حياتي ضرب واهانة وبخل وزي الخدامة ببيتي

السلام عليكم
انا متزوجة من حوالي السنتين مع اني كبيرة بس نصيب وزوجي عجزت اتفاهم معه انسان سئ التعامل عجيب بخيل بهعد مهري عشرين الف ماشفت منه شي ايده طويلة ولسانة طويل علي وعلى اهلي متكبر وشايف نفسه ودايم يشوف نفسه صح لو لابسه الغلط مليون بالمية دايما يعتبر نفسه صح واحس واحد ويقولي ماتلقين مثلي وبس يردد حقوقه كرجل ويبي احط مكياج طول اليوم والبس من الي بالدولاب على قولته والله مالي نفس احط شي من تعامله واخلاقه وبخله وتقتيره واحتقاره مع اني افضل منه يجيب الجنون كاني خدامة ببيته وطايح بطردي ويقولي فارقي مااعرف منه صرف والحمدلله العام توظفت وخلاص مايبي يصرف مع انه يقولي اتركي الوظيفه ويهددني انه يخليني اتركها وبكيفه وعلى طول يحتقرني ويتطنز فيني طول اليوم مايبي يدخل علي ويلقاني جالسة لازم طول اليوم انشغل اكرف يحسدني اذا شريت بلوزة وتنورة للدوام ويحقد على اهلي مع انهم ماسوو له شي قذر بجسمه ريحة وقرف قاهرني بشكل غير طبيعي ومحطمني تعبت منه وهالسنة الحمدلله ولدت وقيصري ومن طلعت من النفاس رحت عنده ويذبح فيني ذبح وانا بطني مشقوق اخر مرة الاسبوع الي فات قلت جب موية للولد صحة قال مالقيت طبعا هو مايبي يجيب قلت حسبي الله ونعم الوكيل قام معط شعري وقالي فارقي وانا بشربه من المجاري
مع انه يصلي بالمسجد لكن زفت بالتعامل وبكلش طبعا اختصرت معاناتي
لاتقولون لي اهلك اهلي ماينشد فيهم الظهر بس يحتقرون وبس
انا موب زي الحريم الثانيات ابد انسان جلف قاسي لو مريضة ومنسدحة يقولي مافيك شي احمدي ربك بس يبيني زي المكينة اهلكني وكرهني بحياتي واذا تحسبت عليه جا يعطيني كفوف واذا قلت له ابشكيك لامك قال اشكي اصلا بعلمها عنك ويجلس يطلع لي سوالف مديمن وين ويقول اصلا هي بتطردك واهله بخيلين زيه وجافين وتربيته تربية غريبة زي تربية الشوارع والفاظة الفاظ جدا قذرة
انا تعبت منه احس بيهدني
ولو اسوي اي شي مايعجبه يبيني طول اليوم اعيش له ارضيه قلت له على ايش كل هذا وشوفة نفسك وش شفت منك قال موب عاجبتك العيشة اطلعي قلت موب عاجبتني وادعي عليه وانا بالصلاة اللهم اكفنيه بماشئت
ماقلت لكم الا القليل بس شي يموت والي يذ1بح اكثر صاير يهددني ياخذ الولد ويقولي باخذه اربيه ويقولي ارجعي للحظيرة حقتكم


اقولكم يانااااااااااس ماشفت زيه حتى رجال خواتي ماهوب زي كذا الاقشر منهم اهون منه