حياتي متلخبطه

مرحبا بنات
بنات انا مشكلتي التردد والتفكير في المستقبل والخوف من الفشل ابي يكون كل شي مثالي ابي اولادي يلبسون احلى لبس واسويلهم الذ اكل ابيهم مبدعين واثقين من انفسهم مابيهم نسختي قبل كنت منظمه ومرتبه كل شي مرتب وبمكانه الحين فوضى و عشوائيه وماعندي ثقه بنفسي وقدراتي كنت قبل اكتب بجداول وألتزم فيه الآن اكتب بورق ولافي اي تنفيذ ليش مدري احس في شي بداخلي ضايع هاذي مو انا وحده ثانيه صرت سلبية بارده مافيني حياه
تدرون دايم اقول انا بسوي كذا وماسويه وإذا سكت وكتمته بقلبي اسويه ليه مادري
طبعا في أسباب غيرت مني كثير اني جاهله في الدنيا وجاهله في تعاملي مع الناس وزعلانه من نفسي كثير
وهاذي الاسباب أثرت علي تنغص علي حياتي كل ماذكرها كيف امسحها من مخي مابي أتذكر شي
أهملت نفسي وبيتي وأولادي مالي خلق شي كل ماحبيت اغير شي أتراجع فورا ابي أبرز جمالي ابي ابدع في الطبخ واكون ام قويه قدام أولادي ابي اكون مثقفه وواعيه ابي اكون مرحة ابي اعرف اتعامل مع الناس كيف أكون حذره وحريصه مو كل الناس تتمنى لي الخير كل ماقابلت أحد تطلع عفويتي وبساطتي يعني اشوفه عيب فيني بسببها حصلت لي مشاكل لاني طيبه وعلى نيتي
قبل شوي كنت بقرا كتاب فتحته وقفلته مالي نفس طفشت من الجوال مدري شبي حملت كتب صوتيه اسمع شوي واطفيها امل بسرعه ارادتي مدري وينها مختفيه وماعندي عزيمه وإصرار كلش خلقي ضايق مالي نفس بشي
والله حتى ربي ماعرف ادعيه اصلي افكر ايش اقول أطول وانا افكر وإذا دعيت اقوم ضايق صدري ادعي ع ناس واتحسب عليهم ماحس براحه ولاانشراح ابي حقي يرجع ابيهم يذوقون من نفس الكاس
هذا ولاشي مكسور خاطري عشان ولدي ربي يشفيه يارب المسؤولية احسها ثقيله وصعبة ابي اكون متفائله وعندي أمل بشفاءه تملكني اليأس صرت بدون روح
تدرون وش شبهت حياتي
شبهتها ورقه وطارت بالهوا
ودي اجمع بعثرتي وشتاتي
ودي اعرف وين رحت انا
، ، ، ، ، ، ، ، ، ، ، ، ، ، ، ، ، ، ، ، ،