حياتي مراقبة من وحدة مريضة - ساعدوني يا بنات

السلام عليكم و رحمة الله و بركاته

حبايبي بنات عالم حواء انا اول مرة اكتب موضوع , و يا ليت تشاركوني فيه بأرائكم

انا متزوجه من سنة ونص و عندي بنوته , بس بصراحة احس اني قليلة خبرة في الحياة من ناحية التعامل مع الناس , انقهر من نفسي لمن اشوف احد يغلط فيني ولا اعرف ارد عليه او اخذ حقي ..


المهم موضوعي بأختصار ان مرت عمي _ عمي اخو ابوي _ تستكثر علي كللللللللللللل شي

و تقارني ببانتها ولا تبيني أزود عنهم بشي, خصووووووووووووووووصا حكاية الزواج!!

قبل لا اتزوج , كنا انا وهي مرة في فرح و رحت سلمت عليها وكانوا جنبها حريم اعرف وحده منهم تصير جارتنا وصاحبة امي مررررررررررة والباقين ما اعرفهم

المهم بعد ما سلمت ومشيت سألتها وحده وقالتلها مين هذي؟؟ انا ودي اخطبها لولدي ..

قامت تقولها لا ياشيخة هذي شايفة نفسها و شرانية !!

حسبي الله عليها كله عشان لا اتزوج و أسبق بناتها , طبعا صاحبة أمي وصلت لنا الكلام وقالت لأمي انتبهي على بنتك منها تراها ما تحب لكم الخير

و مرة سوت عشا قبل فرح ولها بأسبوع , طبعا ولدها يسير ولد عمي , المهم يومها اتصلت علي مرت عمي الثانية وقالت لي رايحة للعشا اليوم؟
قلت لها ان شاالله
قالت اجل اكشخي مرررررررررررررررة !!
مدري ليش قالت لي كذا بس حسيت انه واصلها كلام عني , ايش هو الله أعلم , و حسيت انها تبي تقهر مرت عمي هذيك
وقتها انا كنت مخطوبة بس لسى ما ملكت , ولا انتشر الخبر عند قرايبنا اني انخطبت

المهم رحت للعشا و دخلت سلمت و طلعت , قامت وحده من حريم الحارة قالت لمرت عمي هذي

باالله سبتي بنت عمه هذي الحلوة و خطبتي له هذيك الفطسا!!

والله يا بنات انا اقولكم كذا امدح نفسي ولا فيني شي زايد , بالعكس انا بنت عادية بس اهتم بشكلي و لبسي

المهم قامت تقولها مرت عمي : لا يغرك جمالها تراها مغرورة و قوية

حسبي الله عليها , والله يابنات انا مو قاهرني انها اتكلمت عليا , لاني ادري انها ما اتكلمت كذا الا من الغيرة
بس مقهورة انها تشوه سمعتي بين الناس , صرت احس بنظرات الناس انهم واصلهم كلام عني

المهم اتزوجت و من قهرها ما جات ليلة شبكتي و ليلة زواجي الا متأخرة , جات على الساعة 2

وانا و أمي ليلة زواج ولدها جيناها قبل الناس كلهم , والله اننا دخلنا الصالة قبل اخواتها وبناتها وجلست أساعدها من خبالاتي

ولا سمعت منها حتى كلمة مبروك على الخطوبة

و شوفوا يا بنات كيف الدنياااااااااا دواااااااااااااااااااااارة!!

لمن جا زوجي يخطبني طبعا جا هو وابوه

و أستقبلوهم ابوي وعمي_ عمي اللي احكيكم عن مرته_

المهم بعد ما اتكلموا في الخطبة وكل شي قال ابو زوجي لابوي : ما عندك اخت لها؟
لاني بخطب لولدي الثاني و ودي ازوجهم الاثنين مع بعض
قاله ابوي والله اختها الثانية صغيرة في المتوسط.

من بعدها وعمي يضغط على ابوي ويقول له خلي بنتك تدلهم على بنتي

و كلمني ابوي وقالي دليهم على بنت عمك , و دليتهم , بس أيامها كانوا بيخطبون له وحده و ما صار نصيب

و مرت عمي العلة هذي كل ما تشوفني تسألني عن اخو زوجي و تقولي هاه ماخطب؟؟

و انا فاهمة هي ايش قصدها

المهم عمي من كثر ما يضغط على ابوي , قله ابوي خلي حرمتك تكلم بنتي و هم يتفاهمون!!

يعني كانها الشغلة ناقصة حساسيات ومشاكل

قلت لابوي ليش قلتله كذا ترا فيها احراج عليها , خلاص مايحتاج تكلمني انا عارفة الموضوع واذا شفت الوقت مناسب برجع اتكلم

قام قلي ابوي مرت عمك و انا اعرفها بكرة اذا لقوا فيه عيب ولا شي تلبسك الغلط

ع الاقل بكرة لو قالت شي قوليلها انتي دقيتي بابي وطلبتيني

و سبحان الله قد ما أسعى لها في موضوع بنتها مايسير نصيب

لانها في يوم من الايام ردت عني النصيب

خلاصة الكلام و اللي مضايقني الان انها متسلطة عليا و تبي تعرف كل تفاصيل حياتي

كيف زوجي معايا؟

وين سافرت؟

كيف فرشت بيتي؟

قضيت ملابسي من وين؟ والله يابنات لو اقولكم أشياء ماتصدقوني , تخيلوا مستكثرة علي اني ولدت في مستشفى خاص!!

والله العظيم حاسدتني اني ولدت في خاص , لو تدرون يا بنات اني ولدت قيصري في اخر الثامن

و ولدوني عشان الضغط والزلال و السكر كانوا مرتفعين كلهم مع بعض!! قسما بالله

والله حتى الدكتورة تقولي ارقي نفسك انتي جيتيني قبل اسبوع ماكان عندك ضغط اصلا ولا زلال

كيف يرتفع كذا فجأة ؟؟ ولمن خرجت من غرفة العمليات منعوا عني الزيارة و طلعوني على قسم الملاحظة لان ضغطي زاد و صار أعلى بعد العملية

و بنتي ياقلبي جات ما اكتملت رئتها لانها ما كملت تسع شهور وقعدت في الحضانة اربع ايام ماشفتها غير في الصور

ينزل زوجي يصورها و يوريني صورها لان خطر عليها تخرج من الحضانة و تنفسها ما انتظم

و الله اني دموعي على خدي , اشوف صورها و ابكي بصمت

و تخيلي وانتي في هذي الحالة تجيكي وحدة وتقولك كم كلفت ولادتك؟؟

طيب ماله داعي الخاص ليش ماولدتي في حكومي؟؟

والله كلافة مالها داعي!! ااااااااااااااااااه ياربي ذبحتني , من القهر رديت عليها و قلت لها سلامتي انا وبنتي تسوى الدنيا

و بعدين خرجت وتقول شوفوا الكذابه تقول ولادتها اتكلفت 17 الف , انا بنت اختي ولدت فيها ولا اتكلفت غير 7 الاف !!

وهي والله كذااااااااااااااااابة المستشفى هذي عندهم اقل شي ولادة القيصري ب 10 الاف اذا حضانة عادية ومن غير اي تكاليف ثانية

شوفوا باالله اللي ربي مشقيه بعيشة غيره

و همه لا احد يزيد عني ولا يصير أحسن مني

ما ني عارفة كيف اتصرف معاها , نفسي يوم ارد عليها ولا ادقها بكلمة كذا اخليها تفهم اني كاشفة تفكيرها المريض

مرة خايفة من عينها لانها حسود

لا تقولون اخلي امي تكلمها او ترد عليها لان امي مو من النوع اللي يقاوح ولا يتمشكل

اصلا امي فديتها ما عمر صوتها ارتفع , دايم هادية وكلامها راكز و تنزل مستواها لوحدة زي كذا

ساعدوني يابنات