حياتي ع المحك

الجاي الى الله
هذا هو الحل

تطلقي وعيشي عند اهلك وانتضري احد يعطف عليك ويعطيك ريال طبعا بتعشين مكسوره واذا حظك حلو بيخطبك واحد متزوج ويمكن شايب هذي اليحاة الى تبين تبدلينها بحياتك الى عايشتها ؟؟ انا معك ان زواج الزوج يكسر الحرمه بس وش تسوين علشان تعشين حياه كريمه تغاضي بالنهايه تزوج بالحلال وانتي تقولين مو مقصر خلاص بعدين فكري فيها من جانب ايجابي بيكون لك يوم خاص فيك بدون طبخ ومسؤليات ي دوب عيالك اعتبريه يوم اجازه لك لاتخلين هالرجل شغلك الشاغل هذا انتي ذابحه عمرك علشانك وهو عايش بالعسل وي كثر الحريم الى ازواجهن تزوجو عليهن ماصار لهن شي ولاهدمو بيوتهم بيدينهم مثلك ارضي بقضاء الله وقدره وزوجته لاتشوفينها ولاتتواصلين معاها علشان ترتاحين اعتبريها مو موجوده .

ي عمري عليك توكلي ع الله واشتري راحتك معليك بينزلك ضمان وعيالك عندك لين يخيرون بينك وبين ابوهم وهو الي بيصرف على عياله مهما كان لا تشلين هم بالعكس اخوي عزابي ماشاءالله اخذ مطلقه ومعها اطفال ٥ وهي اكبر منه ب١٠ س 😘


كل شي مكتوب والله ان يجيك ضغط وسكر شي مو بيدك وش بتسوين انتي صلي واستخيري 💔 الله يفرجها عليك وحسبي لله ع ضرتك اللي تخرب بينك وبينه

تعوذي من الشيطان الرجيم وإستخيري...
انا معك من حقك تتضايقين وهذا غصب عنك مو بيدك .. بس نصيحه والله من قلبي عيالك مستقرين نفسيا لاتشتتين هالشي والله الطلاق جدا صعب ومو سهل خصوصا اذا كان مافيه سبب شديد وكايد للطلاق ..
اصبري وإلزمي سجادتك وادعي ربك يبرد النار اللي داخلك زوجك مو مقصر معك ومايصلح وانا اختك تتسرعين وتطلبين الطلاق ماتدرين يمكن مايستمر زواجه ويرجع لك ..
والله هذا رأيي ولو كنت انا بمكانك سويت نفس اللي قلت صبرك على هالوجع النفسي تؤجرين عليه بإذن الله لإنه مو بيدك .. والحمدلله ماسوا شي حرام يطيح من عينك دايم إذا جلست مع حريم استغرب من كلامهن الاغلب تقول ليته يكلم اويطلع ولايتزوج علي !!
الله لايذوق كل من تقراء هالشي بس وانا اختك واسي نفسك وهديها واقنعي نفسك إن هذا مكتوب لك وانتي ببطن امك هالشي وزواج زوجك شي حلله الله له الله يشرح صدرك ويصبرك ويفتح بصيرتك على الحل اللي فيه خير وصلاح لك ولعيالك ...

الله يفرج همك ياقلبي
ويريح قلبك وبالك ويكتب لك اللي فيه الخير