al dana @al_dana_1

محررة برونزية

حياتي مافيها اي ترفيه ملييييييييييت

السلام عليكم ورحمة الله وبركاته

كيفكم ياصبايا

انا مشكلتي بسيطة جدا الحمد الله
لكن هي صراحه تؤثر في النفس والحديث ( لبدنك عليك حق ) يدل على انه الانسان لازم يرفهه نفسه ويمتعها بما هو حلال

المشكلة ان انا ماعندي قريبات من سني وصديقاتي في العمل خروجي معاهم قليل جدا بسبب ان اهلي مايسمحون لي بالخروج مع الصديقات الا في الضيق الحدود يعني اخرج معاهم اشوفهم لكن مو نتقابل اي وقت وكل اجازة نهاية اسبوع لا ماعندهم هذا النظام حتى لو اقنعهم الطقوس اللي يسوونها اهلي قبل خروجي تكرهني في الخروج
لازم واحد من اهلي يوديني السواق لا مايوديني
طبعا لازم الموعد يناسب وقت ابوي او اخوي
لازم في وقت محدد واماكن هما يختارونها

جمعتنا في الويك اند مع العائلة والاقارب مافيها بنات من سني للاسف حتى متزوجات مافيه من سني كلهم اما حريم كبار اولادهم في سني او بنات متوسط وثانوي وانا جالسة بينهم كاني غراب البين لاضحكة ولا بسمة

والخروج وماادراكم مالخروج

اذا خرجنا لسوق او مطعم اواي مكان نخرج احنا بس العائلة ونحس ان الخروج مو للمتعه واجب على امي وابوي لازم يأدونه ساعات ونرجع
عائلتنا صغيرة يعني عادة نخرج انا واختي الصغيرة واخوي الصغير
واذا رحنا المولات احس ابوي يتعب والله بطلنا نقول يالله نروح مكان
كرهنا الخروج وبطلنا نطلب نخرج

ابدااااااااااااااااااا مانستمتع :(

احس انه مافيه اي جانب ترويح عن النفس في حياتي
ملييييييييييييت

طول عمري حياتي دراسة وواجبات والحين شغل وااجبات عائلية حتى زياراتي العائلية كلها اداء واجب

بنات انا الحين دخلت الـ 27 سنه اذا مااستمعت الحين متى استمتع بحياتي

حتى الضحك اتذكر اخر مره ضحكت يمكن قبل سنه :06:

ياليت اذا عندكم افكار او حلول تساعدوني

يلزم عليك تسجيل الدخول أولًا لكتابة تعليق.

تسجيل دخول

يقولون اللي يقولون • 15 سنة

لا عاد انا شقول عن نفسي يوم خميس والناس اللي طالع وللي مبسوط وانا جالسه عالنت انعمت عيوني بديره مااعرف فيها احد الا زوجي والسوق احسهم بيطردوني من كثر مااجيهم ماادري وين اروح وايش اسوي بس اذا طفشت اقعد ابكي وانام مثل البزارين قبل ينامون

حلوة وخفة • 15 سنة

تراسل ع الايميل حبيبتي والله اني اشد من وضعك تبين ن

مادموزيل سوسو • 15 سنة

الحال من بعضوووو حبيباتي ..

هذاني قاعدة ع النت من الظهر لا طلعة و لا احد جاينا ولا نشوف عمانا

ولا فيه احد كبري عند خوالي اللي نروح لهم دايم

من قل الدبرة عندنا ..

الله يصلح حالنا وحالك ..

al dana • 15 سنة

حلوة وخفة :

تراسل ع الايميل حبيبتي والله اني اشد من وضعك تبين ن

تراسل ع الايميل حبيبتي والله اني اشد من وضعك تبين ن

ههههههههههههههههههههههههههههه

التم متعوس الحظ على خائب الرجاء

الحين كلكم مثلي

فينكم يابنات حواء نبغى مساعدتكم وافكاركم الحين خلاص كونا فريق
وسميناه فريق البحث عن الترفيه والترويح والمتعه الحلال

مادموزيل سوسو • 15 سنة

يبغى لنا نشتري سيارة و نروح وياكم نتمشى ,,>> أمزح ~

ونسولف و نفرفش و نمشي في مكان حلووو