حياتي سابقا مأثره علي للحين

انا من وعيت ع الدنيا مااذكر ان امي ضمتني ولا ابوي عشت حياة قاسيه اعامل معامله غير معامله فيها نوع من القسوه والتحطيم لي اخ اكبر مني كان هو الكل بالكل لدرجه انهم يعظمونه قدامي ويحسسنوني اني ولا شي وغير مهمه كنت لما ازعل امي تطلب منه يضربني كان هو البدي قارد لامي وحتى دراستي غير مهمه لدرجه انهم مايشوفون شهادتي ولا يسألون عنها بينما اخوي غير يشوفونها ويحرصون ع مستواه ...كنت في البيت زي الشغاله وخواتي بحلقي ٢٤ ساعه وانا كان عمري ١٠ سنوات لدرجه ان امي لما تبي تطلع او معزومه تلبس وتجلس وانا اللي البس خواتي ...كنت اشيل همهم احس عمري وقتها ٢٠ سنه مو عشر وحتى لما نكون عند الناس ماالعب وانبسط مع البنات اللي بسني بسبب خواتي اللي كني امهم
معليش ع المقدمه الطويله بس عشان اوضح لكم الصوره
الان انا متزوجه وعندي ٤ بنات وحياتي قبل انعكست ع حياتي الحين ...تزوجت وانا عطشانه حنان لكن للاسف لم اجده عند زوجي ابي اهتمام منه ابي مشاعر وهو ولا حاس فيني .،،، الحين صرت ماااااالي خلق لبناتي وتجيني ايام اكرههم عجزت اعطيهم من حناني ..لان فاقد الشي لايعطيه ...غصب علي ماااااقدر
انا اخاف عليهم من الهوا لكن مااحب اضمهم او اسولف معهم ...ابي اتغير لكن عجزززت والله غصب علي ...الماضي مأثر علي لدرجه صرت ابحث عن علاج ينسيني ورحت لطبيب نفسي من ورا زوجي وصرف لي علاج اسمه انتابرو واحس خفيت كثييير وصرت اضحك واسولف حتى مع زوجي تغيرت والحين انا اظطريت اتركه لاني ناويه باذن الله احمل لكن يوم تركته تعبت وبدا التفاكير التشائميه ترجع يارب مدري وش اسوي بحالي ...،رحت اصيدلي وسألته عن علاج مايأثر ع الحمل وقال جميع الادويه النفسيه ماانصح فيها لان ممكن تأثر ع الجنين ابي حل يخليني اتغير مليت من وضعي ابي ارتاح من هالتعب اللي ملازمتي وزجي مل مني واخاف ادمر حياتي بيدي
بنات ادعوا لي بهالشهر الفضيل ان الله يشفيني ويبدل حالي لحال احسن من هالحال