجل ممتاز ..قياسا بغيره الي يخليها تشتغل ويتحكم بفلوسها ..
انتي باسلوبك تقدرين تغيرين زوجك للأفضل وهو بالنهاية راح يتغير مع مرور السنين ..
وتأكدي ان حياتك قبل مستحيل ترجع حتى لو أهلك كويسين وعايشه عندهم بسعادة ...ترى لو بترجعين لهم الآن ماراح يعاملوك زي قبل لما كنتي بنت ودلوعتهم ..واغلب مشاكل البنات هنا عن هالشي ...