ماعليك منه يطفش يزهق خليه يعاونك هو ابوهم اذا انت قلتي له روح وغير جو صدقيني بيتعود ويبي يبعد اكثر واكثر وممكن بعدين حتى موعد للمستشفى يتثاقل فيه
لازم يكون معك يساعدك فيهم

حبيبتي الله يعينك التوأم نعمه عظيمه من الله  واكيد انهم في نفس الوقت مسؤوليه وتعب لكن خذي الامور بسهاله  وان شاء الله تتيسر لك  امي خلفتنا انا واخوي توأم  وكانت تعاني وتسهر الليالي بس الحمد لله مشت الامور بلا شغاله لكن هو تيسير من الله والله والله كان ابوي يعيب عن امي بالاسابيع بحكم عمله

لا تقولين له رح تعودت على الضغط غللللط خليه معك لاتبعدينه عن مسؤوليتهم

حتى لو تأفف وتضايق ميخالف خليه يحس ماجبتيهم من الهواء ولا صحيتي ولقيتهم تحتك

التعب لين يكبرون شوي ويفهمون الله يخليهم لكم ويجعلهم من البارين بس أنت لاتكثرين تذمر عنده

أو تكثرين قول اطلع ورح لا امسكوهم سوااا وخليه جو حلوو لما يلعب الطفل ويناغي لعبوهم وضحكوهم

حسّوا أنهم نعمة وتنعموا فيهم وانبسطوا فيهم ادري الأطفال مسؤوليتهم متعبة ومهلكه بس الشكوى لله

ودام زوجك يشيل معك لاااا تمنعييينه ولاتبينين استغنااءك عن خدماته هذا وقته لازم يحس معك ...

هانت اختي كلها كم شهر ويتحسن وضعك مع نومهم وقعدتهم 

ولكن انتي بعد على نفسك حق يا اختي 

يعني ما شا الله عندك شغاله خلي عليها اموور التنظيف 

وانتي الأطفال انتبهيلهم 

ويا اختي استمتعوااا استمتعوا انتي وزوجك 

كلها كم سنه وتودعون طفولتهم .. 

زوجك ما طفش من الاولاد طفش لأنك منكده عمرك 

شوفيلك طريقه تبين له لنك مستمتعه بحياتك 

ولازم اختي تنامين وتريحين واذا على الشغل .. الشغل ما راح يخلص 

ربي يكون في عونك ويشرح صدرك 

معليش بس ليش تقولين زوجك مايتحمل المسؤولية انتي اللي تقولي له روح تمشى روح اخرج انا متعوده ع الكرف !!
غصب بيشوفك انتي المسؤوله الوحيده عنهم من كلامك 
خليه يجلس معاك ويتحمل الضغط معاك!