مشكورين اخواني والله ما قصرتوا عطيتوني دافع اني اتعالج من جديد بعد ما تركت نفسي جذي
بس انا قلت لكم انا اتعب حيل حيل لما اقرأ او اسمع قرآن وتجيني وساويس بالدين ذابحتني موووووت
وعمري ما قلت لحد غير اختي عن حالتي بالضبط
لان محد راح يصدقني ويلوموني ويشوفون الامر عادي وهم ما يدرون اشكثر انا متعذبه وكارهه نفسي
بس انتم شجعتوني من جديد

وفي اخت الله يجزاها كل خير قالت لا تقنطين من رحمة الله
انا اقولج ان رحمة الله هي اللي معيشتني للحين و مصبرتني على بلاي

واختي نبع صافي
انا مو من السعوديه وجزاج الله كل خير
ما قصرتي

والاخ الواعد

قرايبنا هذول احنا ما نروح لهم
هم اللي يجونا
اصلا امي ما فيها حيل تروح حق احد لانها وايد تتعب ولا تقدر تقعد حالها حال الناس متعذبه بحياتها وامي مو كبيره حيل

وبارك الله فيكم

وابي استشيركم بشي
قرايبنا هذول اهل ابوي
وقدام ابوي ماشاءالله تبارك الرحمن
يا حلات السانهم ويبينون انهم يحبونا وكل وحده منهم ذابحتها الديانه
يعني باعدين الشبهه عنهم بس احنا لا يمكن تغرينا جذي مظاهر لاننا متأكدين ان مصايبنا منهم
واحنا والله ما عمرنا ضريناهم بشي
بالعكس اكثر ناس نحترمهم احنا ولحد الحين

وامي كل ماتروح لحد يعالجها يقولها سحر وهذا الشي متأكدين منه
بس ابوي ما نقوله لانه ما راح بصدقنا ولا راح يصدق عن اهله جذي لان يشوف شي ثاني
وهو عصبي بالامور هذي واحنا نخاف لو قلنا يصير شي
حتى يوم نلاقي سحر مدفون بالبيت ما نعلمه وكأننا احنا اللي مسويين السالفه
وحتى انا تراه ما يدري فيني تعبانه لاني ما اقوله
وحتى لما قالوا لي فيني سحر سكت
وذاك اليوم اخوي التعبان راح يعالج قالوا له فيك سحر وبعد ما قلنا
ما ادري لي متى نسكت
مو معقوله جذي والله ملينا نشوف البلاوي بعيننا ونسكت
ونخاف كأننا مسووين السالفه احنا

يعني ليش هم يكرهونا والله الشاهد ما سوينا لهم شي
بالعكس ابوي مغرقهم بجمايله وامي حيل حيل هاديه ولا تتكلم بشي عنهم ولا ضرتهم
مو مثل الحريم اللي منشفه ريج الريال
ولا مكرهه ابوي فيهم ولا شي بالعكس ساتره على مصايبهم
وذاك اليوم وحده فيهم تقول لامي لو زوجتي ولدج ما اخلي وحده تجي العرس >>>>>> هذي تعترف اشكره انها ساحره
وامي ما ادري شفيها شهالصمت القاتل اللي عليها

وقولوا لي شنو نسوي والله بموت من القهر
طووول عمرنا ساكتين والمصايب كلما لها تزيد علينا
بالعكس ناس شاريين الفضيحه يعني لما نفضحهم يرتاحون

وماني عارفه لو قلنا لابوي شنو ردة فعله


مو معقول تصير حياتي وحياة اخواني فدوه لهم
احنا شلي سويناه لهم

قولوا شسوي الله يبارك فيكم

الله يشافيج يا عمري
ما تشوفين شر
وان شاءالله ترجعين احسن من اول يارب
والله يرزقج ولد الحلال ويعوضج خير
وياجرج على صبرج

وان شاءالله بحاول اعالج نفسي من جديد
من بعد نصايحكم والله جد احس انكم اهلي ويهمكم امري
بارك الله فيكم وكثر من امثالكم

وشنو عشبة الرومي
حق شنو استخدمها ؟؟

اسئل الله العظيم رب العرش العظيم ان يشفيك واهلك

عشبه الرومي تنفع للي مثل حالتك يالغاليه.......

انتي تتعبين من القرايه صح......؟؟


حبيتي اشتري من العطار خلطه..اسمها<< خلطه الرومي> وستستخدمينها من بعد صلاه العصر لمده 7 ايام متواصله..


تصدقي كل يوم بريال اواكثر عشان تسرع في الشفاء بأذن الله........


السحر بأذن الله يرووووووووووح..........وتشوفين نفسك تميلين للقراءه........


وتتعافين


استخدميها لامك واخوك بعد........



يالغاليه انا حاضره بكل سؤال اول بأول معك.........


عيوني لك........

بس مبيك تنشلين مثلي..........
العافيه كنز

واذ تعافيت ياقلبي لاتتركين خلطه الرومي........


اشتري من جديد..واستخدميها لمده 7 ايام متواصله بدون انقطاااااااااع....


حافظي ع الاذكار...كنــــــــــــــــــز عظيم...


طووووووووول اليوم استغفري............. خلاص حاولي من الساعه ذي انك تشيلين من قلبك الحقد ع الناس الي سحروكم...



نظفي قلبك من الحقد عليهم..<< ربي معك وبأذن الله ياخذ حقك منهم.. ربي عادل..>>


اختي تصدقي قد ماتقدرين لو بطعام..