السلام عليكم ورحمة الله بركاته
مساكم الله بالأخبار الجميلة والحظوظ السعيدة
هذه اول مرة اكتب شي عن حياتي على منتدى وعالنت بشكل عام
( حياتي قصة ) حبيت أرويها لكم بشكل سريع ومختصر ومقتضب جداً مو عشان أتشكي أو أتسخط أو أعبر عن حزن لا والله
أنا مؤمنة بكل شي كتبه ربي وماكتب لي شي إلا هو لصالحي دنيا وآخره فله الحمد والمنة
لكني بس أبغى أعرف هل حالتي طبيعية وهل في أحد منكم مر بحالة زيي؟؟ وكيف كانت نظرتكم له ؟؟
هذا هو السبب اللي خلاني أفتح الموضوع , لأني أشوف نفسي شي غريب في المجتمع وصرت أخاف أختلط بالناس
بإختصار أنا بنت يتقدموا لي عرسان من سنوات طويلة .. لكن سبحان من يقبض قلبي عن كل عريس وأكتم القبضة وأداريها وأتمم الخطبة لأن كل شي بالعريس وأهله يكون تمام بالبداية ولعدم وجود سبب واضح للرفض والنهاية تنفسخ الخطبة
أربعة خطبات تمت وتم الإعلان عنها للناس وباركوا لي وهنئوني بعضها استمرت شهر وشهرين وبعضها أربعة وخمسة شهور ووحده ما تعدت 3 أيام وكلها مصيرها واحد ( الفسخ )
وبعدها تمت ملكة ما استمرت شهر و20 يوم وفسخنا
بعدها بسنتين ملكت مرة ثانية واستمرت 3 أشهر والحين إحنا على وشك الفسخ
نظرة الناس لي أصبحت نظرة مريبة قلبي مقبوض من وضعي بالمجتمع خايفة مرة وماني عارفة ايش اقول للناس كيف افهمهم اني بفسخ ملكة مرة ثانية
امي ضغطها يرتفع وابوي كمان وأخاف عليهم وامي ماعادت تتحمل كلام من أحد ونظرة وغمزة وأكيد قدامنا بيصبرونا لكن من ورانا الله أعلم ايش يقولوا
مع العلم خطبتين الفسخ منها جاء من طرفنا وحده لسبب مقنع جداً وكان لنا فيه كل الحق ووحده الفسخ فيها كان إجباري من جدتي الله يرحمها وباقي الخطبات منهم ولأسباب تعيبهم
والملكة الأولى أنا اللي رفضته أبداً أبداً ماكنت مرتاحة له والحمدلله شعوري كان في محله وحمدت ربي الف مرة
والملكة ثانية العيب طلع منه بل فضيحة أكبر من كونها عيب واسمحوا لي مقدر أقوله
أدري بتقولين معقول أغلب الأسباب منهم وانت لأ ؟؟
أقولكم ايوا وهذا اللي يخلي الناس تنظرلي بنظرة شفقة ممزوجة بتعجب من حظي الغريب , مع العلم إن الناس شرانيين وبطبعهم ينتظروا على الإنسان غلطة وحده
كل الخطبات أنا ماكان لي يد بفسخها
بس يوم رفضت الملكة الأولى ولأسباب اتهموني إني ما أبغى أتزوج وإني أدور حجج سبحان الله ينتظروا لي زلة
دخلت الثلاثين من عمري هذه إرادة ربنا وأنا على علم ويقين أنه رح يعوضني الافضل كيقيني بوجوده سبحانه وتعالى , مع العلم أنا أعاني من مس عاشق وأتعالج منه سنوات بس مدري هل هذا هو السبب لعدم توفيقي مع إنه أغلب أسباب الفسخ مو من طرفنا
اشوف بنات تنخطب وتتملك وتتزوج وماشاء الله على حياتها
وبنات تنخطب أو تملك وماتتوفق وربي يعوضها , لكن خطبات كثيرة فاشلة وملكتين فاشلة ايش تقولوا عنها انتوا ؟
ابغى رأيكم بصراحة لو قابلتوا وحده بهذه الحالة كيف تنظرون لها ؟
ادري بتقولوا لي ماعليك من الناس لكن أنا عايشة مع الناس وأنا إنسانة لي مشاعر ما أرضى أحد يرمقني بنظرة قدامي وكلمة من وراي وينقال عني هذه مو طبيعية ومنحوسة
مشكلتي الحين كيف نبلغهم بخبر إحتمالية فسخ الملكة لمرة ثانية رح تكون صدمة شديدة لهم
صرت استحي بعد كذا أقول لهم انخطبت مرة اخجل لانه محد بيصدق
وترا يوم ملكت مرة ثانية محد صار يتحمس لي بالتهنئة زي زمان أحس إنهم يهنئوني من باب الواجب وببرووووود كمان
طيب يوم يجي نصيبي اللي ربي كتبه وقتها إحساسي أكيد رح يراودني بإن هذا نصيبي ورح أكون غير عن كل مرة , لأن رح أكون بقمة سعادتي وأبغاهم يشاركوني فرحتي بس أكيد مارح يصدقوا إنه نصيبي ورح يقولوا زي كل مرة بتفسخ
امي تعبت نفسيتها كثير وأول شي قررته إننا ننقل من هذا البيت لأنها ماتبغى تشوف أحد ولا تسمع كلمة من أحد
حتى المواساة ماعادت تبغاه وأنا أحس إني أبغى أختفي فترة عشان أنسى والناس تنسى
أنا ما أكبر الموضوع لكن هذا الشي اللي أحس فيه وتعبانين كثير إحنا وأهلي
أخواني كل مرة يفرحوا والمرة هذه فرحوا كثيييييييييييييير وسوا لي حفلة مصغرة وجابوا لي الهدايا في الخطوبة والملكة وكانوا متحمسين بس اتحطموا تحطيم لدرجة الحزن الشديد
الحمد لله على كل حال
الحمدلله على ماسر من أمري وساء
لك الملك ربي ولا إله إلا أنت
احتري راحة البال @ahtry_rah_albal
عضوة جديدة
يلزم عليك تسجيل الدخول أولًا لكتابة تعليق.
الله يفرج همك ويكتبلك اللي فيه الخير وانا اقرأ موضوعك في البدايه وقيدي لسى ماكملته جالسه اقول ممكن معاها مس عاشق وبعد ماكملت موضوعك فعلا طلع فيك ف اتوقع فسخ الخطوبات من المس والله اعلم عالجي نفسك استمري ع الرقيه سويلك جدول علاجي مكثف عشان تتشافى بسرعه باذن الله والله يشافيك ياقلبي ويعوضك خير ويرزقك الصالح اللي يستاهلك
من قبل ماتقولين عن المس العاشق وانا حاسه فيكي بلا ... تعالجي حبيبتي عنه والله يشفيك ويعافيك .... وخلي الناس تهرج ﻻين تشبععع لاتوجعين راسك وش يقولون ووش تكون نظرتهم خليهم اخررر شي اجل لو تزوجتي مب هارجين الابيقولو ماخلفت وان خلفتي بنات قالو ماجالها ولد ... ولكن الحمدلله ان رزق الناس مهو بيدالناس ولاكان محدا خذا رزقه من الثاني رزقك بيدالله اللي يسوووق لك الاسباب المسهله لسعادتك ان شاالله تعالللللللجي تعالجي والله ييسر العافيه
الصفحة الأخيرة
الحمدلله الذي عافانا مما ابتلاك به وفضلنا ع خلقة تفضيلاً كثيراا
حبيبتي هذا قدر ربي كتبة لك ما تقدرين تعترضين علية ،
ادعي ربي يوفقك ويسعدك ويشفيك ويعوضك خير ..
استمري ع الرقية الشرعية وموية زمزم وزيت مقري فية
لان اللي فيك سبب كبير للي يصير لك
الله يسعدك ويشفيك يارب وكل مسلم ومسلمه