حياتي كئيبة واوشكت على الهلاك بأسرار غيري

السلام عليكم ورحمة الله وبركاته
كل عام وانتم بخير

ممكن هذا أكثر هم مسيطر علي أكثر من همومي اللي أحملها
واعتذر حبيباتي انا لي أكثر من معرف فحقيقة ماارتاح الا لهذا المعرف لان كثير يعرفون معرفي القديم . ووان ذكرت شي يخصني راح يعرفوني
المهم نيجي لصلب الموضوع
طبعا انا بعمر 27 سنة يعني
صرت كبيرة واميز كل شي . الاحظ كثير او الاغلب سواء صديقاتي او اهلي
او اي شخص اتعرف عليه يبدا يسرد لي اوجاعه همومه مشاكله ويطلبوا مني احلها لهم

ويمكن اهم شي فرغوا شحنة بداخلهم . لدرجة من كثر ماهم يأمنوني على أسرارهم انسى ويذكروني فيها .
هالشي تعبني حيل كسر نفسيتي زود على اللي فيها
طيب انا المفروض اشكي همي ووجعي لغيري بس تكون ردة فعلهم نحسدك على عيشتك مرتاحة لاهم ولا غم . انا ماشكيت لاحد ولو فرضا تكلمت مايقدروا يستحملوا حتى نصفه
سبحان الله
انا مارزقت لا بوظيفة ولا بزوج ووصلت لعمر يوقف عنده الحظ بكل شي
والنعم بالله انا مؤمنة بهالشي واللي يهمني رضا الله عني ثم والدي
وكل سنة تمر اقول بتغير واهرب من شكاوي صديقاتي اخواني واخواتي
بس اللي اشوفه كأنه عقاب علي بالعكس تمر وتبدا تصفيه خطوبات وزواج ووظيفه
وانا كما كنت محد يسال عني ولايفكر ولايقول وقت ماتظهر الوظايف الله يعوضك خير
ع الاقل احس احد حوالي مثل مااشيل همومهم برضو لهم الحق يرفعوا عني حتى لو القليل

اخاف من كثر مايشكون لي واعطيهم حلول تكون لا سمح الله خل لمشكلتهم

وفيها سلبيات علي ماترضي ربنا ويوقف حظي بسببها

هذي شكوتي يابنات مو من اجل تتعاطفوا معاي

حبيت اقول معاناتي اللي مأزمة على حياتي ودمرتها

كفاية التعب اللي فيني وماعمري شكيت لاحد وحسبي الله ونعم الوكيل على من كان السبب في
مرضي

اتمنى تفهموا الموضوع من جانب نقاش بيني وبينكم
او من تحس وضعها مثل وضعي

لان وبكل صراحة ابغا حلول منكم كيف اتجنب اسرار ومشاكل غيري واطلب مايحدثني بها

محدثتكم : المظلومة

وهالوقت اكتب لكم وتو وحدة تشكيلي معاناتها وتطلبني حل :09:

الظاهر انا غلطت في تخصصي المفروض يكون علم نفس او اجتماع >>هههه


دعواتكم لي بالرزق الحلال وراحة البال