حياتي قمه الانهيار

السلام عليكم

اعتدت اني ادخل المنتدى والقرى همومكم واشاركم بالدعاء لكم

ولم اتوقع اني فيوم ساكتب واشتكي لكم


لكن ضاق صدري وماعادت تسع فيني الدنيا من كثر ما انا مهمومه

فقررت ان الجأ اليكم وافتح لكم قلبي واشكي لكم همي


انا متزوجه من 8 سنين ولدي بنت وولد ولله الحمد

تزوجت زوجي عن قصة حب جمعت بيينا وانتهت بالزواج عشت معه ايام جميله

ولا انكر طيبته وعطفة عليال1ان لم المسهما في اهلي واحببته اكثر واكثر بعد الزواج

وتعلقت به حتى صرت اخاف عليه وان تخطفة واحده مني باي لحظه

العام الماضي تقرر ارسال زوجي الى الاردن كدوره للخارج وكنت حزينه جدا ولم ارغب بذهابه

ولم استطع الذهاب معه لاني اعمل ولدي اطفال وخفت عليهم من جو الاردن البارد

وكانت مدة دورته 4 اشهر قررت ان اتصبر فالدور ه هذه ضروريه له ويجب ان ياخذها للترفيع

اول اسبوعين لم يتغير علي زوجي حتى انه بعد مرور اسبوعين عاد الى الديره وحده وتعجب الكل من عودته السريعه

طبعا جاء كزيارة فهو لم يعتاد على فراقي طوال تلك السنين وفعلا شعرت بانه مشتاق لي

ولكن بعد مرور شهر كان زوجي يكلمني وهو حزين يقول انه لا يتحمل البقاء فرفاقه بالشقة يتعرفون على نساء

ويحضرونهم للشقة وهو صابر ويغلق على نفسه الباب انهرت من ذلك وطلب منه ان يسكن لوحده

لكن هو لم يستطيع فعل لك لعدم توافر المبلغ ...

وكان زوجي كل اسبوعين ياتي للديره ويزورنا

ولكن بعد مرور شهرين ماعاد يجي ولا يزورنا ولا يتصل ويتضايق من اتصالاتي به

شعرت انه هناك خطر قادم يهدم بيتي فجاءت عطله الربيع وقطعت تذكره وذهبت له لا انكر انه كان سعيد

ولكن بنفس الوقت كنت اشعر انه يكرر علي مايصير تجيني وتخلين اليهال شلون قلبك يطاوعك كانه يبيني ما ايي

بشكل غير مباشر ولكني ذهبت

لا انكر انه اول يومين دلعني دلع وماخلا فيني مكان الا ووداني له ولكن بعدين حسيته استمل مني ؟

المهم آخر يوم يوم السفر وانا انتظر عودته من العمل كنت استخدم اللابتوب ماله وشفت انه مشترك في موقع الفيسبوك

ولاحظت انه هناك بنت يكلمها وهيا اردنيه ؟؟؟

وزعلت منه وقال مجرد صديقه ومن هالكلام كتمت غيضي قلت اخر يوم مابسوي لي مشكله وخذت منه عهد انه مايكلمها.

وعدت لديرتي ولكن ظل زوجي متغير علي وشككت انه لازال مع تلك البنت انا كنت حافظه ايميله والباسوورد

ودخلت عليه وشفت انه كل الرسايل من هالبنت وهو بعد يراسلها ؟؟؟؟؟؟؟؟؟



المهم كلمته بهلتلفون وتهاوشنا ويا بعض فقرر انه يربع للديره زياره ويوم رد استانست بس كنت بعد مضايقه منه

هو حب يحسسني انه مابينه وبين هالبنت شي وماتتصوون كلامه الحلو واهتمامه قلت خلاص اكيد مابينهم شي

لكن وهو معاي بالديره شفت عالفيسبوك الطامه الكبرى ( طبعا زوجي مايدري اصلا اني حافظه الباسورد ولا اسمه بالفيسبوك ..)

وقريت الكلام والغرام والاغاني الي يرسلها لها كلها انتي البنت الي كنت ادورها انتي ملاكي وكله يكتب لها وهي جنها عادي مو ميته عليه نفسه ..

حسيت فيه انه يمووت فيها ... وانجنيت هني قلت خلاص بينهم شي وهي اردنيه بعد واكيد يجووفها

وصارت مشكله كبيره بينا لدرجه اني كنت بطلق منه وتصورو نفس اليوم بيسافر ماكلمني ولا اعتذر وكان بيسافر

من غير ما يصالحني وهاي الي حبطني وحسسني انه خلاااااااص مو مهتم لامري لانه قلبه تعلق بغيري

وقلت مابخلي هالكلبه له ورحت له وكلمته وفعلا فهمني انه يحبني وهاي بنت للعب بس وانا ما تقبلت الكلام

تخيلو اترجاه يتركها يقول ما اقدر ؟؟ يقول لو بيتركها بيزني بيشرب

لانه ضعيف بهالديره ؟؟؟ وبنات الحرام ايوونه اشكره للشقه ويصدهم

المهم مرت الايام وانا قمت احوس عالبنت ابي اعرف شسالفتها وكلمتها عالفيسبوك وطلبت منها تتركه

هي عبالها انها بلندن تقول احنا بس ربع ومادري شنو بنهايه المطاف اكتشفت من كلامها انه يكلمها بالتلفون ؟؟

وانه يجوفها وتشوفه وانه لازم كل يوم يكلمها وهني انهرت وقلت لها خربتي بيتي ودعيت عليها وعلى امها

وقلت لي بتتركه لكنها جذابه ما تركته وتمت معاه

وانا قعدت بنار من كلام زوجي انه تركها وبين كلامها تخيلو من وقاحتها قالت انا بتركه مو عشانج عشان عيالك ياحرام.؟ تقول انا لو بنت حرام بسهوله خذته؟؟

تخيلو تقول جذي عن زوجي لانها واثقه انه يموت فيها ؟؟

المهم انا ياتني حاله نفسيه وحسيت اني اكره زوجي كره شديد لدرجه اني تنميت اسمع خبر موته وارتاح منه

ورجع زوجي الديره وكملت الدوره لكن لازال الوضع سيء ماعاد عندي ثقه فيه وكله اشك فيه

وهو بعد احسه تغير من وبي ومعاد يحبني ؟؟

من يومها وزوجي دايمها يقعد بروحه ومايقعد معاي احس فيه يدور اي شي يسليه بس مو معاي

مره عاللابتوب ومره الايفون ... وانا قلبي منقرص منه

كله افكر انه يكلمها قلت يا ربي شاسوي عشان ابعده عنها ؟؟؟ قررت اشتري له بلستيشن


وعالاقل يلعب ولا يدردش وفعلا تغيير وصار كله عالبلستيشن يلعب وماصار يدش النت وايد

ولكن رت لي مشكله اخرى هي البلستيشن اول يلعب ساعتين باليوم وعقب صارو خمس

الحين ماجووووووووووووفه كلش كلش من يوصل من الشغل لين يرقد والله ماقص عليكم

وصارت مشكله جديده معاه انه مايدري عني ولا عن عيالي والله صار مدمن عليها بشكل جنوني واثرت علي مخه

كم مره اتهاوش معاه ولا يحس ولا مفتكر يقول انتي اي شي احبه تزعلين منه معليه العب بس مو هالكثر

المهم ارت هوشه كبير معاه من يومين عالشي ذي وتورو انه ضربني وطلع كلام قوي فخاطره وقال انه مايحبني

وانه عايش عشان العيال بس وانه مبر نفسه معاي وقاعد بالبيت بهاللعبه ولا جان مابجووفه كلش

المهم انا كلامه ذي كله كوم وضربه لي بكووم تخيلو ضربني قدام عيالي وشدني من شعري ورماني عالارض

عمري ما تخيلت انه بيسويها فيني؟؟ انا الحين منهاره

احس اني تاكدت ان هالزوج مايحبني ار لي معاه يومين مانكلم بعض لانه اتفقنا ما نكلم بعض ونعيش عشان العيال

وفعلا صار يرقد بالمجلس وياكل ويشرب فيها ويلعب هناك طووول اليوم ماجوووفه ولا يجوفني ولا يطق لسانه لساني..
انا راحه قررت اني ماكلمه لاني مابنسى ضربه لي ابد

افكر اطلق ؟؟ اقول عيالي ؟؟

افكر اتم ؟؟ احس اني اموت كل يوم ؟؟؟

انا احبه مووت ومن حبي له ماحب اشوفه لاهي بشي غيري

بس هو مو فاهم هالشي ولا يبي يفهم لانه مايحبني مايقدر يغصب نفسه علي

انا مو عارفه شاسوي ابيه يحبني بس شلون تخلين انسان كان يحبج وصار يكرهج يرد يحبج ؟؟ صعيه

ساعات ابكي اقول ليش هو قدر يكرهني وانا لا ؟؟ ابي اكرهه ابي احس اني مو زعلانه لو ما كلمني

ابي احس بالسعاده بالحب بالامان مو لاقيه هالشي معاه ولله شوي واكلم غيره شوي اخونه بس عشان ارتاح

ساعدووووووووووني وارجووكم لا تقسون علي