حياتي مع زوجي تمثيلية وبطلها زوجي وخياناته

وفي مرة كنت اسولف معه وقلت له حتى برمضان ماتتركهم وبالعيد تعيد عليها
وتكلمها قال لا والله اني ماعاد اكلم احد ولا اعرف الا انت << على فكرة هو مؤمن
تماما بجواز كذب الزوج على زوجته درئ للمشاكل
ومع ذلك القى له رسايل وتجيه تنبيهات على الفيس بوك رسايل من بنات
واشوف محادثاته وهو يطلب منهم الارقام ويسولف معهم ... وانا رغم كل هذا
مغمضه عيوني ومسويه نفسي ما ادري عن شيء واني مبسوطة وواثقة
بس الحقيقة غييير اني صرت ما اثق فيه ولا احبه كرررهته يمكن مو الكره بمعناه
الحقيقي بس صار مايعني لي الا ابو عيالي بس ماله بقلبي مكان ولا مشااعر
نجي لقبل شهر لقيت معه بلاك بيري مخبيه تحت السرير كان يحسبني نايمه
ولما شفته مسكه بيده فتحت عيني وفجائته وبسرعة حطه ورا ظهره
انا بدون تفكير قلت هاته تراي شفته معك كم مرة وماكنت مصدقه هاللحين هاته
عطاني اياه وتوي فتحت قائمة الاتصالات لقيتها مليانه ارقام اشكال والوان
الا جا وسحبه مني قال اذا رجعت من مشواري عطيتك اياه
ولما رجع عطاني اياه بس كانت القائمة ممسوحة والجوال مافيه اي ادانه له الا
مقطع فيديو ما انتبه له عرفت من المقطع انه مسافر ل ....
رحت اشوف جوازه لقيت فيه فعلا ختم هالسفرية وكانت بوقت سفر لشغل عنده
سافر يومين لشغله وباقي الايام راح لهالديرة القذرة واللي معروف عنها ان اللي
يروح لها قصده خرررراب خاصة انه كان يكلم بنات من هالبلد
خلاص البي بي صار دايم بالبيت ماياخذه ولا شيء ومسوي فيها برئ ونظيف
وسبحان الله بعدها باسبوعين جالسة انظف بالبيت واشيل واحط الا والقى
جهاز جديد مخبيه يااااااااااربي وبعدين المشكلة انا ماعاد ابغى اعرف عن هالبلاوي الا وتطلع لي كل شوي ياااربي وش اسوي اكيد فتحته ولقيت ارقام بالهبل ولقيت محادثة بالوتس بينه وبين وحده سعودية شكله من زمان يعرفها
والمحادثة مالها الايومين كانت بالمحادثة تقول له ان فيه واحد خاطبها واهلها
يبغون يزوجونها وهي ماتبغى وفهمت انها مطلقة وعندها ولد وهو جالس يقول لاتوافقين والزواج مو غصب ومن هالحكي
ايه انا كذا بدت افكاري تروح اتجاه ثاني انه ممكن يتزوج !!!
وبدا القلق ياخذ منحى اخر وتعبت افكر وش اسوي انا عاجزة قدام هالمشكلة
ولا عارفه وش اسوي هو له فترة يطلع كثيير من البيت ماكان كذا بس بعد
ماطاح بالجوالات السرية صار يطلع كل يوم يدور له عذر بايخ ويطلع له ساعات اشك انه ممكن يكون متزوج وساعات لا هو الخيانة والمكالمات من قبل
نتزوج كان مدمن عليها لان امه وخواته يقولون انه كان راعي هالحركات يعني
المشكلة فيه ولا اعرف كيف اتصرف الاكيد ان الجوال الاخير مازال يحطه
بنفس المكان ويخبيه وانا ماعاد فتحته ولا واجهته فيه
مدري انا صح او غلط
انا صايرة زي الضايعة مالقيت طريق صح امشي فيه
كل هالحركات اللي يسويها تخليني كل يوم اكرهه وساعات ادعي عليه بالموت
عايشه معه وامثل اني سعيدة ومبسوطة بينما العكس حتى في الاوقات
الخاصة ماصرت انبسط فيني بروود اتجاهه عجزت اتقبله اللي يصير
مايغيب عن بالي اشغلت نفسي عنه بس تعبت ويشهد ربي اني تعبانة من هالحياة
فكرت اروح لطبيب نفسي لكن قلت ربي هو اللي بيحلها لجات له وكل يوم ادعي ربي بتفريج همي وتسخير زوجي وحفظه من الحرام
ماعاد همني الا عيالي كل مافكرت اتركه افكر بعيالي واتراجع .. قبل كم يوم قلت له يمكن يوم القيامة مانكون احباب يمكن اكون خصيمتك عند الله
وانا لو خنتني ماراح اسامحك ولا احللك حتى لو كنت على فراش الموت

اللي ماعندها يابنات حل ولا راي سديد ياليت تدعي لي بتفريج همي وحفظ زوجي من الحرام
لاني تعبت وربي من حياة المراهقة اللي يعيشها

الله يفرج همك ويجبر بخاطرك ويصلح لك زوجك 

يا أختي والله ضاق صدري من قصتك ومالي إلا اني أدعيلك ربي يفرج كربك ويبدل حزنك الى فرح وأوصيك بهذا الدعاء الطيب ( اللهم أجرني في مصيبتي وأخلف لي خيرا منها )

ياقلبي عليكي لاتشكي لي ابكي لك انا زوجي يخون بس من نوع اخر يتفرج صور اباحية طوووووووول اليوم وقدام عيني صرخت عليه سبيت كسرت جهازه جاب ثاني هددته بالطلاق سويت وسويت .. بس مالقيت غير اني اعيش حياتي لنفسي وهو مايهمني انا وبنتي وبس لانه الخيانة المها كبير ومستحيل تنسي ممكن تحاولي تتناسي عشان عيالك انا حتى بلحظات السعادة تلاقيني من داخلي اغلي واتذكر انا ايش ناقصني انا ماني مقصرة عليه شي انا اصغر منه 15 سنة وهو بنفسه يقولي انتي حلوة بس اقتنعت انه الخيانة زي الادمان صعب يتخلص منها خلي اولوياتك بالحياة انتي واولادك وبس ولاتقصري بحقوقه اعملي بأصلك وتقربي من ربك وان شاء الله تشوفي السعادة ربنا كريم ..

الله يفرج همك يالغاليه