حياتي والحمدلله على كل حال

السلام عليكم ورحمة الله وبركاته
طبعا انا وحده ماعرف اكتب مقدمات ولا شي..
بحاول اختصر عشان يكون الكلام مفهوم وسهل كذا , مدري حسيت اني اشرح درس ههههه
انا بفضفض وجد مو حابه احكي لاحد اعرفه خلاص مليت من الردود المكرره ..


قصتي ياطويلات العمر , اني بنت طول عمري كنت هاديه وحالي نفسي ولكن الناس
واعوذ بالله منهم تسلطوا علي تسلط الاعداء اي والله وانا ؟ ياغافلين لكم الله هبله كنت
وعلى نياتي فوق ماتتخيلون وثقه بالنفس صفر وحساسه وام دميعه
يعني وضع نفسي مزري وزياده على هذا جاتني الغده من كثر الاضطرابات النفسيه
والقولون ولكم بعدها ان تتخيلوا كيف صارت حياتي اكتئاب محد يدري عنه غير ربي
وصلت لمرحله او سن زواج دخلت العشرين واشوف اللي تقهرني وتغيضني
طبعا مو انا لحالي لا تعرفون حركات اللي توها مخطوبه ومتزوجه فجاه تنقلب
انا هنا حساسه بزياده ووضع نفسي سيء وفراغ عاطفي كبير ونظام البيت
ممنوع الخرجات ممنوع الزيارات الا للشديد القوي
يعني لا اشوف صديقاتي ولا هم كذلك حدنا وقت البيبي ام وواتس وسناب مؤخرا
وابغى اتزوج وابغى اتزوج احس اني بعزله بعيده عن العالم ابغى اشوف العالم
وابغى اشوف الدنيا وجاني العريس الاول والثاني والعاشر
ويروحون اما تخرب من قرايب او غير مناسبين ونقول بالاول والاخر نصيب ربي مو كاتبه
وجا اخر عريس اللي هو زوجي وسالنا وكل شي تمام هنا حسيت الدنيا لفت فيني
بديت اخاف لا مابغى والكل هنا فرحان لا تزوجي ومافيهم شي هذا شعور الخوف
طبيعي ومعرف ايش قلت طيب توكلت على الله ووافقت تزوجت
والبشاير تهل علي وحده ورى الثانيه : )
مرا ادري انه كذب بامور كثيره ومرا مديون للاخر ومرا تاركني بالبيت نفس العامله فقط
حقي كزوجه اغسل واطبخ واراعيه وهو يجيب اكل فقط وهذي هي حياتي الزوجيه
تقولون لي زوجك وحقوقك لا كلها مهضومه
تشكيت وبكيت وحاولت باللين وبالحسنا وبالقوه بالغصب بكل الاساليب ولا فاد وربي
لين عرفت هو كذا طبعه نذل انا مابي ادخل بتفاصيل كثيره
اكتشفت انه راعي بنات وسهرات وخرجات وعدم صلاة ودين والله المستعان
لين طلبت الطلاق ورفض بحجة يحبني واذا طلقتك رجعي مهري وكلام كثير
حصل ان اهلي طلقوني منه والى الان الاذى والله احس وقفت كذا قدام نفسي
وانهرت بكى يعني تعبت بحياتي وكنت محرومه كل شي وتزوجت لعل الاقي زوج يخاف الله فيني
يحترمني يحبني الا طلعت يازين عيشه اهلي
قسم بالله تعبت وربي توي ماكملت باقي الثلاثين ولادخلتها ..
قالوا لي الحياه الزوجيه فيها مصاعب وتنازلات قلت عادي اتحمل
واعرف ادبر نفسي وفعلا ماديا ماكنت اطلب كثير الا للضروره ويعصب احتويه وصابره وانصحه وغيره
صبرت صبر الحمدلله
ولكن ادعوا لي ان ربي يعوضني خير مما فقدت ويبشرني بالاحسن يارب
ويرزقني بوظيفه كويسه