~لا اله الا انت سبحانك اني كنت من الظالمين~
أشكر كل من رد علي وعطاني من وقته ..ماتدرون شكثر ارتاح بكلامكم..

لكن حبيت اعلق اول شي على رد الاخsami74 وام جوري:
شكلكم ما قريتو كل كلامي بالاول انا قلت خايفة لو اني تركته اندم ويانبني ضميري..وخايفه ابقى معاه وادفع ثمن هالغلطه..
يعني (محتاره) لو كنت صدق احكم (بعواطفي) مثل ما قلتو كان (ما) احترت ابد.. واخترت اني ابقى معاه بدون اي تردد على حسب اللي يقوله لي واللي شفته منه..
ولو بغيت احكم بعواطفي ما قلت له خلنا نفترق.. ولا نطقت هالكلمة..صح؟
بعدين اي مثاليه اللي انا صورتها لكم في خطيبي؟ تصدقين يا ام جوري انتي اللي نبهتيني على هالشي ولا انا مافكرت ابد بالعكس احاول قد ما اقدر اوصف لكم الوضع اللي انا عايشته..
والشي الوحيد اللي متاكده منه حييييييل هي الاحداث اللي تصير .. صدقوني انا مو من النوع اللي يتبع عواطفه في هالامور.. واحط الاحتمال الشين قبل الزين عشان لا انصدم..
شلون يمثل مسرحيه وانا معاه بكل احداثها؟؟؟؟؟
الاتصال اللي وصله وعلمه ان سيارته انحرقت كان من اخوه لانه يشتغل معاه بنفس المكان..واصر خطيبي ان مايوصل الخبر لابوه او امه لانهم تعبانين ومايبي يزيدهم..
وتحسبون اني سكت وما تاكدت من الموضوع؟؟؟؟ بالعكس سالت واستفسرت ولقيت الخبر صحيح..
واهله علاقتي فيهم قويه مستحيل فيه شي ومايعلموني.. وعلى اتصال معاي يوميا يعلموني باي تطورات..
بعدين ليش يمثل علي؟ يلعب فيني مثلا؟؟
ماصار بينا اي خلاف.. وكان يبينا نتزوج اليوم قبل بكرة..وهو قال لاهله وكل اللي يكلمه ((خطيبتي مالها اي ذنب بالموضوع ولا شفت منها الا كل خير.. لا تدخلون علاقتنا بالسالفة))
شفتو شلون لي حق احتار واخاف؟؟؟؟
ياليت لو اني اقدر احكم بعواطفي.. كان ارتحت..
انا قلت لكن ادق التفاصيل عشان تعرفون وضعي .. تعرفون اني ما تكلمت وحطيت موضوعي الا لما عجزت افكر.. احس اللي يصير لي فوق الخيال..
لحد الان مو مصدقه..مالومكم لو صادكم الشك انه يمثل..
لكن قلت لكم كل شي واحكمو!!! انا تعبت حيـــــــل
مادري وش اسوي دام الكل احتار وعجز يلاقي الحل..هذا وانتو اكبر مني وخبرتكم اكثر..انا وش اسوي؟؟
اذا صبرت قالو تتبع عواطفها.. واذا انهيت الوضع وتركته قالو تسرعت
.
.
.
حسبي الله ونعـــــــم الوكيـــــــــل

أسيرة موني
مشكوره حبيبتي وادري عمر الظلم ما يدوم سواء احد يظلمه.. او حتى هو اذا قاعد يظلمني..
وسالفة الشباب اللي طالعين فيها ترى منتشرة يحبون بعض وحركات مالها داعي.. الله يعافينا مما ابتلاهم فيهم..

الله يفك كربتك انتي بعد ويحققلك اللي تتمنيه يارب..
*
*
*موسلين *
مشكوره على المرور


*
*ساعة الصفر
ادري هذا اصعب قرار اتخذه بحياتي..الله اعلم اذا بتكون حياتي كذا كلها صدمات!!
الله يعين ويهونها على الجميع
*
*
*
دودا الأمورة
ااااااااااااامين يارب العالمين
*
*
*Miss Rose
لو بيدي ما تخليت عنه ولا اتركه لكن شسوي هذا امر ربي..
انا مو بيدي الا ان ربي يكتب لي الخيره.. مع ان فراقه مايهون علي..
*
*
*
بنت دلاال
ياليت لو تمر الايام ونكون مع بعض وتصير هالمواقف كلها ذكرى.. وما نتذكر الا صبري معاه.. وحبه لي..
ربي ما يعجزه شي وقادر يجمعني فيه على خير..
*
*
*دايخة
اااااااامين والله يفرج هم جميع المهمومين
*
*
*
KDD ORANGE
اكيد باذن الله ماراح اتسرع باي قرار.. ومن اقل حقوقي اني اعرف سبب اللي يصير
لكن انا انتظر تهون الامور شوي واستفسر عن كل شي.. احس الوقت مو مساعد اني اضغط عليه الحين
*
*
*
@ام محمد
ان بعد العسر يسرا
ان بعد العسر يسرا
ونعم بالله.. جزاك الله خير

*
*
*منارة الجبيل
ونه ألم
جزاكم الله خير على وقوفكم معاي.. وعسى الله يفرج همي ويجي اليوم اللي ابشركم فيه ان كل شي رجع مثل قبل واحسن

الله يفرجها عليج وعلى ريلج
ولا تتركينه اللايام بتبين حقيقة الموضوع
وهو اكيد ما بينسالج وقفتج معاه

حبيبتي انا قريت كل كلامك بالحرف الواحد واعيد كلامي مرة اخرى
حبيبتي
يارب هونها
انا بعد كل الي قولتية
اقولك قفي وقفة صادقة مع نفسك
وحطي النقط على الحروف قبل لا يفوت الا وان
اذا كان يحبك ويموت فيكي وانتي تبادلية نفس الشعور فاليصارحك بالموضوع....ولكنة وكما قلتي لن يخبرك وهذا اكبر دليل على تورطة بشي
لماذا وحطي تحتها الف خط لا يخبرك بما يجري معة
حبيبتي انا احس ان خطيبك يمر بكارثة فاما يصارحكي بالقوة لتقفي معة وبكل حب
واما اطلبي منة ان يترككي بغير وداع




عيوني هنا انتي فهمتيني غلط ....فانا قلت اني لم اسمع بمثل هذة القصة فعلن الا في الافلام والمسرحيات لانها قصة غريبة لم اسمع بها في الواقع طيلة حياتي ارجو انك فهمتي قصدي ...فانا لا اقصد انة يمثل عليكي
اختي وغاليتي لا يوجد منا من لم تمر عليها في حياتها ايام اسود من الليل..... فانا اقدر الف مرة حبك لة وانا اعرف جيدن معنى الحب الحقيقي النابع من القلب
ولكني الا ن اتكلم مع اخت بكل حياد وبعيدة عن المثالية اختي الغالية اراح الله قلبكي وابعدة عنة كل شر


حبيبتي انا اعرف ان كلامة مية بالمية وهذا ما اخافني عليكي
انا اعرف انا خطيبك في مشكلة كبيرة
ولكن صارحية بحقيقة مشاعرك وقولي لة.... ان لم يساعد نفسة فكيف بكم ان تساعدوة واسالية كيف يمكن ان تساعدية




لا هو ما يمثل عليكي ابدن هذا شي مفروغ منة



.الله يعينك اختي ويفرج همك .....بس ارجوكي اذا جاء يوم وانفك الغموض عنة فلا تنسين ما تخبرينا
هذا مالدي والله العالم

عرفت السبب يازوجي الغالي..
الحين بس حسيت بمدى عذابك..الحين تاكدت انك صادق بمشاعرك..
حبك لي هو الوحيد اللي ( بقى منك)..ادري انك انتهيت.. انتهيت يا اغلى من سكن قلبي..
قتلو احلامنا وهي بالمهد..حاولت تحميني حتى وانت باقسى درجات الالم..
ماراح انساك.. اصلا شلون انساك؟؟
شلون انسى كلامك!! وضحكتك..وحنانك!!
مغامراتنا اللي عشناها سوا وكلنا امل نحكيها بعدين لعيالنا..راح تندثر مع الايام!!
لحد الان احس بلمسة يدك بيدي واحنا نطوف كنت ( تشد)على يدي.. واسمعك تدعي ان الله يجمعني فيك..
يالغالي انا سمعتك.. عشان كذا نزلت دموعي هذيك اللحظه..
حتى وداعك حرموني منه.. مابي شي الا اني اشوفك واودعك.. حرموني من صوتك وشوفتك للابد..
حسبي الله عليهم ..حسبي الله عليهم.. حسبي الله عليهم
شلون اعيش من دونك؟؟ وكل شي حولي يذكرني فيك؟؟
هداياك حولي ..ليتها تدفني دامها منك..الاماكن اللي جمعتنا كلها لا جيتها اغمض عيوني ما اقدر اشوفها والله ما اقدر..
فقدتك.. وانت عايش معي بهالدنيا..
تخيل لو التقينا بعد مر السنين.. وجت عيني بعينك.. شسوي انا؟؟
ااااه فراقك اكبر من حدود احتمالي.. وادري انت بعد نفس الشعور..
شوف الدنيا دارت وقاعده اودعك على صفحات الاوراق..الشاهد الله اني اكتب لك بدم قلبي..
من يوم مافترقنا ودموعنا ماوقفت..تصدق يالغالي احس دموعي تطلع مني وتدورك..
تعودت تطلع وتلقى كفوفك هي اللي تمسحها..
لكن الحين وينك انت وويني انا!!
لا تحزن يا بو فارس.. هذا اسم ولدنا اللي كنت تبي تسميه..
لا تحزن الله يجمعني فيك بجنته يارب.. لقانا هناك..
لا يضحكون عليك ويقولون اني مابيك.. واني انا طلبت الفراق.. يكذبون والله يكذبون..
لا يجيك شك اني حفظتك بحضورك وغيابك ولا عمري شكيتك لاحد..
وانك بنظري مهما كثرت طعون اللي غدروك اعظم رجال..
غدروك وانت اللي كنت تتمنى لهم الخير..الله حسيبهم..
اودعك يافرحة سنيني..ولقانا جنة الفردوس يارب..
.
.
.
خطيبي طلع مسحور..واهلي مصرين نفترق.. واهله يحاولون يعالجونه لكن رجع يهرب منهم..
دعواتكم له.. الله يفك سحره..ويشرح صدره للايمان