حياتي ملخبطه وزوجي ماله حل

السلام عليكم حبيباتي مادري من وين ابتدي
مشاكلي كثير ومتنوعه وعمرها9سنوات ايش احكي وايش اخلي


انا تزوجت 19 سنه والان عمري 28
عندي3اولاد والثالث بالطريق


زوجي اكبر مني ب12سنه تقريبا او اكثر عمره حاليا 43


المهم.....
اكبر مشكله واجهتها مع زوجي البخل البخل. البخل
اول ماجاني قال انه متزوج ومطلق مرتين والتفاصيل ماقال عليها. وطلبو مننا نراعيهم بالمهر وتكاليف الزواج عشان خسر كثير في زواجاته السابقه ومفلس طلبت 20 قالو مايقدر غير 18 قلنا ماشي. عربية الملكه رفضو وانا اصرريت ووافقو. الزواج يبو يسووه فوق السطح بغيت انجن قلت مستحيل. لاني مطلقه ولا ارمله ولا حتى عانس ولا قاصرني شي. مع احترامي للمطلقات والارامل والمتلخرات في الزواج. والعرسان والله وقتها يدقون بابي بالهبل بس نصيبي معاه هوه قد ماختلفنا سبحان الله كل الخلافات تنحل.خاصة انو موظف عسكري وبيصلي ماعنده خرابيط وقالولي انو مايبغاني اشتغل وهو يصرف علي من ريال لالف وانبسط وقلت جاكي الفرج يابنت وربي عوضك خير وتمت خطبتي والملكه والزواج في شهر كل شي كان سريع حتى احيانا يعايرني يقول اهلك مستعجلين يبو يزوجوكي ويخلصو بالعلم اني يتيمه لكن والله محد غصبني هاذا نصيب وهو الي كان مستعجل


المهم تزوجنا وعشت احلى شهر عسل. وبعدها بديت افوق من هاذا وايش خلاني اوافق عليه واكتشفت انو مايضحك انا انسانه فكاهيه احب المزاح واللعب والمرح فجاه لقيت كاابه ويبغاني احترمو زي ابويا ومدري ايش وبخيل




اول مره اطبخ كنت بسوي ايدام كفته يقولي ليش تسوي اصباع المفرومه كلها استغربت وقلتلو مايصير نص لازم كلها ومشي الحال وكل مره ليش دجاجه نص كفايه وهكذا
فكرت بالطلاق الا واكتشف اني حامل
وشلت فكرة الطلاق من راسي واستمريت وسايرته وكنت اخذ 300 مصروف والله ماكانو يكفوني انا وولدي مايكفيني حتى اشحن جوالي


جبت ولدي الثاني وزادت مشاكلنا على المصاريف ومقاضي العيال فاهلي يتبرعون لي اوقات امي تشتريلي مفرشه جديده وبنت عمتي مره تغيرلي
كنب ومرات اخويه يشتريلي البويه ولو احتجت شي اخذ من امي وهما يعطوني من نفسهم من غير ماتكلم لانهم شايفين حالي بس مايبون لي خراب البيت. عشان الاطفال عيالي ان بغو شي تجيهم بشكل هدايا من اقاربي. صرت يصعب عليه حالي احزن على نفسي لمن احد يجبلي شي والله ابكي ماقدر امسك نفسي. من الفرحه ونفس الوقت احس اني منكسره متزوجه وزوجي عندو خير والناس يعطوني ....


المهم مرت سنين وانا احاول اغير فيه من ناحية الاساسيات صار مايقصر اكل شرب مايحاسب لكن اللبس دوووم نتشاكل وكل سنه موعد الكسوه لازم تصير مناحه. ومره لحيت عليه يزود مصروفي طيب الحلو بعد الحاح زودلي صار 500 لكن وين المشكله صار عندي3اولاد وطلباتهم زادت ماعاد ال500 تكفيني والله لو رحت ملاهي ارجع مامعايا ريال ماما ابغى ىبطاطس. لاابغى مويه لاعصير ووووووو والعشا والالعاب راحت 300 وزود ماخرج مع اهلي مره يقول خذي هاذي 500للعيال اذا بغو شي. مستحيل يسووها اذا مرضو العيال وانا عند اهلي اخويه يصرف حق الكشف والعلاج
يخليني احاسب يوم اقولو انا من فين اجيب يقلي تعرفي من وين تعود ان اهلي يسوولي بس انا خلاص عزة نفسي مابتسمحلي اكثر




صار ودخلت عالم التجاره وصرت اشتغل عالنت وادخل فلوس مشاكلنا شبه اختفت لان صارعندي دخل صرت اوفر لعيالي كل الي يتمنو وصرت ادخل.جنعيه واستلمها وقت مقاضي العيد
والان حامل وتوحمت اني مابغا زوجي ولا ابغا الجماع نهائيا...
وكل يوم مضاربات وابغى انقل.من االبيت لشقه نظيفه وجديده على.مايبني بيتو
وابغى يستقدملي شغاله وهو رافض اي شي
وانا مصره وحامي جدا صعب والبيت توصخ وعيالي طلباتهم ماتخلص تعبت وشيبت نفسيتي تعبانه من البيت وهو رافض ينقل طبعا لان ايجارنا رخيص وانا مو قادره اكمل فقلتلو ياينفذ شروطي يالفراق بيننا والعيال ياخذهم


والله لواستلفت منو ريال ماينسى. اشياء كثير مايمديني اكتبها
مادري ليش.كتبت بس حسيت اني ابفضفض