الله يصبرك ياقلبي ننتظرك

الله يعينك ويصبرك

الله يكون في عونك
في الانتظار

المهم راح كلمهم.... و اه من اللي صار بعدها يومها انا كنت معه و كنا و حنا في السيارة دخل شي في عيني و انا كنت لابسة عدسات و اه على الالم و الدموع اللي نزلت و الماكياج راح فيها و الكحل اختفى و كان نفسي ارجع البيت بس قالي زوجي صعب خاصة و ان حنا قريب من بيت اهله... فرحت يومها و انا وجهي مقلوب و متحملة ألم عيني و جالسة..
بعد ما كلمهم نادتني وحدة من خواته و قالت انت وش فيك علينا و ليه انت اليوم زعلانة ... قلت لها انا تعبانة من عيني فقالت لأ انت زعلانة و بعدين لو في شي مزعلك مننا تعالي كلمينا و لومينا مافي داعي تروحي و تشكي لأخونا...
(اللي خايفة منه صار) قلت لها انا ما شكيتكم على اخوكم هو اللي راح و لما شاف عيالكم تمنى لو عياله معه و بصراحة انا اخذت على خاطري و زعلت لما عرفت بس ما شكيت له و قلت شفت اهلك او خواتك أو أو...طبعا محد صدقني إلا وشوي اشوف خواته الثنتين جو و صاروا كلهم يلوموني و يعاتبوني ....(خاصة اني في هذيك الفترة صارت شبكة اخوي و عزمتهم و كلهم اكدوا لي انهم جايين اكيد و انا كنت اكلمهم اكثر من مرة المهم جى يوم الشبكة ما شفت و لا وحدة ..طب على الأقل يقدروني يتصلوا ... يعتذروا مني مثل ما كنت اقدرهم و يمونون عليه ... و الله العظيم و لا شي و كأني أنا و لا شي... ما انكر اني زعلت بس قلت في بالي بلاش مشاكل او حتى اعاتبهم لأنهم خلاص ما عاد يمونوا علي ) و نرجع لمناقشتنا مع بعض ...حاولت اوضح لهم أني اعزهم و اني بالعكس دايم اذكر اخوهم فيهم بس يظهر إن اللي في القلوب طلع....تخيلوا يا بنات زوجي و هو قاعد اعطيه الجوال و اقله دق على فلانة اسأل عنها انت ما تسأل عن خواتك... او اختك ولدت ابي اخذ لها احلى هدية و احسن شي و كنت دايم اعزم وحدة من خواته عندي و احب بنتها من كل قلبي....و كنت اقوله وش رايك نتجمع اليوم الفلاني في بيت أهلك و نزاورهم....و هذا شي بسيط من اللي كنت اسويه و زوجي يشهد علي بعد الله....
المهم شفت كره لي في عيونهم فظييييييييع ابد مو معقول انا كنت احبهم كنت اشوفهم خواتي ...


و احتدم النقاش بيننا و ارتفعت الأصوات و جا زوجي من عند الرجال و هو قالي انه وحدة من خواته نادته المهم يوم دخل وش فيه و كان النقاش بيني و بين اخته اللي كانت تزاورني و اللي كنت معتبرتها اختي و اللي كانت تفضفض لي و كنت ابكي عشانها و احزن على حالها اذكر مرة من المرات جتني و فضفضت و هي خرجت من عندي و انا ع المستشفى على طول جتني كتمة و كنت زعلانة على حالها حتى زوجي كان يسألني ليه صار لك كذا و ش قالت لك فلانة مع اني ما قلت له عشان قالت لي او ما قالت.....تخيلوا حجم هذي المعزة و تكتشفي بعدين انها لناس ما تستاهل ناس تحبيها من قلبك و هي تكرهك من قلبها...سبحان الله احس انها خيرة عشان يوريني ربي مدى الكره اللي في قلبها لي...

زوجي واقف جنبي و انا جالسة ع الارض ابكي و اخته كمان صارت تبكي ... لغاية ما قالت شي قالت: فلانة هذي اللي جنبك انا بقولك شي عنها....
انا هنا فزيت و و الله ما ادري احس اني تحولت انسانة ثانية و جتني قوة ما ادري من وين
قلت لها: قولي اللي عندك الحين و مسكت يد زوجي و قلت له ما تطلع... و قلت الحين تقولي و شوفيني ماسكة يد فلان قولي قدامه اللي عندكقالت : الحين اقول. و جت اختها الصغيرة و مسكت على فمها و صارت تقول لها : الله يخليك يا فلانة لا تقولي و صارت تبكي و هذيك تفيها و تقولها خليني و الله لا أقول
و صارت اختها الصغيرة تبكي و تضرب على فخوذها و تقولها و الله ما تقولي
(حسبي الله احس اني رجعت لهذا اليوم من ثاني)
المهم قلت لها : انا ماااااااااااافي شي اخاف منه في حياتي و الحمدلله نظيفة و اهلي ربوني احسن تربية
و صاروا يقولون لها خواتها اهدي انتي حامل لا يصير فيك شي...
جا عمي و انفض المولد ... و قبل لآ اخرج تذكرت يوم كانوا يقولوا انتي حامل (طبعا كنت غبية) قلت لعمي و زوجي ابي اروح اسلم على فلانة ...زوجي استغرب قالي لا امشي البيت ...ابوه قال له خليها تروح تسلم عليها و رحت لها و كان في الصالة اختها الصغيرة و هي و اختها الثانية في الغرفة لما شافتني اختها الصغيرة قامت فزت و دخلت عليه و هي تكح و تتنحنح بمعنى اسكتوا....المهم سلمت عليها و قالت لي اهم شي اللي صار بيننا يندفن و ما تقولي لأحد ...قلت لها إن شاء الله...

و خرجت من عندها و انا قلبي بيتقطع و مع زوجي في السيارة صار يناظرني بحزن و انا قلت له ما قلت لك لا تفتح الموضوع .. قال لي ما توقعت خواتي كذا ...ليه يسوا كذا انا كلمتهم بالطيب و تشرهت عليهم بس

المهم وصلني عند اهلي و انا في حالة بكاء هستيري... و حكيت لهم عاللي صار قام سألني ابوي طيب و ما قالت وش الكلام اللي بتقوله عنك قلت له لأ ما قالت خواتها ما خلوها..

قالي هذا الموضوع ما ينسكت عنه .. قلت: الله يعافيك يا أبوي خلنا نصك ع الموضوع انا ما احب المشاكل
و ابوي ما رضى
طيب و بعدين ... الله يسامحه راح و قال هذي الحكاية لأهله ....اللي هم ما يحبوني اصلا ... و صار حكي و كلام كثير الخلاصة كانت اني و ابوي و زوجي نروح بيت اهل زوجي عشان ابوي يبي يعرف وش عند بنت اخوه من كلام عني و هو يقول لي انا عارف كيف مربيك و ما ابي احد يقول عنك شي. يعني يبي يخرس الافواه

المهم و يكلم ابو زوجي زوجي و يقوله وش ذا الكلام وش قالت اختك ... حكا له زوجي اللي شافه...
تخيلوا رد ابوه له .. هذا الكلام ما صار....قاله زوجي : تكذبني ؟ و الله هذا اللي شفته و سمعته
قال له عمي : بس خواتك يقولوا هذا الكلام ما صار....
و لمح له لو جا يشهد معي لا بطريقة غير مباشرة يخليه يطلقني
(لا حول و لا قوة إلا بالله وش الجبروت هذا) عشان لا يقول زوجي كلمة الحق و انا طلعت كذابة و مفترية على بنته بعد

المهم زوجي قال لي : ابوس ايدك صكي ع الموضوع ترى انا احبك و ما ابي اسيبك و لكن هذا ابوي.
بصراحة حتى انا شلت هم خاصة عيالي ووش بسوي فيهم
كلمت الوالد.قالي أبد لآزم نروح .لكن ممكن زوجك ما يجي معنا. قلت له :كيف و هو شاهد الحين انا طلعت كذابة و متبلية بعد.قالي: ما عليك و مهما حصل خلك هادئة و وصاني.. قالي لو بنت عمك حلفت بالله على شي حتى لو هي كانت كاذبة لا تحلفي انتي.قلت له : كيف طيب كذا راح انظلم. قالي : برضاي عليكي سوي اللي اقوله.
و قبل لا نروح ابوي كلم اخت زوجي تخيلوا تقوله: لا تجي يا عمي عشان لا تسمع كلام ما يسرك عن بينتك.
لا حول و لا قوة إلا بالله حتى ابوي بتشككه فيني.ابوي كلم امي قالها اسألي بنتك لا يكون في يوم قالت لها شي او فضفضت لها . عن شي ممكن ينقلب ضدها . امي قالت انا عارفة بنتي و متأكدة منها. المهم قالت لي : و كلمت ابوي بنفسي و قلت له : ارفع راسك ترى و الله ما سويت شي يخليك تخاف منه و انا مستعدة للي تقوله.
المهم رحنا و ياريتنا ما رحنا... و الله يا بنات انا و ابوي تبهذلنا و عمي قام يهزئني و عيونه كلها كره و حقد .يعني لا تقولو لي اعتبره مثل ابوي لا و الله.
المهم بنت عمي هذي قامت تهددني و تتمنن علي تقولي انا اقدر بتلفون مني اخرب بيتك ادق على امي و اقولها عاللي صار بيننا و انتي عارفة امي.<<<تهددني بأمها؟قلت لها: انا لي رب كريم ما ينساني.و الله العظيم اني لجمت فمها بهذي الكلمة؟
وعدت هالحكاية لكن صارت قطيعة لا أكلمهم و لا يكلموني و صرت في حالي و دخلت معهد حاسب و شغلت نفسي بزوج عيالي..
و فييوم كنت تعبانة و توني جاية من المستشفى إلا واشوف اتصال غريب و بما إني في مدينة و اهلي في مدينة ثانية لقيت اكثر من 8 مكالمات ...و انا كنت ناسية جوالي في البيت المهم و يرجع الرقم يدق قلت يمكن احد من صديقاتي او احد من اهلي رديت مع اني ما أرد على ارقام غريبة.
و تطلع لي وحدة ما اعرفها و هي وحدة مرسولة ابليس حسبي الله عليه و على من رسلها الله ينتقم منهم عاجلا غير آجل و يرد كيدها و كيد من أرسلها في نحورهم.
قالت لي: فلانة.
قلت لها: إي نعم.بكل حسن نية
فجأة و غيرت نبرة صوتها و قالت لي: شوفي احسن لك تعدلي مع اهل زوجك يا تعبانة ترى بيزوجوه عليكي امه و خواته و تستاهلي ما يجيكي...و كلام كثير يسم البدن هذا و انا مصنمة في مكاني و مو مستوعبة و بعد ما خلصت كلامها قلت لها : مين انتي
صكت في وجهي.
انا عارفة مليار مليون بالمية انها كذابة و زوجي يموت فيني و كنا بنسق اننا نطلع بعثة. لا زواج و لا خرابيط
المهم انا انهرت من فكرة الاتصال و انه في ناس تبي اذيتي و انا غافلة.
قمت اصيح من كل قلبي و عيالي يا قلبي عليهم صاروا يصيحون معي ولدي لغاية الان متأثر و صاير مرة خواف
و ادق على زوجي و الحظ سيارته تعطلت و قالي بيتأخر.
و يوم جا هون علي و حضني و دمعت عينه قال لي تصدقين: امس جاني اتصال من امي و طلبتني فيه بسرعة
نفس الرقم اللي جاكي داقه عليها هذي البنت و تقولها الحقي مرت ولدك دايرة بعباتها على راسها و تقول فيكي كلام ما ينقال؟
يقول زوجي: ما غير انا هونت على امي و قلت لها عمره بنت عمي اذتك في شي؟قالت لا و الله بنت الناس عمري ما شفت منهت الا الخير؟
و اليوم الثاني دقت علي هذي الحقيرة. يظهر انهم شافوا ما صار شي بعد ما حرضوا ام زوجي قاموا كلموني.
مين هم؟الله أعـــــــــــــــلـــــــــــــــــــــــم لكن اللي اقوله الله لا يسامحهم مين ما كانوا؟و لا يوفقهم و مصيري رح اعرفهم لو مو في الدنيا في الآخرة إن شاء الله.
يا بنات انا و الله عمري ما اذيت احد و لاجرحت احد انا الخادمة تجيني ما اذكر في حياتي اني صرخت على خادمة مجرد الصراخ حتى لما كانوا يمرضون اشتغل لهم ممرضة و احزن على حالهم
صديقاتي كلهم يحبوني و الحمدلله صديقتي تقولي: لا تبكي على ناس ما تستاهل ترى هم اللي خسروك مو انتي اللي خسرتيهم..
ادعوا لي الله يوفقني مع زوجي و بيعد عنا كل من يريد أذيتنا و ترى يا بنات فينا عين مدري سحر زوجي مسكين جسمه متعبي دمامل تخيلوا ما في منطقة إلا و فيها حتى داخل اذنه جنب الطبلة... مسكين كثير تعبان
و عيالي دايم مسخنين.. و انا من فترة لفترة تجيني سخونة و تروح من غير سبب
للأسف يقولون الناس فلان و فلانة مبسوطين و يحبون بعض ما في بينهم مشاكل
اكيد في مشاكل بس انا و زوجي ما نحب ننشر غسيلنا قدام الناس و ما نحب نحكي امورنا الخاصة لأحد
الله المستعان

ما اقولك غير مثل توقيعك
اللهم عليك بمن ظلمني فإنهم لا يعجزونك..آمـــــــيـــــــــــ ـن يارب العالمين