حياتي للحين معلقه..

الله يسعد مساكم.. تعبت نفسيتي من الحياه الزوجيه لي ثلاث سنوات متزوجه وماني مستقره اول سنه زواج طلعنا برا السعوديه عشان دراسته و على طول حملت ومن بعد ماحملت بدأت المشاكل وصار يهددني بالطلاق ياانزل الجنين يايطلق وبعدها سفرني لأهلي لين جبت ومن بعد ماجبت ماجاء السعوديه ولا رضى ياخذني معه وبعدها رجع للسعوديه لأنه ماتوفق بدراسته وضليت عند أهلي لأنه مايبغى يستقر ويستاجر وعنده استراحه ماتصلح لسكن ويبغانا نقعد فيها لأنه مايبغى يصرف ولا ريال وانا ملاحظه عليه من أول ماتزوجته مايبغى يصرف علي أهم شي نفسه وبس وابوي رفض يسكني الاستراحه وقال خلاص بستاجر شقه مفروشه ورحت معه الشقه وصار كل واحد بشقه لأنه مايبغى إزعاج البنت وماصار يصرف ع البيت وع بنته ويجيني عشان يأخذ غرضه وللأسف حملت منه للمره الثانيه ونفس الوضع هددني بالطلاق واشترلي حبوب عشان ينزل الجنين وأخذت الحبوب ورحت بيت أهلي وصار وطلقني طلقه وحده وأخذت الحبوب ونزل الجنين الحمدلله ورجعني ثاني شهر بدون محد يدري من أهلي وصار يبغى الصلح وللحين صارلي عند أهلي سنه ويرسل مصروف بنته وانا ماكاني ع ذمته والمفروض يرسل مصروف لي ولبنته وابغى حل مقنع يريحني من هالتعب اللي انا فيه وش اقول وش بااسوي الله يسعدكم اعطوني حل مقنع ؟