من البدايه راح اكون صريحه معك وراح اكلمك كما لو اكلم بنتي او اختي فرجاء لا تزعلين مني:
الصلاة اهممم من زوجك ومن عياللك ومن كل العالم هذي فريضه بتحاسبين عليها كيف تاخرينها وتجمعينها علشانك نايمه ؟؟؟
اصلحي مابينك ومابين الله ربي يصلح لك حاللك
اتقي الله في جميع امورك وان شاء الله بتلاقين النتيجه اللي بترضيك
اسألك بالله لو كنتي تشتغلين هل بتروحين نهاية الدوام لانك ناايمه ؟؟
كيف اذا كانت علاقتك برب العالمين القادر على اسعادنا وشقائنا اللهم لا تشقنا بسوء اعمالنا ياكريم .
بالله يااختي انصحك نصيحه لو انها بنتي بانصحها بمثل كلامي لك علشان لاتقولين اتشمت فيك اعوذ بالله

اهتمي بصحة عياللك ومستواهم الدراسي لانه اذا كنتي يانايمه ياطالعه لاهللك تلقائي بتتدهور صحتهم ودراستهم
انا تكلمت عن عياللك لاني حاولت اصدق ان زوجك عاجبه الوضع (وياخوفي ان زوجك يجيه يوم ينفجر عليك بشي ماتوقعتيه) الله يبعد عنكم كل شر
الحل :
ابدي من بكره شغلي المنبه على 5ونص صلي الفجر وادعي واناي على سجادتك ان ربي يحسن تديبر امورك دنيا واخره
بعدين قومي صلحي فطور عياللك وصحيهم للمدارس وودعيهم اهم وابوهم
بعدين ارجعي للسرير ونامي شغلي المنبه عالساعه11وقومي ركبي الغدا عالفرن بعدين رتبي البيت وعالساعه 12ونص يكون الغدا جهز استقبلي اولادك واحظنيهم وغديهم وخليهم ينامون الظهر علشان يذاكرون العصر ولو ماحبيتي نومتهم خلي حل واجباتهم الظهر ويناموا بدري عالساعه تسع بالليل

خلاص ماراح تجي الساعه 11او 12الا وانتي هلكانه وغصب راح تنامين
واهللك خليهم يوم واحد وسط الاسبوع ونهايه الاسبوع يومين علشان تهتمين بعياللك وحياتهم وتلقين وقت تناقشيهم وتتكلمي معهم وتتحسسينهم انك معهم بكل شي

انتي اعقدي العزم بس وربي راح ييسر لك ان شاء الله

الا الصلاه لاتتهاوني فيها وتجمعيها مع بعض
ركبي منبه الجوال او اثنين

كل شي اعديه بس كيف يجون عيالك من المدرسة وماتدرين عنهم. احس وضعك مضحك وغريب وشلون اكلكم من برا والعصر تتقهوون

اكيد بتكون نفسيتك صعبه

نظامك فاشل ومتعب

انتي زوجه وام عيال منتي مراهقه

واصلي ورتبي نومك وحافظي على صلواتك في اوقاتها وشوفي بيتك وعيالك وزوجك

الله يعينك انا زيك واسبوع اسهر وماقوم الا العصر بس شوفيني انواع الكااابه والله ماودي ااخر صلاتي بس الشيطان الله يلعنه ومن مجرد ينامون عيالي بالليل اجلس حزينه لحالي والوم نفسي وبعدين انظم نومي واجلس ١٠ ايام اموري حلوه وتمام وعبالي خلاص بستمر كذا الا وتدريجيا يتاءخر وقت نومي ياانا وزوجي نسهر تعرفون مانلاقي وقت لبعضنا غير الليل لما ينامون عيالي ي النت يسهرني والاقي الساعة ٣واقول حرام انام الحين بستنى الفجر اصلي الفجر وانام ويروح علي صلاة الظهر وهكذا اسبوع متلخبط نومي و١٠ايام او اسبوعين اموري تمام والحين اموري تمام بس عساه يستمر يارب..


عمتي ام زوجي تعجبني كثيييييييير ماشاءالله عليها تنام ساعة ١ بالليل وماتنام الا اذا صلت صلاه الليل وتنام وتقوم لصلاة الفجر وماتقوم من السجادة ع طول لا تجلس تستغفر وتسبح وتدعي الين مايطلع الصبح ووترجع تكمل نومها وتقوم الصبح ١٠ او ١١ وتصلي الضحى وخلاص معاد تنام الا الليل ...
هذا حياتها من يوم عرفت نفسها انا عايشه معاها وصارلي ٨ سنين ماشاءالله مانامت عن فرض ولا سنة اهنيها من كل قلبي وعساني اصير زيها والله يهدينا اجمعين..