حبيت اتكلم عن صلاة الليل هذي المرة من واقع تجربة شخصية
ما راح ادخل بالتفاصيل لاني ما ابغى القصة تطول و تملوا من قراتها لانو غرضي انكم تستفيدوا منها
قبل فترة اصبت بمرض مفاجيء و صاحب المرض تدهور في الحالة النفسية و الدينية.
من الناحية النفسية صابني وسواس و خوف من الموت.
بالاضافة الى العصبية الشديدة و النسيان و ضيق في الصدر
و احس برغبة في البكي بدون سبب و حزن دايم و طفش و ملل!!
من الناحية الدينية صرت اتهاون في اداء الصلاة على وقتها و تركت السنن الرواتب
و ما صرت اصليها و احس بنفور من القران و صرت مدمنة في سماع الاغاني!!
في رمضان كنت متعودة اختم القران الا السنة اللي فاتت بسبب مرضي
و من هنا كانت نقطة البداية مع صلاة الليل حبيت اتقرب من ربي بصلاة الليل
و ادعيه انو يبلغني رمضان السنة هذي عشان اعوض اللي راح عليا في رمضان اللي فات
و كنت ادعي ربي انو يشفيني من مرضي,و جلست على هذا الحال كل ليلة
الين جاني الفرج على نهاية رمضان!!
لما كنت ادعي في الصلاة اخر الليل حسيت بالم قوي في القلب و ريحة احتراق شي من جوا فمي
و بالقوة قدرت اكمل الصلاة و رجعت الريحة تكررت مرة ثانية في الايام اللي بعدها!!
وقتها استفسرت في المنتدى و الله يجزاها خير الاخت غزيل و الاخت اسوار قوية
قالوا لي انو هذي ريحة احتراق العارض لانو طلع معايا مس و انا مو دارية
و هو اللي سبب لي التدهور في الحالة الدينية و الصحية
طبعا حمدت الله عز وجل انو هداني للطريق الصحيح و الهمني لقيام الليل
و اللي عن طريقو بدأت اول خطوات علاجي و رجوعي لحياتي الطبيعية تدريجيا
سبحان الله ما استخدمت و لا وسيلة من وسائل علاج الامراض الروحية
بس كنت اصلي الليل و اقرا القران و ادعي والحمدلله ربي اكرمني
انا لحد الان اتعالج و ساعدتني الاخت اسوار قوية جزاها الله الجنة
و حقق لها كل ما تتمنى في النصايح و الحمدلله العارض تاثر بشكل كبير
لدرجة انو حلمت برجل نايم في المستشفى على السرير متاثر بجراح خطيرة
طبعا تحسنت الحالة الصحية لي كثير و معاها تحسنت حالتي الدينية
و صرت اهتم بامور ديني اكثر من قبل
و سبحان الله مثل ما المعصية تسحب معاصي وراها
حتى العبادة تسحب عبادات وراها
لانو بسبب صلاة الليل صرت احب اقبل على النوافل اكثر و اكثر
بالاضافة انو فيه اشياء كنت ادعي ربي فيها و الحمدلله تحققت
و البعض الاخر متفائلة خير انو راح يتحقق قريب و لو ما تحقق ما راح ازعل
لانو اكيد ربي اعلم باللي فيه خير لي
بالنسبة لحالتي النفسية
حالة الحزن و الطفش و الملل و العصبية الشديدة اللي كانت طول الوقت ملازمتني اختفت , حتى وسواس الموت ما صار يجيني و صرت احس براحة نفسية و انشراح في الصدر
عشان كذا حابة انصحكم تجربوا صلاة الليل و بما انو الاغلبية اكثر وقتهم سهرانين
ما راح تاخذ من وقتكم شي , لو ركعه بس تدعي فيها لنفسك و للمسلمين
و صدقيني لو داومتي عليها ما راح تتركيها لانو صلاة الليل صلاة كلها طمأنينة و سكينة
لو كنتي مقصرة في عباداتك او تتمني حاجة و نفسك تتحقق
او طفشانة او مهمومه او عندك مشاكل ما لك الا صلاة الليل
و صدقيني فضلها راح يعود عليك بالنفع في الدنيا و الاخرة
و راح تلاحظي تاثيرها في حياتك الايام الجاية
و صدقيني لما تمر عليك اوقات ما تقدري تصليها
راح تحسي انو فيه شي ناقصك
في الاخير اتمنى من الله انو يثبتنا على فعل الطاعات وترك المنكرات
و يرحمنا برحمتو و يمن عليا و على جميع مرضى المسلمين بالشفاء التام
عفوية صريحة
قيام الليل جميل ومفيد
جزاكي الله خير