حياتي واقفة

مرض مناعي. وش يكون؟ عشان لازم تقولين عليه للي يتقدم لك...


لاتقولي رزقي واقف. رزقك من الله ماينقطع.. الله يفرج همك

لاترفضيهم لإنهم معددين ارضي بالموجود كل عمر وله فرصه وكل وضع اجتماعي له فرصه يعني لازم تتنازلي على شان حياتك تمشي الوظايف الأغلب مثلك ماحد محصل وظايف خلاص سعيتي بهالموضوع وماتم لك فكري بالزواج أهم شي المرض مايكون مأثر عليك بسمنه اونحافه إذا مأثر اهتمي

معليش خلينا شوي شوي نحلل وين المشكلة يمكن من نظرتك لنفسك السلبية. اول شي ابواب الرزق كثيرة مو بس وظيفه. ثانيا وش تخصصك ونفكر كيف نستثمر فيه اذا مو مرتاحه تكتبين تفاصيل ارسلي لي خاص وافكر معك بحل بحكم تخصصي وخبرتي.

وعليكم السلام ورحمة الله وبركاته
احلف لك بالله العظيم وانا حتى ما اعرفك وبكل ثقه اقول ان حالك ماهو واقف
بدليل ارجعي لحياتك وتمعني في تفاصيلها
كم نعمه عايشه فيها حالياً بحياتك ؟
عندك بيت يأويك تنامين آمنه مرتاحه وتصحين اكلك وشربك متوفر
صحتك سليمه واهلك بخير وعندك عقل وذكيه وجالسه تتعلمين وعندك جوال وانترنت واحسن لبس و .... و .... الخ
لكن الحقيقه اللي حاصله معك انك انتي جاحده كل هذي النعم اللي عندك ومتجاهلتها تجاهل تام ولا حاسه بوجودها
وحاطه كل تركيزك وطاقتك وعاطفتك ومشاعرك على الشي الواحد اللي مو متوفر عندك سواء زواج او وظيفه
التعطيل ووقف الحال انتي اللي اخترعتيه وضخمتيه عشان تصبين عليه غضبك وتعلقين عليه احباطك
من اليوم غيري طريقة تفكيرك
الحياه فيها تنوع واتساع ليش حاصرتها في زواج ووظيفه ؟
يعني اذا ماتزوجتي ولا توظفتي خلاص حياتك تبقى واقفه وتجلسين على دكة الاحتياط ؟
انتي كائن بشري له اختيارات لا محدوده ليش توقفين عند اختيار واحد فقط وتحصرين نفسك وتضيقين على نفسك ؟

انصحك بالرقيه الشرعيه ارقي نفسك واقري سورةالبقرة كل يوم في بيتك والزمي الحوقله والاستغفار وتصدقى الصدقه تدفع البلاوسبب لجلب الرزق