حياتي صارت ملل 😫😫

لله يخليهم لك ياقلبي ... طب انتى ليش قاعدة بالبيت توظفي ولا ادرسي ولا تحطين كل الذنب على أهلك غيرك يتمنى عنده أم وأبو
مابقسي عليك الكلام وارجوك لا تتحسسين بس ميب وظيفة الأم والأبو انهم يفرفشونك ويسلونك سوالفهم ماتعجبك سولفي مع صحباتك
انا اقولك كذا لأن عندي ولدي نفس اسلوبك الله يهديكم كل خمس دقايق جايني طفشت ملل ولا يقوم من عندي إلا هو قد غثني حنا الآباء والامهات كثر خيرنا ربينا واكلنا وكبرنا وما طالبناكم تصرفون علينا وضافينكم ببيوتنا في البلدان الأجنبية الواحد من عمرة 16 يساهم بالبيت ويشتغلون بالصيف عشان مصروف جيب وب18 يطلع من البيت ينطلق للحياة
هنا إذا الواحد كبر شرو له أهله ايفون وقعد على هالانستقرام والنت وأعتقد أن الحياة كلها سفر وتمشيه وحب وشوبنق
رسالة للأبناء الله يخليكم لا تحملون أهلكم نتيجة الي فاشل بالدراسة الي ماتوظف الي ماتزوج لا يحط كل الذنب على الأهل بيتنا قديم مكسر امي وأبوى سوالفهم مملله مدري ايش مدري كيف .... ترا استخدام الاهل شماعه نوع من الجبن للاعتراف بالفشل وباني انسان ماعندي وقت أخطط ليومي ولا لمستقبلي والأسهم اني الومهم هم يطفشوني
الإنسان الناجح المعطي ماعنده وقت للملل لانة عارف أهدافه ووجهته
وزي ما انتى تنتقدين ابوك الحين احس كمان له الحق ينتقدك ويقول عندي بنت بس طفشتني قاعده على هالايفون مافيها شي مميز ولا صارت دكتورة ورفعت راسي ولا أبدعت بالبزنس زي بعض الحريم ولا هي ونيسة تسلينا بس تنتقد
غاندي يقول كن انتى التغيير الذي تريد أن تراه
غيرك حريم وبنات يكدن دوامين ويصرفون على أهاليهم أما عاونو ما ضايقو وانتي يختى اسمحي لي ماكله ببلاش وعايشه ببلاش في خيرهم وتنتقدينهم ذا انتى كرهت نفسك فمن فشلك مو من سوالفهم

ادرسي ادخلي معهد انجلش او حاسب او تحفيظ
او توظفي اي وظيفه
والملل كلن يشكي منه انا متزوجه وعندي اطفال
حياتي طفش وروتين يومي ملل

حبيبتي كم من وحده اشتكت من الملل لكن ملل ولا خوف من الحروب لا سمح الله والله لا يقوله ملل ولا مرض يخليك ما تقدرين تتحركين من الفراش ممل ولا مصيبه عظيمه تحل فوق راسك الملل اهون من امور كثيره قولي الحمد لله ووجود امك وابوك بحياتك نعمه ولله الحمد والشكر فتمتعي فيها لانه فيه غيرك فاقدهم او مو موجودين بحياته اساسا

جزاكم الله خير
الحمدلله على كل حال
بس ودي تفيدوني برامج
شغالات أستفيد من وقت الفراغ


احس الدنيا ضيقه بعينه من الملل
😩😩😩😩😩😩😩😩😩

شكلك صغيرة وللحين ينقصك التوجيه
بس دام صدرك وسيع وتقبلتي النقد فأنتي على الطريق الصح
انتى مو طفشانه انتى محبطة لأن ماعندك دافع ولا محفز يخليك تتحمسين وتحسين بالمتعة
اول شي ياروحي يابنتي يا عيوني احذفي اللنستقرام واي برنامج يشبهه إلا إذا كنتى رأعيه بزنس وتترزقين منة
بتقولين ليه !!!؟؟ انا اقولك لأن فيه دراسة تقول ان السويشل ميديا وخاصة الي فيها صور لحياة ناس ثانين تزيد نسبة الاكتياب عند الشخص لانة يدخل في دوامة المقارنات وينسى أن الناس ممكن تحمل نفسها ديون وقروض بس عشان تسافر أو تتفشخر يعني كل صورة وراها حكاية
ثاني شي اجلسي مع نفسك دامك فاضية وتعرفي عليها
وش تحبين؟! وش هي الحياة المثالية بالنسبة لك!؟ من الشخص الي تتمنين تكونين مثل! ؟ هل تحبين تتوظفين ولا تحبين الأعمال الحره!؟ هل عندك جانب أدبي ولا إبداعي ممكن تستغلينة؟! وش المواهب والمهارات الي ممكن تطورينها؟! هل عندك هدف مادي تبين توصلين له؟! هل انتى راضية عن شكلك ولا تبين تشتغلين هالفترة على شكلك وزنك ؟! ناوية تتزوجين بها الفترة ووش بتسوين بها الخصوص؟!
اسالي نفسك كل هالاسيلة واكتبي أهدافك بورقة وخططي وقتك واستثمرية العمر يمشي بغضمة عين الحين انتي بحضن أهلك ما حملتي هم أحد ولا هم شي مشالله الله يخليهم لك لكن هم بعد عمر طويل موب دايمين لك
اقري كتب اقري كل يوم لو صفحة وانا ارشح لك كتاب خطط حياتك لصلاح الراشد و شيفرة النجاح القراءة ماتلمسين أثرها بشكل مباشر لكنها تشتغل على عقلك إلا واعي
حملي برامج تحفيز وبرامج تخطيط اليوم
اقري كيف أحدد ماذا أريد
الملل = وجهة من لا وجهة له
ترا انتى ما استخدمت من عقلك ولا طاقاتك ولا جهدك إلا صفر بالمية بس تحركي مخك شوي تعدل حياتك