حياتي سبب تعاستي قررت أنتحر وهونت لخوفي من ربي وعذابه

مساء الخير

ببداء بقصتي ومعاناتي على طول وابي توجيهات محتاره كثير والأبواب تقفلت بوجهي دعيت ربي وربي ماكتب لي الفرج

تعبت نفسيا تدمرت احترقت وامراضي زادت ومعاد عندي شيء حلو بحياتي كل شيء اشوفه اسود بأسود والناس كلهم عندي اشرار وقلوبهم سوداء واكرههم كلهم

انا ببداية القصه كنت طفله صغيره عمري سنتين ابوي طلق امي واخذ كل اخواني وخواتي منها الا انا تركني معها لاني مريضه بمرض خطير

وحرمني شوفة اخواني عشرين سنه واحرم امي شوفتهم رحت لجدي وجدتي وتعذبت عندهم الله يسامحهكم ويرحمهم
ثم بعد ماتوفوا رحت لخوالي وعذبوني حريمهم وعيالهم وبناتهم وشفت جميع انواع الاذى والذل والاهانة وامي لحقت اهانات كثيره بسببي وتحملت لان مالنا مكان نروح له

بعد كم سنه واحد من اخواني كبر وتوظف وجاء اخذنا من عندهم واستئجر لنا شقه جلسنا سنه وحنا كأننا ملوك وفرحانين وعرفنا كل شيء حلو بهالشقه بأخر السنه سوا حادث اخوي وتوفى الله يرحمه ويغفر له
ورجعنا للعنا والعذاب من جديد وقتها كنت عمري 8 انحرمنت من كل شيء ومالنا غير الله وامي بالليل تسهر تبكي وانا نايمه
وانحرمت من المدرسه والتعليم
وبعد كم سنه رجع اخو لي ثاني واخذنا من عندهم ورحنا لديرته وسكنا معه واستانسنا وودعنا الهم من جديد
وقمنا نحقق بعض احلامنا وبعد سنتين قرر اخوي يتزوج وتزوج بنت عمه وجلسنا سنه نخدمها وندلعها وبالاخير
خربت بيننا وبين اخوي وقست قلبه علينا وصار يعاملني بقسوه ويهينيي ودائما يحاول يكسحني قدامها وهي تستانس وامي ايضا صار قاسي عليها ويأدبها على اتفه سبب قدام زوجته اللي ماعمره قال لها شيء قدامنا غير كلام معسول ومدح لها وهي رافعه خشمها

حتى البيت توسخه وامي تنظف والحمامات الله يكرمكم تخلي وسخها ماغسلته وامي عشان خاطر اخوي تنظف
وبالاخير كل شوي تحرضه علينا اذا جاء من الدوام يلاقيها ماسوت الاكل ولااهتمت بشيء واذا سئلها عن الاكل قالت ضايقوني بالمطبخ جيت اطبخ وماقدرت وراح يشتري لها اكل من برا وهو على هذا الحال اربع سنين يجيب اكلها من برا جميع الوجبات حتى الفطار واحنا ماعمره جاب لنا الا اذا كثير عليهم قال لامي تجي تاكل معه وانا ماعمري جلست معهم على الصحن دائما اكلي لحالي مايبوني اكل معهم

تعبت مره ومرضت وقلبي صار يألمني
حتى اذا رحت سوق واشتريت شيء ولبسته وسرحت شعري وتسنعت تزعل زوجة اخوي وماتطلع من غرفتها
ولاوصل اخوي تسوي نفسها زعلانه عشان يوديها السوق وتروح تشتري مثل اغراضي
وتقول لااخوي شوف اختك تقلدني حسبي الله عليها ونعم الوكيل
المهم انا صاروا يشتموني ويسبوني وياويلي ان تكلمت عشان ربي حادني عليهم عارفين قيمتي :mad:
واي شيء خربان يحطوني انا اللي مخربنته اي شيء ضايع اانا اللي مضيعته تعبت من ظلمهم وقسوة قلوبهم
واخوي لي اكثر من اربع سنين مايتكلم معي ولاينظر بوجهي يعني متخاصمين
وخواتي المتزوجات يحترمونهن اذا جن عندهم ويشيلونهن وعيالهن بعيونهم ويعطونهن الهدايا ويمشونهن ويتكلمون معهن وانا بالزاوية محد يطل بوجهي ولا يكلمني كانني مو بنتهم أو مسويه جريمه
وصاروا يقسوون قلب امي علي واخوي هذا امي تحبه مرره وتسمع كلامه كنها تخاف منه حتى اذا بغى شيء منها يناديها من بعيد وهي تجيه جري كنها بنته اقول لها خليه يجيك يكلمك عندك لاتروحين كل شوي تجرين له انتي كبيره خليه يقدرك ويبر فيك وتدعي علي وتقول الله ياخذك عني
وربي اكتب الكلام وانا دموعي حاشرتني
واخر ماقالته لي امي تقول اذا مو عاجبك الوضع روحي لابوك عساك ماترجعين حتى لو تجيني تصحيني من نومي تقومني وهي تدعي علي ماخلت دعوه شينه مادعت علي فيها
وانا مريضه ومااقدر اتحمل هالناس وماعندي ملجاء اروح له حالتي مره صعبه وابوي مايبيني وعنده اخت لي معذبها هو وزوجته وحارمينها الزواج وشغاله لهم ولعيالهم وضيوفهم :mad:

اقترحت على امي اكثر من مره نطلع بشقه مجاوره لهم ونستانس وننبسط ونعزم جاراتنا اللي دائما يعزموانا ولانقدر ننروح لهم لان ماعندنا مجلس نجلسهم فيه لانه المجلس تبع حرمة اخوي وممنوع علينا نطبه
وهاوشتني امي وسبتني ودعت علي وقالت تبين تفرقين بيني وبين ولدي انا ابي اشوفه قدامي كل يوم
رحت ابكي وقلت طيب انا وين اروح وسالت عبرتي
مع العلم انه انا وامي بغرفة واحده والله لانوم مثل الناس ولاراحه دائم تدخل البزارين عندها ويصقعوني ويتفلون علي واذا نايمه يصحوني تعبت انقهرت كثير كثير

ارجوكم محتاجه منكم ردورد حالتي صعبه جدا والله اني فكرت اكثر من مره اترك ادويتي لمرضي عشان اموت وارتاح
لكنني اخاف من ربي وعذابه وانتظر الفرج عسا الله يعجل به وان كا بالحياة خير لي انه يحييني وانا كان فيها شر انه يريحني منها

وانا اللحين عمري31 ومريضه ولحد راحمني