اشكر كل من رد علي وجزاكم الله عني كل خيــــــــــــر..
كل الاحتمالات اللي تكلمتو عنها انا طرت على بالي وواجهته فيها..حتى اهله كلهم قالو له لا تلعب ببنت الناس اذا انت بحياتك وحدة ثانية او حتى متزوج بالسر..
مع انهم مستبعدين لانهم ماعمرهم لاحظو انه راعي هالحركات.. قسيت عليه كثير.. قلت له انه اناني ومو مسؤول وانه مرتاح بعذابي..كنت ارسله بالرسايل قبل لا يكلمني.. وماكان يرد علي
لكن اخته كانت تقول لي انه كان يبكي ويبكي بروحه .. لدرجة يسمعون صوته من برا الغرفه..مع انهم مايعرفون اني هاللحظه ارسلت له شي..
بعدين اندم حيل واحزن عليه.. واتمنى لحظتها اني احضنه واشيل همومه عنه ..
الله يفرج همه ياربي.. ويشرح صدره للايمان..
انا افكر شلون بنت تسوي كل هالاشياء؟؟؟؟ تهدد.. وتحرق.. وتقلب حياة انسان معروف برزانته الى جحيم؟؟
وارد اقول مافي شي بعيد.. هالزمان ما استبعد اي شي....
المهم في شي انا ماوضحته لكم..
له صديق علاقته فيه من زمان قويه حيل حيل.. لدرجة ان صديقه معتمد على خطيبي بكل شي لدرجة الاستغلال ولما ملكنا وضحت هالشي لخطيبي وحس وحاول يبتعد عنه قد ما يقدر..
انا مارتحت له ابد..حركاته مو طبيعيه..مثلا لما كنت اكلم خطيبي يظل كل الوقت يتصل عليه على جواله الثاني..
احس انه يغاااااااااار حييييييييل على زوجي مني.. واحساس المراه عمره مايخيب..
مرة كنت معاه ووصلت له رسالة فتحتها انا.. لقيت الرسالة من صديقه..كاتب.. وحشتني يا ....
انا مسحتها.. وسالت خطيبي عن علاقته بصديقه.. قال لي تكفين لا تجيبين لي طاريه..وقال لي انه يشك صديقه هو ورا رسايل التهديد..ومن كلامه احس انه متحسف على الثقه والوقت اللي قضاه معاه..
هذا الكلام كله قبل لاتصير المشكلة.. يعني زوجي كان مو مهتم برسايل التهديد.. واعتبرها مجرد كلام مو اكثر..
وعشان كذا انا محتارة وخايفة.. لاني اعرف طبعه مو اي شي يهزه..
حاسه شي كبيـــــــــــــــــــــــر..فوق كل الاحتمالات
صار كل الوقت يقضيه بروحه.. سااااااااكت..
اخته امس كلمتني مر عليها وغير لبسه.. وقال لها ((خلي لبسي ذكرى عندك.. من يدري يمكن ماتشوفيني الا بعد سنه))
قالت له لا تقول هالكلام.. حرام عليك تشغل بالنا عليك..
سكت وماتكلم..
ياربي المشكلة كل ماطالت المدة تتعقد اكثر.. ياربي هونها من عندك
تعبت من التفكير.. والهم هد حيلي..تكفون دعواتكم لنا..
حسبـــــــي الله ونعم الوكيل
:44::44::44:
يا بعد عمري انتي
ميخالف نطري وصبري وادعيله والله يكون في عونج ان شالله
و عمر الظلم ما يدوم ,, و كل شي له يومه وينتهي ,,
بس باين عليه متمسك فيج حيل ,, لا تتخلين عنه ,,
ذكرتيني في واحد كان مثل قصه خطيبج
كان اهو ويا رفيجه حيل حيل حيل ويا بعض ,, لدرجة ان عبالهم اخوان
وواحد كان منهم كبير و الثاني اصغر منه بجم سنه ,, بس ماكو بينهم فرق كبير ,,
الكبير نوى يتزوج ,, يوم رفيجه درى استمرض و طاح بالمستشفى لا أكل ولا شرب و حالته حاله ,,
يوم زارة الكبير قاله ,, ان ما يبيه يبتعد عنه لانه يحبه ,, الكبير قال حق صديقه انا ماراح اوخر عنك ,, و راح اتم مع بعض
تتوقعين الصغير شقاله ؟
قاله تزوجني :S
ياربي شهالموقف ,,
بس هذاك رفض و قال انا احب خطيبتي ,,
ظل الصغير يلحقه ويأذيه وياّي خطيبته ,, بالأخير ,, مادري شنو الي صار ,, الي بلغ عليه وارتاح منه ,,
اذا كان الي تتوقعينه صح ,, فصديق خطيبج مريض :(
يا بعد عمري انتي
ميخالف نطري وصبري وادعيله والله يكون في عونج ان شالله
و عمر الظلم ما يدوم ,, و كل شي له يومه وينتهي ,,
بس باين عليه متمسك فيج حيل ,, لا تتخلين عنه ,,
ذكرتيني في واحد كان مثل قصه خطيبج
كان اهو ويا رفيجه حيل حيل حيل ويا بعض ,, لدرجة ان عبالهم اخوان
وواحد كان منهم كبير و الثاني اصغر منه بجم سنه ,, بس ماكو بينهم فرق كبير ,,
الكبير نوى يتزوج ,, يوم رفيجه درى استمرض و طاح بالمستشفى لا أكل ولا شرب و حالته حاله ,,
يوم زارة الكبير قاله ,, ان ما يبيه يبتعد عنه لانه يحبه ,, الكبير قال حق صديقه انا ماراح اوخر عنك ,, و راح اتم مع بعض
تتوقعين الصغير شقاله ؟
قاله تزوجني :S
ياربي شهالموقف ,,
بس هذاك رفض و قال انا احب خطيبتي ,,
ظل الصغير يلحقه ويأذيه وياّي خطيبته ,, بالأخير ,, مادري شنو الي صار ,, الي بلغ عليه وارتاح منه ,,
اذا كان الي تتوقعينه صح ,, فصديق خطيبج مريض :(
الصفحة الأخيرة
وانه فيه شي مخبيه عنك ولا يبغاك تعرفينه لان من فهمي للقصه انه نفسيته تعبت ثم بعد فتره انحرقت السياره
مين ورا كل هاذا الله يعينه وستخير لكم الخيره المبروكه