حياتي عذاب.. دخلت في حفره سوده مالها نهايه .. الله يسعدكم ساعدوني

سامحوني انها بيكون اول مشاركه لي كذا
انا متابعه قديمه لعالم حواء المكان المتنفس الوحيد
ما ادري وش اقول ولا من وين ابدأ :icon33:
انا يتيمة اب وام عمري 23 سنه مالي احد لا خوال ولا اعمام ولا جداد ولا احد غير ربي
المهم انا متزوجه شخص اكبر مني ب 35 سنه تقريبا عندي ولد وبنت .
هذا الرجال وراني الويل بكل معانيه من ضرب الى اهانات وشتم باقبح الكلام وبخل الى ابعد الدرجات
(كريم مع الناس ولكن معي قسما بالله العلي العظيم مصروفي ما يزيد ابدا ابدا عن 10 ريال واغلب الوقت ما يعطيني الا ريالين ويقول والله ما معي غيرها لا ملابس ولا شيء حتى الاشياء الخاصه لا )
عايشه معه 10 سنوات عمره ما اخذ لي بيت زي العالم والناس .. لا بس غرف مفروشه من اول زواجي الى الان .. حاشرنا بغرفه :icon33:
حتى الاكل ما يخليني اجلس اكل معاهم بس اكل من بعد ما ياكلو واذا اعترضت ياويلي
من جد شفت الويل وحسبي الله ونعم الوكيل
لمن يضربني كأنه يضرب رجال ما يتوقف اللين لمن ينزل الدم تشوه جسمي من ضربه وتكسرت اسناني منه
24 ساعه كلامه معي وسخ وسخ انت ****** وانت ***** وانت ******* ويتبلا على ويجرح شرفي انت تدخلي رجال انت تتكلمي مع رجال انت تزني معاهم بعد !!
واقسم بجلال الله عمري ما خنته او حتى فكرت مجرد تفكير بالخيانه اصلا جاني نفسيه من الرجال يكفيني اللي عندي
اولادي يخوفهم مني يقول لهم امكم بتقتلكم امكم بتاكلكم روحو تفو على امكم لانها كخ روحو اضربوها
لا تسمعوا كلامها اذا قالت شيء تفو عليها لا تهمكم هذه ********:44:
لدرجه مره عطا ولدي سكينه يقول له اطعنها في بطنها خليها تموت بوديكم للملاهي واشتري لكم ايسكريم
تخيلو :44:
على فكره ولدي عمره 4 وبنتي عمرها 5 سنوات
تعبت نفسيا مو بس تعب تحطم نفسي كااااامل على شفا اني انجن من تعبي والمي
لا خلاني اكمل دراستي وحتى انه حرق شهاداتي علشان ما يكون لي حتى امل اني ارجع ادرس
يعلم الله بحالي اني انهان وانجلد واتعذب كل يوم واذا ما ضربني يعذبني بكلامه وشتمه ووساخة لسانه على .
ما ادري وش اسوي ابغى انتحر لكن اخاف من ربي وكمان اخاف على اولادي احبهم اخاف يصير عليهم شيء من بعدي بالذات جربت علقم اليتم

ذل + اهانات + بخل + ضرب وما خفي كان اعظم على شفا اني اضيع اخر شيء باقي لي ( روحي )

الله يسعدكم ساعدوني شوفو لي حل او احد يساعدني :icon33: