حياتي مع بنتي وزوجي.

السلام عليكم ورحمه الله وبركاته عزيزاتي أنا حابه أفضفض لكم لأنكم أخواتي اللي ماجابتهم وردودكم تريح البال وتسعدني إتمنى من اللي ماتقدر تساعد ترفع الموضوع أو تدعي لي لأني بحاجه الدعاء ~أنا لي بنت 11 شهر عمرها بسم الله عليها شقيه وحركيه بشكل غير متوقع تسبب لي إحراج لما أروح لأهلي أمي عايشه ببيت جدتي مع جدتي وخالتي لما أروح هناك تبدأ بنتي باللعب والتخريب والتكسير ؤاذا حطو القهوة حاست عليهم الأحظ عليهم انهم يتضايقون منها ويلحون علي أجيب مشايتها ؤاذا جبتها ترفض تركبها وتبكي لأن بيتهم مفروش مأتمشي زين. وغير كذا صرت ماعاد اطلع أسواق ؤلا حدائق والسبب هي ؤلا أروح لأقاربي ماتبي عربئتها حقت السوق ولارحت لأحد تحوس لهم البيت وببيتي ماتبيني أغيب عنها ؤالله العظيم الحمام تكرمون تجلس تدق الباب وتبكي زي المقروصه أحس خلاص تعبت مليت وما الاقي تعاون من أمي أو أختي أو زوجي ~زوجي يقول أحبسيها بسريرها وخليها تبكي ؤلا بالمجلس ردوده تجرح قلبي يعني بنتي مب جماد عشان أحبسها واسكر عليها ~مليت يأخواتي حبس البيت. كرهت كل شيء يومي نفس بكرا ونفس أمس مافي أي جديد وزوجي يبدأ يعايرني يقول اهلك واهلك مايتعاونون معك الناس أهلهم يساعدونهم وانتي لا ~أناعارفه يمكن تقولون المفروض إنتي تمشين بنتك مو هي تمشيك بس ؤالله تعبت حطيت لها خيمه ألعاب وطيور الجنه ماتبيهم أبد جبت عرائس ونفس الشي واقول لأبوها خذها معك مشوار صغير عشان ماتتعلق فيني كثير بس مافي أي فائده هي طول وقتها معي محد يأخذها يمشيها ويلعبها ~أمي تقول لأكبرت وبدت تمشي وثقل نومها أخذها »يعني محد يبيها بهالعمر وغير كذا يابنات النوم ماتنام زي الأطفال تعبت ؤانا أحاول أنظم نومها لكن مافي فائده سبحتها بسدر وقريت عليها وكل شيء سويته أقوم رأسي بينفجر لأن ما أخذ كفائتي من النوم وألاقي البيت فوق رأسي وزوجي بس حياااته نوم تصدقون من بدت الدوامات ماداؤم بس بفراشه نائم مايقوم إلا 9 أو 9 ونص تعبت ؤانا أصحيه واتكلم معه لكن مافي أي فائده ؤلاقام جا يطلب حقه ؤانا خلاص طابت نفسي ماعاد أبي شيء منه ؤلا أبي أي لقى لأريحه زينه ؤلا تعامل ؤلا شيء صرت أحس أني مجرمخادمه