حياتي فوضى x فوضى

حياتي فوضى x فوضى


السلام عليكم ورحمة الله وبركاته


بدخل في الموضوع على طول .
انا يابنات عندي ارق فضيع عجزت انام منه حتى لو تعبانه اليوم اللي قبل وصاحيه بدري بعد مايجيني نوم ابد ابد ..
ودخولي في النوم صعب جدا واغلب نومي احس اني صاحيه مانمت..
زياده على هذا الشي عندي ولد عمره 3 سنوات دايما يبكي ويصحى كثير من النوم ومايعرف ينام متواصل ..
يعني في الوقت اللي يدوب اغفى يقوم يبكي ويصحيني ..
تمر علي ايام اتعب فيها من قلة النوم ..
وعندي بنت الحين تدرس اولى ابتدائي اجلس طول الليل سهرانه لين ماافطرها واجهزها للمدرسه .. وبعدها احاول انام واجلس ساعه ساعتين ثلاث مايجيني النوم .. واحيانا انام على الساعه 9 او اكثر وبنتي ترجع من مدرستها على 12 تقريبا .. ترجع وانا في سابع نومه ..
تعودت تاكل اي شي وتجلس تنتظرني واحيانا تطفش وتجي تصحيني ..
واذا صحيت اسويلها غداها .. بس احس بالذنب تقول ياماما ودي اجي والاقيك صاحيه تنتظريني💔
وزوجي دوامه لين العصر يتغدا في الدوام واحيانا يطلع بدري ويجيب غداء معاه ..
وهو ماعنده مشكله طبخت او لا بالعكس يقول عادي لا تسوين غداء ...
بس انا دايما احس بالذنب تجاههم ودي انام بدري واصحى وسوي لهم الغداء ..
لا تحسبوني مهمله بيتي وعيالي لا الحمد لله كل اموري تمام . . الا نومي الملخبط وبنتي المسكينه اللي ترجع ولا تلقى ام تستقبلها...
فيه احد مثلي ؟
وعادي ترى مااشرب منبهات كثير ..
وجربت بندول نايت وبعض ادوية الكحه .. ولا فيه فايده اذا غفيت شوي صحى ولدي الله يهديه ويصلحه ..
عطوني حل .. والله اني تعبت من وضعي .. لي سنين على هالحال تعبت من السهر وقلة النوم ...