حياتي واهلي وخطيبي وشروطي تعبت من التفكير فيهم. .>>قديم

السلام عليكم...
أنا فتاه ذات 25 عام ونص احضر ماجستير فيني صفات تميزني ما امدح نفسي لكن الحمدلله ..المشكله مو هنا ..

 المشكله انا مهمومه وحزينة وظروفي العائلية صعبــــــــــــــــــــــــــــــه مررررررررره..
يعني تهميش من قبل الاهل كل شيئ على راسي لاني الكبيرة ,اختي الي اصغر مني متزوجه ونظرتهم لي انني فيني عيب او نقص ماتزوجت قبلها , المهم حياتي نكد في نكد ماعمري حسيت بالراحه ابدا تجريح بالكلام او الفعل ..ولكن الحمدلله على كل حال اولا واخيرا.. راضيه بحظي..

المهم ..تقدم لي شخص مطلق ولديه طفلين اسباب طلاقه عرفتها والحمدلله واطفاله حضانتهم عند امهم وهو عليه النفقه.. هذا الشخص يصير اخو زوج اختي ..ما اقولكم اني ترددت بالموافقه عليه ابدا وافقت وانا مقتنعه فيه وبرضائي ..على الرغم من الفارق السني الي بيني وبينه لان يمكن عمره 37 تقريبا..ومن ناحية اخرى اريد الخروج من بيت اهلي تعبت من معاملتهم لي ..ايضا تحلمت بهذا الشخص انه تقدم لي وكان تفسيره عريس مناسب وتغير في حياتي للافضل.
لكن الي عرفته بعدين وحسيته ان امه واخته لم يكونان يريداني له ..وعرفت انه هو اصر على اهله حتى خطبوني .. فاحسست اكثر برغبتي بالارتباط به ..
مشكلتي ان لدي شروط اخاف يرفضونها وخاصة اهله وليس خطيبي ولكنني احس ان هذي الشروط لازم منها..واهلي طبعا بغض النظر مايبغون تصير مشاكل او بالمعنى مايهمهم مصيري بالضبط كيف يكون..ارضي وخلاااص وهذا الشيء يقتلني من داخلي لان احس انهم يبون اتزوج واروح بغض النظر كيف تكون حياتي وهذا الشيئ يألمنـــــــــــــــي كثيـــــــــــــــرا..

من ضمن شروطي ...
مهر مؤخر كان 100 الف في حالة الطلاق او ارجاع زوجته ولو انني احس مستحيل ترجع له ابدا ..ونزلته بمحاولات من اهلي وام خطيبي لانها تعتبر عمتي الى 70 الف ..هل تحسووون انني اخطأت بهذا الشرط او لا ومن خبرتكم تحسون من مصلحتي هذا الشرط او لا ...ابي ارائكم لانها تهمني لاني تعبت من التفكيــــر..

الشرط الثاني..بيت شرعي مستقل... لان بيته الذي كان يسكنه هو وزوجته لا اريده لان كل شيئ فيه بذوقها من بويات اثاث بلاط سيراميك والمطبخ و الحمامات الله يكرمكم كلها بذوقها وباللون البنفسجي ودرجاته ..صح الاثاث حلوو وجديد ماله 6 شهور لكن ما ابيه ابدا ابدا ..

الشيء الثاني انه بنفس عمارة اهله وانا عارفه رح تصير مشااااااااااااااااااااااكل كثيرة بما انهم ما كانو يبوني انا..

ايضا عنده اخوان 2 يجون من خارج المنطقه اسبوعيا كل اجازة اخر الاسبوع وهم موجودين او موجود واحد هو واهله واذا جوو يصير قسم الرجال خاااص فيهم وايضا مشاركة زوجاتهم لمطبخي يعني تجي تطبخ غداء عشاء لها وزوجها وتروح قسم الرجال الي هو مكانهم ...بهذي الحالة ما اعتبره بيت لي ابدا..
انا خايفه اطلب بيت شرعي مستقل ويقولون هذا بيته وبعد اخاف لو اطلبهم يطنشونا ويروح مني خطيبي واحس ان هذا شيء لااااااازم انا محتااااااره مرررررررره..
هل رح اخطأ اذا طلبت بيت شرعي خاص فيني او لا ..
اهلي يقولون ارضي لا تصعبين الامور ولكن من وجهة نظري انها اشيا ضرورية.

.ارائكم تهمني ومشاركاتكم تهمني كثيـــــــــــــــــــــــــــــر ...لا تطنشوني الله يخليكم ولكم دعوه بظهر الغيب باذن الله ...

ردو لي لان الان حللت وانتظر تطلع النتيجة لان يبون النظرة والملكة سواء بعد التحاليل وبالفترة هذي يبون شروطي..ولا تسالوني ليش نظرة وملكة سواء لان هوو خطيبي قال انا مقتنع فيها ولا عندي شروط ابي هذي البنت ابيها فوافقت انا .. لان حسيت انه شاريني مررره لكن المشكله بشروطي تتوقعون يقبلها او لا ...انا خاااااااايفه كثير ..وش تحسون منها مهم وش الي لازم والي مو لازم ...

والله يتمم لي امري علئ خير لان بجد مثل ماهو شاريني ويبيني انا ابيه ولا ابي يضيع مني ...وابي اطلع من بيت اهلي واعيش لحالي ...فيارب لا تحرمني هذي الفرحه وتممها لي يااارب. ..