حياتي راحت من ايدي وانا قاعده .. شلي قاعد يصير لي !!؟

السلام عليكم بنات عالم حواء ماني عارفه شلون ابدي والله يا خواتي كل اللي اقدر اقوله اني قاعده اشوف نفسي تنهدم بقولها على نقط : 1. كنت قوووويه الشخصيه كان لي اسلووووووب كان لي راي كل من يسالني عن صغيره وكبيره كان صوتي مسموع وكلن يبي مشورتي باموره من كثر ما كنت رزينه وحكيمه وسنعه واحب الخير لنفسي والاخرين كنت ماقط كلمه الا وانا وازنتها بمعنى اخر كان لي هيبه في جيتي وروحتي وين مارحت .... 2. كنت شدددددديده التعلق في القران مايمررررر يوووم الا وانا اقرا اقب شي خمس ست سور ويوميا قران والبقره. 3. كنت محبووووووبه من بين الناس حتى الناس اللي مايعرفوني ولا اعرفهم لي جت عزايم يجون يدشون قعده البنات يقولون وين فلانه ويسلمون علي بحراااارررره جنهم شايفين لهم شخص مهم كنت احس لي ذكر وصييييت !!!!! كلن كان يغار مني ولله الحمد ماعمري تفاخرت بهشي . 4. كنت متواضعه لاقصى درجه 5. كنت جامعيه . 6. كان مخي واعي كنت احس اني عايشه الحياه صح لكن الحين !!!!!!!!!!!!!!!! . . 1. يابناااات ماعرف اهرج !!!! ماعرف اسلم سلامن حلو مثل قبل اقول السلام عليكم بصوت واطي جني اساسر عمري واقعد ماعرف افتح مواضيع كل تفكيري ان انا شخص تافه وواطي وماله هدف بالحياه. 2. تمر شهور ما اقرا لي قران استغفر الله ياربي لا تبلاكم :( ساعات اقطع صلاتي !!!! 3. طول يومي افتح الانترنت بلا هدددف. 4. صداقاتي اختفت ما اصادق احد اتجنب كل الناس من اهلي ومن الدوام ومن اي احد يتقرب لي انحااااااش ماداني احد يعطيني وجه ولا احد يضحك بوجهي ويمدحني !!!!!!!! اعوذ بالله علااامي!!!! بس شخص يضحك بوجهي وهو جاي وحاس اني بنت طيبه ومعشري حلو اقوم اكشر بوجهه !!!! اداوم وقت مابين المحاضرات ماحب اقعد مع احد انحااااااش ؟!؟؟؟؟ اقعد بروحي وامسك تلفوني واشبك واكل واسمع اغاني وانبطح ماحب العال الخارجي ؟؟؟؟. 5. دايم اشك بنفسي فاقده ثقتي بنفسي فاقده ذاتي فاقده روحي اللي قبل فاقده اسلوبي المشوق اللي من اقعد بين شله بنات اقعد انا اللي اسلولف لهم وكلللللل البناااااات يسكتوووون ليييه لان فلانه سولفت ويندمجووون بسوالفي ومن اسكت قالو تكفييين كملي وربي كنت احس روحي شهريار من كثر ما اسلوبي حلوووو بالحديث من كثر ما كل الناس عيونهم على كلامي حتى انا كنت اتروع من حلو اسلوبي واقول اا انظل نفسي !! واقعد اضحك. كان لي حياه ؟؟؟؟؟ مدري وين راحت :(((((. بنات انا الحين شخص ثاني انا شخص تافهه تاااافه الحين ابي اسولف ماعرف ؟! الورعان يسولفون احسن مني !!! صرت البنت الخبله الفاشله الرقله اللي ماينوخذ عليها صرت سفيه ؟! كنت جامعيه الحين ماعندي الا اقل دوره ياخذها اي غبي وانا معدلي في الثنوي مرتفع. يابنات كان لي حياه الحين انا مالي الا الله ومالي احد ومالي ذكر ولا لي صيت ولا لي رفيجات ولا لي شخصيه ولا لي يوم عدل كل ايامي مخربطه وضايعه وظيفه ماعندي زواج ماعندي عيال ماعندي ولاشي من حطام الدنيا ؟؟؟!؟ الا قلبي المحطم على حالي الاي تغييييرررر بنات انا كنت يوم من الايام شخص ناجح الحين انا حالي حال الطوفه مالي رزق مالي حظ ولا لي واالي ولا لي احد يسانددني وماعرف شفيني والله مادري شفيني ليش انا وصلت لهل مرحله ماني عارفه انصحووني !؟