حَياتي عَلىٰ المَحَكْ..

السلام عليكم أخواتي
كنت مرة عرضت مشكلتي ان زوجي عندو ضعف جنسي (بالانتصاب وسرعة قذف) وأغلبكن حكالي يتعالج .. النا متزوجين ٦ سنوات وطول حياتو معتمد عالعلاج وهلأ العلاج ماعاد يجيب نتيجة (قصدي المقويات) مابشعر بأي متعة معو يادوب نص دقيقة بكون خالص كل شي ... عذرا على الصراحة
كل مرّة بقرّب عليي فيها بموت ألف موتة دموعي بتحرق وجهي حرق .. عرضت مشكلتي على أحد المشايخ حكالي لساك صغيرة والحياة أمامك أعطي اخر فرصة ان ماتحسن اطلبي الطلاق ولا تعيشي صبر مجهول النتائج .. كمان زوجي عقيم


أنا بفكّر كتير بالانفصال أساسا شاعرة ان حياتي معه مؤقتة ومنتهية .. وأفكار بتاخدني وبتجيبني وبتمنّى أكون لحدا وضعو أحسن لكن بحبو ومتعوّدة عليه صحيح مقصّر معي بهاي الشغلة لكن بحبني وبحترمني وماببخل عليي بشي.. شو رأيكن ..أعرض المشكلة على أهلي ولا لا ...ياريت تكنن جديّات وأي وحدة عاشت وضع مماثل أو بتعرف وحدة بوضعي تحكيلي تجربتها ..