حياتي والخوف

• ترددت قبل ان اكتب موضوعي بس مالي غير انتم بعد الله لاني كل ماتكلم مع اهلي او خواتي ماحد يعبرني

اول حاجه انا حملت بعد فتره طويله جلست اتعالج وتركت العلاج
وبعدها بفتره رجعت تعالجت وحملت بس كل ماحد سألني من اقرابي اهلي اهلو كنت اقول حملت بدون ماتعالج وسبب كنت احسها جرح لي وبرستيجي مايسمح (((((جاهله وهبله كنت))))
بعد مولدت ببنتي غيرت بيتي من الا وطبعا لأنو كان يفشل وقديم وماحد يجي لي كثير لان ماعندي مناسبه بس من ولدت جلست عند اهلي فتره الاربعين ووقتها زوجي يجدد البيت وكل ما سالتني حرمه مطوله هنا كنت اقول ايوا وزوجي يعدل البيت واجلس أعد لهم ايش يسوي وكم اسعر (((يقهري بس))) رجعت بيتي بعد ثلاثه شهور من ولدت
وكانت العلاقه مع زوجي متوتره مرا وكرهني وانا كرهته تغير180درجه ماعد كمل البيت صار يضربني يتلفظ علي يتركني ب اليومين مدري وينه ووين يروح
ضربني ضرب العدو مايضربه لعدوه
طبعا اخذت بنتي وهجيت لاهلي والله العظيم جلست فتره طويله علي هذا المول رايحه جايه لاهلي طبعا كل شوي فاضه واخرتها تهوشنا بسبب ماعد اقدر اتحمل شك ضرب اهانه مايجلس في البيت
وضربني كف وربي احس خدي انكسر
دقيت علي اهلي جو اخذوني وربي سحب علي خمسه شهور مايدري عني
وبعدها رجعت بيتي طبعا بعد ماجاء وتفاهم مع اهلي
وبشروط طبعا
الحمدلله رجعت ومع الوقت تعدل حاله صح يصير بيننا مشاكل بس امسك بيتي وهو مو مثل اول
تغير يمكن لان اهله واخوانه عقلوه
ويمكن خاف علي سمعتوه صح يصير بيننا مشاكل لحد الايوم بس مو مثل قبل
((((انا كنت اقول عين او حسد )))لاني كنت اعلم كل ماجت لانا حرمه بتفصيل الممل ليش انا هنا وين رحنا وبكم جبنا لبيت
والحين انا حامل طبعا حملي هذا بعد متاخر وطبعا العلاج اخذ وقت فتره طويله بعد الحمدلله واخاف ترجع لي مشاكل بسبب عيون الناس هنا وبيتي بسوي فيه اشياء بسيطه من تعدليت واخاف يدرون وأكره حياتي مرا ثانيه
انا طبعا الي مسويه بعد البيت من فلوسي الخاصه واخاف ترجع معاناتي اذا درت الناس
مدري اشياء كثيره والله اذا صارت الناس تحسدني علي طول حتي لو كتبت حاله في الواتس عن حياتي من البكريه تصير لي حياته نكديه ومشاكل
طيب يعني ايش اسوي عشان ارتاح في حياتي
وعيون الناس ما تذيني
وربي وربي اني انام وصحي بخوف
خايفه ترجع نفس حالتي وزوجي يتجنن مثل اول
صح ان حياتي نصها مشاكل وربي ماحد يتحملها
بس مسكره بابي عشان عيالي
لان صارت لي مشاكل وأول من تشمت فيني خواتي واخواني وحريمهم
صح كلامي مخبط من الخوف والتفكير
بس لعلا وعسا ألقي حل عندكم بعد الله
حتي خواتي اذا قلت لهم شي لابد ينتكس والله العظيم
لاحد يدرعم ويقول انتي موسوسه الله لا يسامح الي تتريق وجعلها تذوق الي ذقته
بسالكم انتم مثلي بعد الولده تنتكس حياتكم يا حريم
قسم بالله اهل زوجي وسلايفي بيوتهم تجنن
وهذا الي خلاني اجدد في بيتي عشان لاحد يشوفني اقل منهم ولا بيتي يفشل
((((((انتظر حلول من الحكيمات )))))))