اختي الغاليه انا راح اتكلم بمصداقيه وارجوا ان تتقبلي مني وهذا لمصلحتك
اختي زوجك قد يكون متورط اخلاقيا مع صديقه واخذ صديقه هذا الممسك عليه واخذ يهدده لان مافيه شي يقدر يخبيه الا اذا كان شي يستحي منه ويخاف انه يطيح من عينك لان اي مشكله ثانيه يقدر يقولها حتى لو طول بسكوته الا الحاجه هذي لان صديقه وعلى حسب فهمي يغار لمن تكلمينه وهو مو مرتاح له اما الاخت اللي تقول ممكن متورط مع تجار مخدرات ما اظن لانه يقدر يقول لك كذا وانت بما انك تحبينه راح تسامحينه لكن هذا السبب هو الاقوى
وهناك سبب اخر قد يعاني من مرض او شي اخر او ضعف جنسي لذلك حاول يختبرك عن طريق التهدي بالانترنت لان ماحد يعرف ايميلك غيرره واجوا ان يتسع صدرك لما يصارحك به
لانه يمكن لما كان يرسل لك تهديد يبغا يعرف مدى حبك له وتمسك به واتمنى لك السعاده وطمنينا عليك

طمنينا اش صار معاك .....انشاءالله بتنفرج

الله يونها عليك
طمنينا عليك

يــــــــــــارب هونها..
حبيبتــــــي وينك؟؟؟!!

أشغلتينا والله عليك ...

طمنينــا

والله ثم والله ..لو تشوفين حالتي من قصتك>>>تقولين مات لي حبيب >>بسم الله عليهم
والله قعدت أبــــــــــــــــــــــــــــــــــــــكي وأدعي لك بكل وقت أدعيلــــــــــــــــــــــــــك من دم قلبي ومن حرقة قلبي
والله لأني كل ماأجي للمنتدى أستبشر خير ..أن مشكلتك أنحلت....
قلبي معك ..لاتيأسين أبـــــــــــــــد
لاتتأخرين علينا
قلبي ودعواتي ودموعي الحاره معك بكل لحظه حبيبتي
أحنا معك..وبجنبك بكل لحظه لاتستحين أبد ..أحنا معك ما بنتركك..

السلام عليكم
ادري طولت الغيـــــبه هالمرة لكن مو بيدي.. والله كل مابي ارد عليكم انشغل بشي واهون.. واليوم اول ماصارت فرصة جيت لكم..
استانست حيــــــــــل بردودكم الله يسعــــــــــــــدكم ويبعد عنكم ما اهمكم..
وجزاكم الله خير..
صارت هالفترة احدااااااااث كثيرة..وكل يوم بكل لحظه يصير شي..
لكن الحمدلله الحمدلله حمدا كثيرا يليق بجلال وجهه وعظيم سلطانه انكشف اللغز
اللي قلب حياتي فوق حدر..
صدق كانت صدمه لكن اهون من الحيره اللي عشتها..
الحمدلله ربي رحمني وبلحظه دون سابق انذار كشف لي كل شي..
.
.
.
التقيت بخطيبي جا لديرتي وعلمني كل شي..
تذكرون صديقه اللي قلت لكم اني مو مرتاحة له!!
هذا قبل سنة تقريبا عرض على خطيبي انه يتزوج اخته..وقال له يصير خير
وكانت علاقتهم مع بعض حيل قويه.. المهم خطيبي قال لاخواته وعرض عليهم الموضوع لكن محد ايده ..لانها على حسب قولهم انه ماتناسبه ابد..من جميع النواحي..
وكان صديقه كل شوي يسال خطيبي عن رايه.. لدرجه انه قال له متى الزواج!!
وتخيلو لدرجة انه كان يجيب اخته من الكلية وخطيبي معاه بنفس السياره..
قال له بعدين اني انا مافكر بالزواج الحين وهي الله يوفقها..
بعدها بفترة خطبني انا..ومن هاللحظه اشتعلت النار بقلب البنت..
وهي اللي كانت ترسل وتهدد..والله يابنات انا قريت بعيوني رسايلها بجواله
كلها سب فيني مع اني ماعرفها ولا عمري شفتها..وكلها تهديد انها راح تعلقنا طول عمرنا..وانه مااوفى بوعده..وراح تخليه يندم طول عمره..وخطيبي ماعمره ارسل لها الا مرتين قال لها..اتحداك تسوين شي.. ماتقدرين..
هالكلام صار اول خطبتنا.. تصدقون حتى قبل ماتنحرق السيارة ارسلت له وقالت له!!
شفتو شلون الوقاحة!!كتبت مبروك حرق السيارة ..وعقبال المرسيدس انت وهي سوى.. قصدها انا
يقول خطيبي بلحظه حسيت اني متضايق وتعبان حيل..دون اي سبب..
وابتدت الحاله معاه..
والله كانت لحظات مؤثره لما كان يتكلم معاي..مابي اتذكرها
يقول حسيت اني فقدتك للابد..ورحت شكيت لصديقي..ولما شاف حالته قال له حاول انك تكلمها.. ويمسك جواله ويدق الرقم ..لكن خطيبي ماقدر..
المهم اخذه صديقه لشيخ بعد محاولات..وقرا عليه.. والحمدلله تحسنت حالته وزارني..
.
.
.
الحمدلله يارب.. الحمدلله..لكن للاسف احيانا الاحظ تجيه ضيــــــــقه وما يقدر يكلمني وانا اكلمه يترجاني اني اقفل..
واذا قفلت يرجع يتصل علي..ويحاول انه يعتذر لي..لكن يتهرب ويقفل مرة ثانية..
الحين يومين ما كلمته صديقه الروح بالروح مات الله يرحمه ويغفرله..
لما كان عندي كان يقول ابي اداوم على الشيخ لكن الحين يقول مابي اروح..
مادري شفيه..لكن الحمدلله على كل حال..

من كان يصدق ان كل هذا يطلع من بنت؟؟؟؟حسبي الله ونعم الوكيل..
الله يرد كيدهم بنحرهم..اللهم اكفينا شرهم بما شئت..اللهم من اراد بزوجي سوء فاشغله بنفسه واجعل تدبيره تدميره يارب العالمين..
الله فرج همه واشرح صدره للايمان..اللهم قر عيني بصلاحه وتقواه..
يارب عليك بهم فانهم لا يعجزونك..اللهم فك سحره وابطله..يارب العالمين..
.
.
.
اشكركم من كل قلبي على وقفتكم معاي. وعلى دعواتكم ..الله يسعد كل من دعت لي وتذكرتني بكلمة سواء هنا ولا على الخاص..
يارب اني مارجع لهالصفحه الا وانا ابشركم بزواجي منه..مابي تتكرر هذيك الايام
تعبت وتعذبت..والله كانت موت بطئ..
دعواتكم لزوجي الله يفك سحره ويحميه.. اللهم امين
.
.
.
حسبي الله ونعم الوكيـــــــــل