حياتي مع زوجي ...... انصحوني

مرحبا كيفكم حابه ادخل بالموضوع ع طول انا حاصله مشكله بيني وبين زوجي اول شي بتكلم عن نفسي انا انسانه ما احب الخرجه دايما من البيت وما احب الجماعات الي فيها زحمه ودوشه اطفال وكده وما احب اسمع كلام من احد انا طبعي ما ارد اذا احد سمعني كلام يعني شاريه نفسي ومريحه راسي والي يتكلم يتكلم مصير الدنيا تلف ويسمع نفس الكلام وينحط بنفس الموقف. مشكلتي انو اول ماتزوجت كان دايما زوجي ويوديني عند اهله يعني تقريبا في الاسبوع خمسه مرات اروح عندهم لدرجة احيانا يخلينا ننام عندهم وانا كنت اقولو لا بنام ببيتي وهوا يقولي لا هنا يقولي طفشان وبنتونس مع اخواني وخواتي انا كنت اضايق واكتم في نفسي حملت اول مرا وولدت وخلاني انفس عندهم وتفس الموال كل يوم نروح عندهم و اذا خرجت لحالي انا وهوا خرجنا بس يوم الجمعه المهم بعد ماحملت بالثاني نفست عند اهلي وخفت روحتي عند اهلو بعد المشاكل الي صارت وكانت كلها من اهلو يعني انحطيت في مواقف الله لايوريكم وهوا نفسو يقولو اهلي بطلو يحبوكي طيب انت عارفه كده ليه تخليني اروح عندهم كل يوم يقولي عشان ابويا وامي يبغو الاولاد طيب وانا المهم اقولو نبغى ناخد كباين او كده يقولي اهلي معانا والله يابنات في يوم من الايام اخدنا كباين لحالنا فجاه اتصل على اهلو وقلهم تعالو المهم الفتره هادي انا طفشت من كل شي وصرت بس اعضب وصوتي في البيت طالع زوجي ترك الشغل الفتره هادي و صارت سهراتو عند اهلو للفجر هوا وازواج خواتو قلتلو انا ماراح اروح كل يوم انت حر روح لحالك وكمان ام زوجي صارت تسمعني كلام مثلا لبيت بلايز كت يعني عريان تقولي هادا لبس تلبسيه قلتلها ايش فيه قالتلي عريان قلتلها طيب انا جالسه بين بنات قالتلي هادا لبس قدام بنات انا سكت عندي ام زوجي تحب الوحده تتكشخ وتلبس وزي كدا يعني تكون عشره على عشره ومو اول مرا تقولي هادا الكلام هادا ثاني مرا وهيا ماتحب دوشة الاطفال تجلس تقولنا في الجمعات امسكو عيالكم دوشتوني نيموهم ومن الكلام الي يكرهك تتجمعي معاهم واخر مرا ولدي قال لابوه ياحيوان هوا متعلم من عماتو الكلمه قالت لزوجي لا تضربو انتو علمتو الكلام هادا والله انا عصبت تالمهم انا اليومين هادي صارت مشاكل بيتي وبين زوجي والسبب انو كنت عند اهلي نايمه ولمن طلع الصباح اتصل عليا وقلي ابويا بمر عليكي بياخدك عندهم قلتلو لا ما ابغى اروح قلي بطلي زن وروحي وقفل في وجهي المهم رحت عندهم الساعه سبعه الصباح ورجعن بيتي ١٢ بالليل يعني بالله معقول كده وولدي عمرو سنتين ونص ودايما ينام عندنا بالغرفه المهم صحي بالليل وصار يبكي صحي زوجي يعصب ويصرخ انتي ماتفهمني خديه برا ومن هالكلام اخدتو في الغرفه الثانيه ونمنا انا وهوا وثاني يوم ولدي عمل نفس الشي قام بالليل وصار يبكي قلي زوجي انتي ماتفهمي انا ابغى انام والله نفسي اطلقك ومن هالكلام ومن يومها لمن اليوم وانا واولادي ننام في الغرفه الثانيه عند التلفزيون انا زعلت من الكلام يعني ولدي دايما يبكي عمرو ماقلي اطلعي برا او يسب وزي كده وانا قلت لنفسي دام الموضوع يبغى يوصل للطلاق وكده قلت بشتري نفسي وبيتي واولادي وزوجي وبصير اخرج مرتين بالاسبوع يوم عند اهلو ويوم عندي اهلي غير كده مابروح عند اهلو يعني مرا بالاسبوع بس ومن يوم الجمعه لامس مارحت عندهم يعني انا وزوجي مانتكلم عشان يقولي تعالي عند اهلي واليوم دق عليا قلي اخويا بمر ياخدك قلتلو مابروح قلي ليه قلتلو ماليا روحه عند اهلك غير مرا بالاسبوع واذا رحت اليوم حروح الاسبوع الجاي بنفس اليوم ونفس الكلام عند اهلي قلي احسن وانا عندهم دحين دحين انتو ايش رايكم بالي سويتو انا زوجي مرا كووووويس ويوقف معايا باي مشكله تصير ومايحرمني من حاجه الا لو الظروف كانت مرا عندنا خصوصا الفتره هادي نمر بضغوطات بسبب انو ماعندنا سياره وانو ترك الشغل وام زوجي كووويسه الحمد لله بس مدري اشبها عليا في اللبس والله يابنات دايما لبسي البس عليه جاكيتات الا اذا كنت حرانه افصخ الجاكيت المهم انا دحين ابغى اروح عند اهلي زوجي مرا بالاسبوع مثل ماقلت بس ابو زوجي نشبه كل يوم يدق عليا تعالي تعالي وابي نفسيتي ترتاح وما ابغى الدوشه والجمعات الي على الفاضي والله وقت مانتجمع انا وخواتو لازم اسمع كلام وانا ما اكره الشي دا حطو نفسكم مكاني وانصحوني ايش اسوي ابي اربي عيالي تربيه كويسه حايسه حياتي راح تنتهي مع زوجي بسبب روحتي دايما عند اهلو اليوم نمت بغرفتي رجعت الامور تمام بيني وبين زوجي بس انصحوني وزي ماقلت كل وحده تحط نفسها مكاني